Jetzt läuft:

Slade My Oh My
  • Als nächstes läuft:

  • Um 15:38 Uhr läuft: Boys Town Gang Can't Take My Eyes Off You
  • Jetzt läuft:

    Slade My Oh My
  • Davor lief:

  • Um> 15:30 Uhr lief: Paul Young Come Back And Stay
  • Um> 15:24 Uhr lief: Ricky Martin Maria
  • Um> 15:19 Uhr lief: Dire Straits Brothers In Arms
  • Um> 15:17 Uhr lief: Lesley Gore It's My Party
  • Um> 15:09 Uhr lief: Charlie Puth feat. Meghan Trainor Marvin Gaye
  • Um> 15:05 Uhr lief: Status Quo In The Army Now
  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 10. Mai 2021

Plattdüütsche Narichten vun'n 10. Mai 2021

Audio vom 10. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Neddersassen lösst de Corona-Regeln +++ Tall vun Corona-Nee-Infektionen geiht bunnswiet daal +++ Architekt Jahn starvt bi Unfall mit Fahrrad +++ Maritime Konferenz geiht los +++ Brügg-Neeiboo op B75 sorgt för Kuddelmuddel in´t Verkehr +++ Dat Weer

Informationen zum Audio

Neddersassen lösst de Corona-Regeln

Hannover: In Neddersassen ward hütt de Corona-Regeln lösst. In Landkreisen un Steden, wo de 7-Dage –Tall unner 100 liggt, könnt de Hannel, de Gasthüüs buten un de Tourismus wedder in Gang kamen. Vörutsett is een negative Corona-Test, or dat „komplette Sprütt geven“ or dat man Corona dörstahn hett. Reisen in Nedersassen dröfft eerstmal blots Lüüd, de ok ut Neddersassen sünd. In Bremen köönt Minschen, de negative test sünd, de „komplette Sprütt“ hebbt or Corona dörstahn hebbt, siet Freedag wedder Termine in Geschäften maken. Man de Gasthüüs blieft wieter dicht.

Tall vun Corona-Nee-Infektionen geiht bunnswiet daal

Berlin: De Tall vun de Corona-Nee-Infektionen geiht wieter daal. Dat Robert Koch Institut hett rund 6.000 nee`e Fallen vermellt. Dat sünd 2.200 minner as vör eene Week. De Virologe Christian Drosten vun de Berliner Charite snackt getroost dorvun, dat sik de Corona-Laag in´t Sommer entspannt. In´t Juni kann man in Düütschland denn sehn, wat dat Sprütt geven brocht hett, seggt he in´t ZDF. Bremen hett gistern 45 nee`e Corona-Fallen vermellt, 14 dorvun in Bremerhaben.

Architekt Jahn starvt bi Unfall mit Fahrrad

Chicago: De Architekt Helmut Jahn is sturven. De 81-Jöhrige is bi eenen Fahrrad-Unfall, in een Oort dicht bi Chicago, to Dode kamen. De Nürnberger is in de 60er Johren na Chicago umtrocken. He gellt as eene de besten düütschen Architekten. Bekannt wurrn is he mit siene Hochhüüs un Bürotoorns. In Düütschland tellt to´n Bispeel dat Sony-Center an´t Potsdamer Platz to een`t vun siene bekanntesten Boowarken. He hett ok den „Weser Tower“ in de Bremer Überseestadt utklamüüstert.

Maritime Konferenz geiht los

Bremerhaben: Mit mehr as 1.000 Deelnehmers fangt hütt Middag de 12. Nationale Konferenz an. Wichtiget Thema is de europääsche Schipp-Bo. Se snackt över eene Strategie dorför,  in den Kampf gegen de groote Konkurrenz ut China. Na Angaven vun de Gewarkschaft IG Metall geiht dat um rund 5.600 Arbeiststeden op düütsche Warften. Bi de meist digitale Konferenz snackt ok Bunnskanzlersch Merkel.

Brügg-Neeiboo op B75 sorgt för Kuddelmuddel in´t Verkehr

Bremen: Op de B75 twischen Bremen un Demorst mööt Autofahrers vun hütt an mit Behinnerungen reken. Dor is eerstmaal blots eene Spoor in jede Richtung free. De eerste Deel vun den Brügg-Neeiboo, över de Varreler Bäke, is nu an de Reeg. De Brügg is de Grenz twischen Bremen un Neddersassen, se is ut de 60er Jahren un in keenen goden Tostand.

Dat Weer

Un nu een Blick op dat Weer: in Syke 20, an den Bremer Flegerhaben 21, an de Fischreehabenslüüs in Bremerhaben un in Ossenbrügg sünd dat opstunns 22 Graad. Hüüt hebbt wi vele dichte Wulkenfeller an´t Heven, de Sünn kriegt wi blot´s af un an mal to sehn. Dat kann ok hier un dor mal so´n beten pieseln. To de oostfreesche Eilannen hen is dat meist fründlicher, bi 18 bit 24 Graad. Tokamen Nacht wedder dichte Wulkenfeller. Twischen Weser un Elb kann dat onnig Pladdern, kann ween dat dat in Richtung Oostfreesland un Ammerland Blitz un Dunnerslag gifft. Dat Thermometer sackt op 12 bit 10 Graad. Morrn Vomdag noch veel Regen, to´n Nomdag hen kriegt wi ok af un an mal de Sünn to sehn un dat pieselt nich mehr so veel,  bi 14 bit 17 Graad. Ok Middeweeken blifft dat so gries. Vele Wulken un hier un dor Regen, bi milden 13 bit 16 Graad. Dat weern de Nahrichten op platt. Katrin Martens hett se tohoopstellt. Op Platt trechtmaakt un vörleest hett se Antje Kruppa.