Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 29. April 2021

Plattdüütsche Narichten vun'n 29. April 2021

Audio vom 29. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Tall vun Lüüd ahn Arbeit geiht trüch +++ Tall vun Corona-Neeinfekschonen sackt wieter daal +++ Ladens in Bremerhaben mööt wedder dichtmaken +++ Polizei in Bremerhaben kontrolleert Maskenplicht in Fohrtüüch +++ Balkone in de Bremer Neestadt hebbt Füer fungen +++ Dat Weer

Informationen zum Audio

Tall vun Lüüd ahn Arbeit geiht trüch

Berlin: De Tall vun Lüüd ahn Arbeit is bunnswiet daalgahn. In’n April geev dat na Angaven vun de Bunnsagentur för Arbeit 2,8 Millionen Minschen ahn Arbeit. Dat sünd 56.000 weniger as in’n März. De Quoot güng üm 0,2 Punkte daal op 6,0 Perzent. Ok in’t Land Bremen is de Tall üm 0,7 Perzentpunkte licht trüchgahn. De Quoot blifft bi 11,3 Perzent. In Neddersassen is de Quoot op 5,9 Perzent daalgahn.       

Tall vun Corona-Neeinfekschonen sackt wieter daal

Berlin: De Tall vun nee’en Corona-Infekschonen is in Düütschland düütlich daalgahn. As dat Robert-Koch-Institut vermellt, gifft dat üm un bi 24.700 nee‘e Fallen. An‘n verleden Dünnersdag sünd noch meist 5.000 Fallen mehr mellt worrn. 264 wietere Minschen sünd an oder mit dat Virus doodbleven. In‘t Land Bremen gifft dat 202 nee‘e Infekschonen, 34 dorvun in Bremerhaben. De Söben-Daag-Wert vun de Stadt Bremen is op meist 146 rünnergahn, in Bremerhaben liggt he bi 150.

Ladens in Bremerhaben mööt wedder dichtmaken

Bremerhaben: De Ladens in Bremerhaben mööt wedder dichtmaken. Vun Morgen an köönt Kunnen ehre Woren blots noch bestellen un denn afhalen. Inkopen mit Termin för Lüüd mit negativen Test is nich mehr mööglich. De Söben-Daag-Wert in Bremerhaben leeg in de verleden dree Daag över 150, so datt de Corona-Notbrems grippt. 

Polizei in Bremerhaben kontrolleert Maskenplicht in Fohrtüüch

Bremerhaben: De Polizei in Bremerhaben will hüüt besünners dorop achten, wat sik de Lüüd an de Maskenplicht in Fohrtüüch hollt. Kontrolleren wüllt se dat in de heelen Stadt. As in en Verfögen vun de Stadt fastleggt is, mööt Lüüd in Fohrtüüch en Mask dragen, wenn se mit Minschen ut en annern Huushoolt mitfohrt. Wer sik nich doran hollt, mutt en Bußgeld vun 50 Euro betahlen.  

Balkone in de Bremer Neestadt hebbt Füer fungen

Bremen: In de Bremer Neestadt hett dat an’n Morgen in en Mehrfamilienhuus brannt. Versehrt worrn is nümms. As de Füerwehr vermellt, hebbt Müllsäck un Kunststoffe op en Balkon Füer fungen. Dat is denn op twee Wahnungen un dat Dack övergahn. Deegten Rook geev dat för en Tiet ok in de Ümgegend. Wo dat to dat Füer kamen is, is opstünns noch nich klaar.   

Dat Weer

Un nu en Blick op dat Weer: in Veern 9, an’n Bremer Flegerhaben 10, in Bremerhaben 11, un in Ossenbrügge un Willemshaben sünd dat opstünns 12 Graad. Hüüt is dat dicht wulkig, hier un dor gifft dat Regen, de later ok in Schuern daalfallt. Vun Middag an kann dat ok enkelte Gewidder geven. Hier un dor lockert dat mal kort op, anners wiest sik de Sünn meist gor nich bi 10 bet 13 Graad. In de Nacht blifft dat dicht wulkig un dat gifft wietere Schuer, de to’n Morgen hen weniger warrn. Dat Thermometer sackt daal op 7 bet 6 Graad. Morgen hollt sik veele Wulken un de Sünn wiest sik meist gor nich. Över Dag gifft dat eenige Schuer, besünners in’t Binnenland, bi Temperaturen vun 10 bet 12 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.