Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 28. April 2021

Plattdüütsche Narichten vun'n 28. April 2021

Audio vom 28. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Mit twee Sprütten kaamt de Grundrechten trüch +++ EU-Parlament stimmt af över Corona-Impfpass +++ Weniger Minschen mit Corona ansteken +++ Bremerhaven: Zoo am Meer wedder apen +++ Achim kriggt en Amazon-Straat +++ Dat Weer

Informationen zum Audio

Mit twee Sprütten kaamt de Grundrechten trüch

Berlin: Wenn dat na Justizministersch Lambrecht geiht, kriegt Lüüd, de tweemal gegen Corona impft sünd, jemehr Grundrechten gau wedder trüch. Dat sä de SPD-Fro in dat ARD-Morgenmagazin. Wenn kloor is, dat Lüüd, de twee Sprütten kregen hebbt, annern nich ansteken köönt, müssen wedder de normalen Regeln gellen. Stantepe will se dat in en Verordnung rinschrieven. Dor schall denn binnenstahn: Lüüd mit twee Sprütten mööt nachts nich mehr to Huus blieven. In den Tietplaan vun de Bunnsregerung steiht noch binnen: De Regeln för Lüüd mit Impfschutz warrt woll eerst Enn Mai wat lockerer maakt.

EU-Parlament stimmt af över Corona-Impfpass

Brüssel: Dat Europa-Parlament stimmt vundaag af över en Utwies för Minschen, de gegen Corona impft sünd, de wedder gesund sünd oder en negativen Test hebbt. De Utwies schall överall in Europa gellen un dorför sorgen, dat vör allen dat Reisen eenfacher warrt. De EU-Kommischoon will: Vun Juni op an schall de Utwies an all Börgerslüüd utgeven warrn. Kösten deit dat nix. De Utwies kummt digital, man ok op Papeer. Dat dat Parlament dor ja to seggt, gellt as seker. Achteran mütt de Kommischoon dat mit de EU-Staaten besnacken.

Weniger Minschen mit Corona ansteken

Berlin: In Düütschland hebbt se 22.200 ne’e Corona-Kranke tellt. Dat Robert-Koch-Institut seggt: Dat sünd goot 2.600 weniger as verleden Middeweken. 312 Minschen sünd an oder mit dat Virus dootbleven. För ganz Düütschland is de 7-Daag-Tall op knapp 161 trüchgahn. Dat Land Bremen vermellt 125 ne’e Corona-Kranke, negen dorvun in Bremerhaven. In Neddersassen hebbt sik um un bi 800 Lüüd nee mit Corona ansteken.

Bremerhaven: Zoo am Meer wedder apen

Bremerhaven: Vunmorgen hett de „Zoo am Meer“ wedder apenmaakt. Besökers mööt sik vörher op de Internetsiet vun den Zoo anmellen. Un se mööt ok en negativen Corona-Test vörwiesen. Dat gellt ok för Minschen, de al impft worrn sünd. Vör goot dree Weken harrn se den Zoo dichtmaakt.

Achim kriggt en Amazon-Straat

Achim: De Stadt in den Kreis Veern benöömt en Straat na den Versand-Höker Amazon. Dat hett de Verkehrsutschuss fastleggt. Den Naam kriggt de Straat, de vun de Utfohrt vun de A27 na dat Logistikzentrum vun den Kunzern löppt. Dat Utlever-Lager schall tokamen Week den Bedriev opnehmen.

Dat Weer

Un woans süht dat mit dat Weer umto ut? Opstunns hebbt wi in Bremen 9 Graad, in Bremerhaven, Emm un Rotenborg sünd dat 10 Graad. Vundaag: Eerst lachen Sünnschien, över Dag treckt aver mehr un mehr Wulken op. An’n Namiddag faken vele Wulken, man eerst blifft dat noch dröög. Gegen Avend kann dat vun’t Ossenbrügger Land her en beten pladdern. Dat Thermometer krabbelt op 12 bet 17 Graad. De Wind dorto weiht flau oder en beten mehr vun de oosten Kant, an de See un in Oostfreesland ok mit frische Böen ut Noordoost. Tokamen Nacht: Mal mehr, mal weniger Wulken. Af un an kann dat ok schuern. Mit 8 bet 6 Graad nich mehr so koolt. Morgen: Wulken över Wulken, un ut de fallt däägten Regen, ok mit Blitz un Dunnerslag. De Sünn kriegt wi blots af un an mal to sehn. Bi blots noch 10 bet 12 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.