Jetzt läuft:

Supertramp It's Raining Again
  • Als nächstes läuft:

  • Um 14:50 Uhr läuft: Elton John Sacrifice
  • Jetzt läuft:

    Supertramp It's Raining Again
  • Davor lief:

  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo
  • Um> 14:15 Uhr lief: Lost Frequencies Are You With Me
  • Um> 14:08 Uhr lief: The Who Behind Blue Eyes
  • Um> 14:05 Uhr lief: Bangles Walk Like An Egyptian

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 05. Mai 2021

Plattdüütsche Narichten vun'n 05. Mai 2021

Audio vom 5. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

För ene kotte Tiet sünd Termine för de Sprütt gegen Corona free +++ Neen Vörslag wo de Plegers beter betahlt warrn köönt +++ Luftwaff flüggt Suerstoff-Anlaag na Indien +++ Wiedere Minschen op den Spargelhoff mit Corona infizeert +++ Bankrottverfohren bi den Gesamthavenbedreefsvereen is afsaten +++ Dat Weer

Informationen zum Audio

För ene kotte Tiet sünd Termine för de Sprütt gegen Corona free

Bremen: In de Stadt köönt för ene kotte Tiet rund 2000 Termine för ene Sprütt gegen Corona bookt warrn. Dat gellt ok för Minschen, de eegens bi dat Impfen noch nich an´ne Reeg sünd, vermellt dat Bremer Gesundheitsressort. Dor keem en gröttere Partie vun AstraZeneca-Sprütten an. Dorum köönt nu ok Lüüd, de in Bremen wahnen un de twüschen 1962 un 1966 op de Welt kamen sünd, en Termin boken, heet dat. Af Klock 12 an middag is dat över de Terminplattform vun de Stadt mööglich.

Neen Vörslag wo de Plegers beter betahlt warrn köönt

Berlin: In den Koalitschoonsstriet, vunwegen dat de Plegers beter betahlt warrn schüllt, bewegt sik wat. Gesundheitsminister Jens Spahn hett vörslaan, dat in´t tokamen Johr, vun 1. Juli af an, de Krankenkassen blots noch Verdrääg mit de Pleegsteden maken dröfft, de na Tarifverdrag or meist so as Tarif betahlt. Spahn will aver ok nich, dat de Lüüd, de pleegt warrt, dorünner lieden. Dorum steiht in sien Vörslag ok, den Egenandeel för de schiere Pleeg düütlich na ünnen to setten.

Luftwaff flüggt Suerstoff-Anlaag na Indien

Wunstorf: De Bunnswehr flüggt en Anlaag, mit de man Suerstoff maken kann, na Indien. Vunwegen dat de Tahl vun Corona-Patschenten böös na baven kladdert, fehlt dat in de indischen Krankenhüüs an medizinschen Suerstoff. De Anlaag ut Düütschland maakt ut normale Luft vun buten, medizinschen, hoochperzentigen Suerstoff.

Wiedere Minschen op den Spargelhoff mit Corona infizeert

Kirchdorf: Bi den Corona-Massentest op en Spargelhoff in de Gemeen Kirchdorf in den Kreis Deefholt wurrn acht wiedere Minschen mit Corona rutfunnen. Rund 100 Arbeiders hebbt sik dor nu al siet verleden Wekenenn ansteken. Dat meiste sünd Minschen ut Oosteuropa de blots för een Tiet lang dor arbeiden. 900 Tests weren dat alltohoop, betnu weet man bi 450 wat dorbi rutsuert is. In Momang dröfft de Arbeiders man blots to´n arbeiden ut ehre Wahnungen rut. De Polizei seggt, dat sik dor aver een poor Lüüd nich an holen.

Bankrottverfohren bi den Gesamthavenbedreefsvereen is afsaten

Bremerhaven: Dat Bankrottverfohren bi den Gesamthavenbedreefsvereen GHB in dat Land Bremen, is na dat Ünnernehmen afslaten. Vun den eegens eendusend Steeden bi den Personaldeenstleister för de Havenfirmen, blieven nu noch
söven-hunnert-söventig över. De Havenarbeiders smiet den GHB vör, he hett de Corona-Laag bruukt, üm Arbeitssteden aftoboen un weniger Geld to betahlen. De Havenünnernehmen BLG un Eurogate, de den GHB de Opdrääg geevt, bekriddeln dorgegen, dat de Arbeiders vun den GHB nich beweeglich noog sünd.

Dat Weer

Un nu kiekt wi op dat Weer: In Bremerhaven, Ossenbrügge un Wilshusen sünd dat 7 Graad, in Bremen sünd dat opstunns 8 Graad. Vundag hebbt de Wulken de Nees vörn. Vun de Noordsee her rullen jümmer mehr Schuer ran, de to´n Deel ok kräftig sünd. Grisselgrussel kann ok dorbi ween, man ok Blitz un Donnerslag sünd mööglich. An Avend warrn de Schuer denn weniger un de Sünn troet sik wedder rut. Man blots twüschen Wersermündung, Wümmeniederung un Elv blifft dat natt. De Wind weiht in Maaten bet frisch an de Noordsee ok stief un stark vun de westen bet noordwesten Kant. Dat Thermometer schafft dat op 8 bet 10 Graad. In de Nacht sünd nich so veel Wulken an Heven un dat is dröög. Meist twüschen Düütsche Bucht un dat Ole Land sliekern noch dicke Wulken rüm, de ok mal Natts vun baven smieten. Ok vun´t Emsland bet in´t Ollenborger Münsterland warrn de Wulken mehr. Dat Thermometer sackt op 6 bet 1 Graad. Morgen fangt de Dag meist dröög un mit lachen Sünnschien an. Twüschen Wurstern un de Elv noch en poor Wulken un Schuer, de aver langsaam aftrecken. Vun´t Emsland un dat Ollenborger Münsterland kamen laater dicke Wulken ran, de an Vörmiddag hier un dor Regen or Schuer mitbringen. Gewidder sünd wedder mööglich. Op de Eilannen lacht ok jümmer mal de Sünn. Dat Thermometer schafft dat op 9 bet 12 Graad.

Dat weren de Plattdüütschen Narichten. Tohoopstellt vun Carola Schwirblatt. Op Platt trechtmaakt un vörleest vun Martina Brünjes.