Jetzt läuft:

Lipps Inc. Funkytown
  • Jetzt läuft:

    Lipps Inc. Funkytown
  • Davor lief:

  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo
  • Um> 14:15 Uhr lief: Lost Frequencies Are You With Me

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 6. Mai 2021

Plattdüütsche Narichten vun'n 6. Mai 2021

Audio vom 6. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Inköpen mit Termin wedder verlöövt +++ Spahn will, dat jedeen mit Astra Zeneca impft weern kann +++ Striet üm Impfen mit Astra Zeneca +++ Börgerschupp snackt över nee’e Regeln in de Pandemie +++ Schoolmester-Verband hollt dat Opholprogramm för Kinner för nich goot noog +++ Dat Weer

Informationen zum Audio

Inköpen mit Termin wedder verlöövt

Bremen – Na Bremerhaben verlöövt nu ok Bremen vun morrn an wedder dat Inköpen mit een Termin. De Ladens bruukt man för een Kunnen 40 Quadratmeter Platz un mööt de Kuntakte vun de Lüüd opbewohren. Buterdem dröfft blots Kunnen kamen, de entweder duppelt impft worrn sünd, Covid överstahn or een negativ Testergevnis hebbt. Verlöövt sünd PCR- un Snelltests. Wokeen een Sülfsttest maken will, mutt den in’n Laden ünner Opsicht maken.

Spahn will, dat jedeen mit Astra Zeneca impft weern kann

Berlin – Bunnesgesundheitsminister Spahn will, dat dat för dat Impfen gegen Corona mit Astra Zeneca keen Regeln mehr gifft, wokeen toerst an de Reeg is. „Wi ward dütlich seggen, dat dat för Arztpraxen un Impfzentren bi Astra Zeneca keen Priorisierung mehr gifft“, sä Spahn in’n WDR. He maakt den Vörslag, dat vun nu an jeder, de impft weern will, een Astra Zeneca-Sprütt kregen kann.

Striet üm Impfen mit Astra Zeneca

Bremen – De Gesundheitsbehöörd un de Kassenärztliche Verenigung striet daröver, wokeen mit Astra Zeneca impft weern draff. De KV harr seggt, dat weer nich mehr so, dat blots Minschen över 60 in de Bremer Arztpraxen darmit impft weern dröfft. Dat weer mit Börgermester Bovenschulte so afsnackt. De Bremer Gesundheitsbehöörd seggt, dat stimmt so nich. Blots in besünneren Lagen dröfft ok ünner 60-jöhrige een Sprütt kregen. De Ärzte schüllt aver wieter toerst de Minschen impfen, de dat vun de Gesundheit her an’n nödigsten hebbt, so dat Amt.

Börgerschupp snackt över nee’e Regeln in de Pandemie

Bremen – De Börgerschupp hollt an’n Namiddag Raat över de Corona-Regeln, de nu gellt. Ünner annern geiht dat üm dat Lockern vun Regeln vun Lüüd, de all impft sünd un Minschen, de wedder gesund sünd. De Bremer Senat harr in düsse Week för beid Grupps besluten, dat se keen Corona-Tests mehr vörleggen mööt. To den nee’en Regeln höört ok de Testplicht in Ünnernehmen. Firmen mööt ehrn Anstellten nich blots Tests anbeden – de Arbeiters hebbt nu ok de Plicht, se würklich to maken.

Schoolmester-Verband hollt dat Opholprogramm för Kinner för nich goot noog

Berlin – De Dütsche Schoolmester-Verband hollt dat so nöömte Corona-„Opholprogramm“ för „heel un deel nich goot noog“. De Bund hett besluten, een Milliarde Euro för Nahölp för Schoolkinner, de dat bruukt, uttogeven. Dar mutt noch orrig wat babenop kamen, an’n besten een dreemal so hoge Tall, sä de Verband to de Nee’e Ossenbrügger Zeitung. Anners ward dat Födderprogramm na sien Meen nich recht hölpen. Nu weern de Bunneslänner in de Plicht.

Dat Weer

Un nu een Blick op dat Weer: an den Bremer Flegerhaben un in Bremervöör 7, an de Fischreehabenslüüs in Bremerhaben 8 un op Langeoog sünd dat opstunns 9 Graad. Den Dag över wesselt sik hüüt Wulken un Sünnschien af, an’n Namiddag ward dat verenkelt wulkiger. Kann ok Blitz un Donner darbi ween – bi 9 bit 12 Graad. Tokamen Nacht ward de Wulken dicker un dat kann Schuers geven. To’n Deel regent dat ok länger. Dat Thermometer sackt op 5 bit 1 Graad. Morrn regent dat in de Fröh twüschen Werser un Elv faken un de Heben is gries, kann ok Sneeregen darbi ween. In’n Werser-Ems-Rebeet kiekt blangen dicken Wulken ok mal de Sünn rut. Den Dag över ward dat Weer mal so, mal so - mit Regen-, Grisselgrussel- un Grummelschuers. Man de Sünn wiest sik ok mal bi 10 bit 12 Graad. Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Heidi Jürgens.