Jetzt läuft:

Charlie Puth feat. Meghan Trainor Marvin Gaye
  • Als nächstes läuft:

  • Um 15:17 Uhr läuft: Lesley Gore It's My Party
  • Jetzt läuft:

    Charlie Puth feat. Meghan Trainor Marvin Gaye
  • Davor lief:

  • Um> 15:05 Uhr lief: Status Quo In The Army Now
  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 7. Mai 2021

Plattdüütsche Narichten vun'n 7. Mai 2021

Audio vom 7. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Gröne kriegen mehr Ansehn bi de Wählers +++ Bundraat stimmt över Freeheiten af +++ Steden- un Gemeenbund vun Neddersassen will dat mehr open makt warrt +++ Frankriek bringt schienbor grode Impfmiddelbestellen vun de EU to´n Stoppen +++ Drinkwater in´n Kreis Deefholt schinebor döör Aluminium schietig +++ Dat Weer

Informationen zum Audio

Gröne kriegen mehr Ansehn bi de Wählers

Berlin. De Grönen staht bi de Wählers hooch in´n Kurs un sünd an de Union vörbitrocken. Dat eerste Mal siet twee Johrn. In den letzten ARD Düütschlandtrend hebbt 26 Perzent angeven för de Grönen to stimmen, wenn an´n tokamen Sünndag Bundsdagwahl weer. Dat sünd veer Punkte mehr as in´n April. De CDU un CSU koomt tosamen op 23 Perzent – en Minus vun veer Punkten.

Bundraat stimmt över Freeheiten af

Berlin. Na den Bundsdag snackt nu ok de Bundsraat över de Freeheiten för Lüüd, de dat Impfmiddel kumplett un Lüüd, de Corona al achter sick hebbt. Stimmt ok de Lännerkamer to, sünd de Freeheiten an´t Wekenenn al amtlich. Se gellen för de Utgangssperr, för dat Trüchhollen bi Kuntakten as ok bi de Testplicht in Ladens or bi de Putzbüdels. De Bundsdag harr dat Gesetz güstern mit de mehrsten Stimmen besluten. Ok in den Bundsraat gellt en Tostimmen as seker. Bremen will nich ja un ok nich nee seggen. Börgermeister Bovenschulte hollt en Umstötten vun dat Trüchhollen bi Kuntakten för Lüüd, de dat Impfmiddel kumplett un Lüüd, de Corona al achter sick hebbt, för en Probleem för den Tosamenholt in de Sellschop.

Steden- un Gemeenbund vun Neddersassen will dat mehr open makt warrt

Ollenborg. De Steden- un Gemeenbund vun Neddersassen hett en klore Utsicht för Tourismus, Krögers un Weertslüüd in de Corona-Süük verlangt. Verbandspräsident Trips verlangt in de Nordwestzeitung handfaste Plaans för dat Openmaken ok för Badeanstalten un Kurbedrieven. Dor schall dat na sien Menen Enn Mai losgahn. De nejen Regeln vun de Landesregerung gaht den Steden- un Gemeenbund nich wiet noog. De sehn vör, dat af den theinten Mai Hotels, Jugendharbargen un Campingplatzen wedder opmaken dörven. Eerstmal blots för Besöker ut Neddersassen un mit en Test vun Dag to Dag.

Frankriek bringt schienbor grode Impfmiddelbestellen vun de EU to´n Stoppen

Brüssel. Frankriek bringt schienbor grode Impfmiddelbestellen vun noch mehr Biontech Impfmiddeldosen döör de EU-Kommischoon to´n Stoppen. Dat geiht üm dat Verhanneln över 1,8 Milliarden Dosen vun de Firma Biontec/ Pfizer för de tokamen twee Johrn. Dat vermellt de Zeitung „De Welt“. En Handvull Mackers vun de EU-Länner sünd bang, dat de EU-Bestellen wedder to laat kummt.

Drinkwater in´n Kreis Deefholt schinebor döör Aluminium schietig

Stuhr. Dat Grundwater in Delen vun den Kreis Deefholt warrt jümmer surer. Dordör löst sick Aluminium, dat Schaden maken kann, ut den Bodden un kummt in´t Water. Dat is na Angaven vun en Umweltvereen döör Ünnersöken an 322 privaten Brunnen rutkamen. De Vereen vermellt, dat de Grenzweert för Drinkwater to´n Deel üm mehr as veer mal so hooch weer. De höchsten Weerte funnen sick dorna in den Gemenen Weyh un Stuhr as ok in de Stadt Suling. En Vereensspreker föhrt de slechten Weerte op to veel Dünger ut de Landwirtschop trüüch.

Dat Weer

Un nu een Blick op dat Weer: op Langeoog 8, an den Bremer Flegerhaben 5, an de Fischreehabenslüüs in Bremerhaben un in Demorst sünd dat opstunns 6 Graad. Hüüt kann dat hier un dor Regen geven. Mennigmal ok Grisselgrussel. An´n Morgen kann dat sogoor Sneeregen geven. Ok en lüttjet Gewidder kann dorbi ween. An´n Namiddag schaff dat de Sünn jümmer mehr döör de Wulken to kieken. De Wind weiht en beten bit in Maten.  Dat Thermometer wiest thein bit twölf Graad. Na en düchtigen Regenschuer kann dat ok op fief Graad daal gahn.Tokamen Nacht  sünd neven en poor Wulken de Sterns to sehn. Dat Thermometer wiest söss bit veer Graad. Rund üm Bremen umto kann dat Frost an Bodden geven.

Morrn fangt dat mit Sünnschien an. Dorna trecken jümmer mehr Wulken op. An´n Namiddag un Avend pladdert dat denn ok bi 12 bit 15 Graad. Sünndag schient meisttiets de Sünn un dat blift dröög bi 23 bit 27 Graad. Dat weern de Nahrichten op platt. Gabriele Intemann hett se tohoopstellt.

Op Platt trechtmaakt un vörleest hett se Markus Weise.