Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 3. Mai 2021

Plattdüütsche Narichten vun'n 3. Mai 2021

Audio vom 3. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Corona-Kabinett hollt Raat +++ Bremer Scholen kummt to’n Wessel-Ünnerricht trüch +++ Reisen in Dütschland woll erst vun Juni an +++ Perzess üm Auto-Attack hett anfungen +++ Staus in’n Bremerhabener Överseehaben +++ Dat Weer

Informationen zum Audio

Corona-Kabinett hollt Raat

Berlin – In ganz Dütschland ward dat Leven woll lichter för Minschen, de Covid-19 harrt hebbt un wedder gesund sünd un för wecke, de heel un deel impft sünd. Dat so nöömte Corona-Kabinett hollt hüüt Raat över mehr Freeheiten för düsse Grupps. För se köönt Regeln för dat Drepen vun annern Minschen un dat Nich-Rutgahn, de Plicht to’n Testen un Karantään wegfallen. Grundlaag is een Plaan vun een Gesett vun Justizministersche Lambrecht. Viezkanzler Scholz rekent darmit, dat Bunnesdag un Bunnesraat an’n Enn vun de Week to een socket Gesett „Jo“ seggen köönt.

Bremer Scholen kummt to’n Wessel-Ünnerricht trüch

Bremen – In de Stadt Bremen gaat Kinner un junge Lüüd vundaag wedder in de School. Nu, wo de Inzidenz wedder ünner 165 liggt, is för all Klassen Ünnerricht in halven Grupps verlöövt. För Kinner vun de 1. bit to de 6. Klass gifft dat een Oppassen för den Nootfall. To School gaan draff een aver blots mit een negativen Snelltest. Buterdem mööt all Kinner vun hüüt an wedder een Mask in de School drägen, ok an de Grundscholen.

Reisen in Dütschland woll erst vun Juni an

Berlin – De Tourismus-Beopdragte vun de Bunnesregeern, Bareiß, glöövt nich so recht an dat Reisen in Dütschland över Pingsten. In velen Flachs ward de Urlaub wegen Corona wedder in’t Water fallen, sä de CDU-Politiker to de Bild-Zeitung. Erst vun Juni an ward dat Reisen woll in jümmer mehr Flachs wedder mööglich sien. To de Bunnesregeern sä Bareiß, se schall den Bunnes-Lockdown nich över den 30. Juni rut gellen laten.

Perzess üm Auto-Attack hett anfungen

Kassel – Mehr as een Johr na de Auto-Attack op‘n Rosenmondagstog in’t nordhessische Volkmarsen hett de Perzess gegen den Kierl anfungen, de dat daan hett. De Anklaag smiet den Mann versökten Moord, gefährlich Körperverletzung un gefährlich Ingriepen in den Stratenverkehr  vör. Bit vundaag is nich klaar, woso he dat daan hett. De 30-jöhrige harr in’n Februar vör een Johr sien Auto ahn to bremsen in de Minschengrupp fohrn. Darbi sünd mehr as 90 Minschen to’n Deel swaar versehrt worrn, darunner vele Kinner.

Staus in’n Bremerhabener Överseehaben

Bremerhaben – In’n Bremerhabener Överseehaben mööt sik Autofohrer siet den Morrn darop instellen, dat dat nich goot vöran geiht. Op de Senator-Borttscheller-Straat geiht dat loos mit Boo-Arbeiten. De Straat to’n Autoterminal schall ünner annern noch een Spoor för Lastwagens kregen. Darüm löppt de Verkehr dar bit to’n Harvst blots op een Fohrbahn.

Dat Weer

Un nu een Blick op dat Weer: in Cuxhaben 7, an de Fischereehabenslüüs in Bremerhaben un in Bremervöör 6 un an den Bremer Flegerhaben sünd dat opstunns 5 Graad. Vundaag sünd vele Wulken ünnerwegens, de ok Schuers bringt. Ok an’n Namiddag ward een jümmer wedder mal natt, ok Grummelschuers köönt darbi ween un de Sünn wiest sik meist nich – bi 10 bit 13 Graad. Tokamen Nacht regent dat na een korte Paus wieter. Dat Thermometer sackt op 8 bit 6 Graad, to’n Morrn hen ward dat een beten milder. Morrn hollt sik de dicken Wulken un dat regent jümmer wedder. Vun’n Middag an geiht de Regen vun de Nordsee her in dulle Schuers över, köönt ok Blitz un Donner mit darbi ween. De Sünn kiekt blots kort mal rut – bi 9 Graad op de Ostfriesischen Eilanden un 11 bit 12 Graad in’t Binnenland. Dat weern de Nahrichten op platt. Anja Guse hett se tohoopstellt. Op Platt trechtmaakt un vörleest hett se Heidi Jürgens.