Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 30. April 2021

Plattdüütsche Narichten vun'n 30. April 2021

Audio vom 30. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Veele Dode bi religiöös Fier in Israel +++ Mehr Rechte för Minschen na dat Impen +++ Söben-Daag-Werte in’t Land Bremen gahn wieter daal +++ Bold wedder Wesselünnerricht in Bremer Scholen mööglich +++ „Gorch Fock“ ward eerst in’n Nasömmer fardig +++ Dat Weer

Informationen zum Audio

Veele Dode bi religiöös Fier in Israel

Meron: Bi en religiöös Fier in Israel sünd veele Minschen in Panik kamen. Dorbi sünd na Utkunft vun de Hölpslüüd tominnst 44 Minschen doodbleven un üm un bi 150 to’n Deel swoor versehrt worrn. Teihndusende vun orthodoxen Juden hebbt op den Meron-Barg fiert, as en poor vun jem op en Trepp daalfullen un dat dorüm to en Massenpanik keem. De Behörden harrn tovör en Grenz vun 10.000 Deelnehmers sett, aver as de Medien vermellt, sünd woll bet to teihn Mal soveel anreist.

Mehr Rechte för Minschen na dat Impen

Berlin: Bunnsjustizministersche Lambrecht plaant mehr Freeheiten för Lüüd, de heel un deel gegen dat Corona-Virus impt worrn sünd. Darna schüllt Minschen, de de Sprütten kregen hebbt un de, de wedder gesund worrn sünd, ok nachts vör de Döör gahn dröven. Ok de Uplagen för dat private Tohoopkamen schüllt för se nich mehr gellen. So steiht dat in Lambrechts Plaan för en Vörschrift, de in’t ARD Hauptstadtstudio vörliggt.    

Söben-Daag-Werte in’t Land Bremen gahn wieter daal

Berlin: De Tall vun nee’en Corona-Infekschonen in Düütschland sackt wieter daal. Dat Robert-Koch-Institut mellt 24.329 nee’e Infekschonen. Dat sünd meist 3.200 weniger as een Week tovör. De bunnswiete Söben-Daag-Wert liggt dormit opstünns bi 153. Ok in’t Land Bremen sünd de Inzidenzwerte rünnergahn: op 135 in de Stadt Bremen un 141 in Bremerhaben.

Bold wedder Wesselünnerricht in Bremer Scholen mööglich

Bremen: De Scholen in Bremen maakt sik praat, dormit de Schoolkinner wedder trüch in de Klassen kamen köönt. De Söben-Daag-Wert in de Stadt Bremen liggt siet fief Daag ünner den Grenzwert vun 165, dorüm is wedder Wesselünnerricht in de Scholen verlöövt. De offiziell Verlööv vun de Behörden schall hüüt över Dag kamen.   

„Gorch Fock“ ward eerst in’n Nasömmer fardig

Birne: Dat Op Schick bringen vun dat Marineschoolschiff „Gorch Fock“ duert länger as plaant. As de Lürssen-Warft vermellt, ward dat Schipp eerst in’n Nasömmer fardig. Wegen de Corona-Pandemie geev dat bi all de Firmen, de dor mitmaakt, to wenig Personaal. Ok bi dat Levern vun nee’en Delen geev dat Maleschen. De „Gorch Fock“ ward siet Enn 2015 wedder trechtmaakt. De Utgaven sünd in düsse Tiet vun 10 op 135 Millionen Euro in de Höögde schaten.  

Dat Weer

Un nu en Blick op dat Weer: in Emmen un Cuxhaben 9, an’n Bremer Flegerhaben un in Bremerhaben 10, un in Brinkum un Dörveern sünd dat opstünns 11 Graad. Hüüt gifft dat veele Wulken. De Sünn is blots af un an to sehn. Later kann dat fakener mal Regenschuer geven, de to’n Deel ok mit Gewidder daalgahn. De Temperaturen liggt twüschen 11 un 13 Graad. In de Nacht gifft dat wietere Schuer ut mal mehr, mal weniger Wulken. Hier un dor kann dat Daak geven bi 7 bet 5 Graad. Ok morgen is dat wulkig. To’n Deel schient de Sünn, af un an gifft dat Schuer, besünners an un oosten de Werser. An de Küst schient ok mal för längere Tiet de Sünn. Dat Thermometer kladdert op 11 bet 14 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.