Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 26. April 2021

Plattdüütsche Narichten vun'n 26. April 2021

Audio vom 26. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Corona-Pandemie: Düütschland will Indien hölpen +++ Bund un Länner besnackt sik över Strategie to`n Sprütt geven +++ Tall vun Corona-Neeinfektionen geiht na baven +++ Weltwiete Utgaven för Militär gaht wieter na baven +++ Oscar an „Nomadland“ +++ Dat Weer

Informationen zum Audio

Corona-Pandemie: Düütschland will Indien hölpen

Berlin: Düütschland will Indien in de Slacht gegen de Corona-Pandemie ünner de Arms griepen. De Bunnsregerung besnackt sik mit Firmen, un will so flink as mööglich mit Suerstoff un Medikamente hölpen, so seggt Butenminister Maas to de Rheinische Post. Tovör harr ok Bunnskanzlersch Merkel vun de Hölp för Indien snackt. Indien hett hütt knapp 353 000 Corona- Fälle vermelld. Dat is de nee`e Höchststand.

Bund un Länner besnackt sik över Strategie to`n Sprütt geven

Berlin: Bund un Länner besnackt sik hütt doröver, wo dat mit dat Sprütt geven gegen dat Corona-Virus wieter geiht. Een wichtiger Punkt is de Fraag, wat de Minschen, de kumpleet impft sünd, wedder mehr Freeheiden torüch kriegt. Man snackt ok doröver, wat för kumpleet impfte Lüüd un Minschen, de mit Covid all dör sünd, de sülvigen Regeln gellt, as för Minschen, de se negativ testet hebbt. Dat heet ok in de Vörlaage, de se besnackt, dat de totale Schutz vör dat Virus 14 Dage na de tweeten Sprütt besteiht.

Tall vun Corona-Neeinfektionen geiht na baven

Berlin: De Tall vun de Neeinfektionen mit dat Corona-Virus is wedder anstegen. Dat Robert-Koch-Institut vermellt gistern 11.907 positive Tests. Dat sünd veer Perzent mehr, as noch vör eene Week. In de beiden verleden Daag harr dat, in den Weekenvergliek, eenen lichten Rückgang geven. Dat RKI vermellt 60 Minschen, de in´t Tosamenhang mit dat Virus sturven sünd. Dat sünd düütlich weniger as vör eene Week. De 7-Dage-Tall liggt bi 169.

Weltwiete Utgaven för Militär gaht wieter na baven

Stockholm: De Utgaven för Militär, up de ganzen Welt, sünd in letzte Jahr wieter anstegen. Un dat, wo doch de Corona-Pandemie is. In´t letze Jahr sünd all in all an de tweedusend Milliarden US-Dollar för militärsche Pinnen utgeven worden. Dat seggt dat swedische Institut för Free-Unnersöken Sipri. Dat is een Plus vun 2,6 Perzent to dat Vörjahr. Dat meiste Geld för Militär hebbt de USA, China, Indien, Russland un Grootbritannien utgeven.

Oscar an „Nomadland“

Los Angeles: De Film „Nomadland“ is in dütt Jahr de grote Winner bi dat Vergeven vun de Oscars. „Nomadland“ is as de beste Film uttekend, Regisseurin Chloé Zhao för de beste Regie un de Schauspölerin Frances McDormand as beste Haupt-Schauspölerin. De Film vertellt vun eene Fro de in Not is. Se hett keen Geld un ok keen Wohnen, un föhrt mit ehr Auto dör de USA. As beste Schauspöler hebbt se Anthony Hopkins uttekent. He hett eenen Demenzkranken in dat Drama „The Father“ speelt.

Dat Weer

Un nu een Blick op dat Weer: in Achim, an den Bremer Flegerhaben, an de Fischreehabenslüüs in Bremerhaben  un op Baltrum sünd dat opstunns 8 Graad. Hüüt is dat meist fründlich. To´n Nomdag hen kummt vun de Nordsee her deels dichte Wulkenfeller op, man dat blifft meist dröge, bi 8 bit 11 Graad. Tokamen Nacht hebbt wi blots een paar Wulken an´t Heven. Man kann meist ok de Sterns funkeln sehn. Hier un dor kann sik ok Nevel billen. Dat Thermometer sackt op 3 bit minus 1 Graad. Morrn is dat ok fründlich. Se Sünn un de Wulken wesselt sik af, man dor kummt nix vun Baven rünner, bi 11 bit 14 Graad. Ok Middeweeken gifft dat eenen fründlichen Mix ut Sünn un Wulken, af un an kann dat mal so´n beten pieseln, bi milden 12 bit 16 Graad Dat weern de Nahrichten op platt. Ulrike Müller hett se tohoopstellt. Op Platt trechtmaakt un vörleest hett se Antje Kruppa.