Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 27. April 2021

Plattdüütsche Narichten vun'n 27. April 2021

Audio vom 27. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

TMitarbeiders in Ünnernehmen mööt sik testen laten +++ Bovenschulte: Impf-Reeg nich so streng inhollen +++ Mehr Recht för Lüüd mit Corona-Sprütt? +++ Bremen: Mann wegen Mord vör Gericht +++ Werder: Kohfeldt blifft Trainer +++ Dat Weer

Informationen zum Audio

Mitarbeiders in Ünnernehmen mööt sik testen laten

Bremen: Kunn ween, un Arbeitnehmers, de normal nich vun to Huus ut arbeiden doot, mööt sik testen laten. Dat kunn vun Mitt Mai op an gellen. In den Werserkurier steiht to lesen, dat de Senat vundaag woll doröver snacken will. Bet nu mööt Ünnernehmen so’n Test blots anbeden. Düsse Regel will de Senat nu strenger maken. Wenn se ja seggt to de Test-Plicht, gifft dat woll en Övergangstiet. Strafen schall dat woll nich geven, wenn een sik nich um düsse Plicht scheert.

Bovenschulte: Impf-Reeg nich so streng inhollen

Bremen: Bremens Börgermester Bovenschulte kann sik vörstellen, dat Lüüd, de gegen Corona impft sünd oder wedder gesund sünd, dat de mehr Freeheiten kriegt. Na dat Impf-Top-Drepen vun den Bund un de Länner meen he aver, de Politik sitt in de Kniep. För Lüüd, de de Sprütt kregen hebbt, müss dat lockerer warrn; op de anner Siet kunnen se noch nich jeedeen to’t Impfen inladen. Dat kunn de Gesellschaft in twee Dele klöven, meen Bovenschulte. Dorum sett he allens doran, dat bald mehr Serum kummt. Wenn all de Sprütt kregen hebbt, bi de dat Ansteken en grote Gefohr is, kunn de Impf-Reeg womööglich lockert warrn.

Mehr Recht för Lüüd mit Corona-Sprütt?

Berlin: Gesundheitsminister Spahn hett vun en Tietplaan snackt, woans de Regeln för Lüüd, de de Corona-Sprütt kregen hebbt, lockert warrt. An’n 28. Mai schall de Bunnsraat över de Vörslääg vun de Bunnsregerung afstimmen, sä Spahn. Een Fraag is: Gellt de Bliev-to-Huus-Regeln ok för Lüüd, de impft sünd. Anner Schutz-Regeln as dat Dook vör Mund un Nääs oder Afstand hollen, schüllt noch en längere Tiet lang gellen, ok wenn de Lüüd de Sprütt kregen hebbt, wedder gesund sünd oder en Test maakt hebbt, meen Spahn.

Bremen: Mann wegen Mord vör Gericht

Bremen: En Mann vun 24 Johr steiht bi dat Landgericht Bremen vör't Bertt. De Staatsanwaltschap seggt, he harr sien Fro in jümehr Wahnung in Bremen dootstaken. Seggt warrt: De Fro harr em in’n Oktober 2020 vertellt, dat se een för alle Mal vun em weg wull un en neen Fründ harr. Dat harr den Mann in Raasch brocht.

Werder: Kohfeldt blifft Trainer

Bremen: Sövenmal in de Reeg hett Werder verloren, liekers hebbt de Böversten vun den Vereen güstern Avend künnig maakt: Kohfeldt blifft Trainer. Sportdirekter Baumann sä: Ja, se harrn mit anner Trainers snackt, man se meent: Mit Kohfeldt gifft dat de beste Schangs, dat Werder in de Liga blifft. Man för de Werder-Böversten steiht fast: Trainer un Speler mööt bi dat Pokalspeel Freedag gegen Leipzig en klore Antwoort geven.

Dat Weer

Un woans süht dat mit dat Weer umto ut? Opstunns hebbt wi in Bremen un Deefholt 8 Graad, in Bremerhaven un op Spiekeroog sünd dat 9 Graad. Vundaag: Mal Sünnschien, mal lockere Wulken. Hell un dröög. Dat Thermometer krabbelt op 11 bet 14 Graad. An’n Namiddag warrt dat an de Küst bald wedder frisch. De Wind dorto weiht flau oder en beten mehr vun de oosten bet süüdoosten Kant mit frische bet däägte Böen. An’n Namiddag dreiht he an de See för en Tietlang op Noordoost. Tokamen Nacht staht en poor Wulken an’n Heven oder gor kene. Dat blifft dröög. Bi 5 bet 1 Graad. Wohrschau: In’t Binnenland kann dat Frost geven. Morgen: Eerst hell un kloor, över Dag treckt aver mehr Wulken op, man dat blifft dröög. Gegen Avend kann vun’t Ossenbrügger Land Regen optrecken. 12 bet 17 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Pit Kröger.