Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 23. April 2021

Plattdüütsche Narichten vun'n 23. April 2021

Audio vom 23. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Corona-Nootbrems gellt van morgen an +++ Ärztekamer will Impfmiddel in de Achterhand op de Stee bruken +++ Wirecard-Utschuss fragt Kanzlersch Merkel ut +++ Klima-Drapen sökt Utweg in´t Streven, dat dat jümmers warmer warrt op de Eer +++ Unnersöken na Füer in Bremen-Mahndörp lopen +++ Dat Weer

Informationen zum Audio

Corona-Nootbrems gellt van morgen an

Bremen. Vun morgen an gellen in Düütschland desülvigen Corona-Regeln för all. Dat ännerte Infektschoonsschutzgesetz is denn amtlich un rechtens. Dat heet in Kreisen un Steden mit en Inzidenz vun över 100 an dree Daag achternanner, gellt vun alleen de Nootbrems. För de Minschen in Bremen un Bremerhaben bringt dat neje lütte Haken mit sick: En Utgangssperr in de Nachten. Bavento sünd private Drapen blots noch mit en Minsch ut en annern Huusholt tolaten. In de Stadt Bremen möten de Schoolkinner van Mondag an in den Ünerricht vun Tohuus wessel. In´n Kinnergorn gellt en Nootbedrief.

Ärztekamer will Impfmiddel in de Achterhand op de Stee bruken

Berlin. De Bunnsärztekamer makt Druck bi dat Corona-Impfen. Se verlangt dat Impfmiddel, wenn´t jichtens geiht, intosetten. Dorför möten ok de Impfmiddel in de Achterhand, de för de tweete Sprütt in den Impfzentren liggen, wietgahns opbrukt weern, see Kamerpräsident Reinhardt to dat Redaktschoonsnettwark Düütschland. Nadeem Gesundheitsminister Spahn ankünnigt hett, de fastleggtde Impfreeg in´n Juni umtostöten, wohrschaut Kanzleramtsbaas Braun dorför, dat dat ok denn to Töövtieden komen kann.

Wirecard-Utschuss fragt Kanzlersch Merkel ut

Berlin. Kanzlersch Merkel mutt an´n Vörmiddag in den Wirecard-Ünnersökensutschuss utseggen. Dat geiht woll dorüm, dat sick Merkel in´n Harvst 2019, bi en China-Reis för Wirecard insettde, wenn ok al Maleschen in den Tallen vun dat Ünnernehmen bekannt weern. Wirecard harr in´n Sommer 2020 Bankrott anmellt. Dat Ünnernehmen för Betahlen schall över Johren sien Tallen fälscht hebben. Wirtschaftsminister Altmaier, Justizministersch Lambrecht un Finanzminister Scholz harrn vör den Utschuss al en Mitschuld an den Schandaal trüüchwiesen.

Klima-Drapen sökt Utweg in´t Streven, dat dat jümmers warmer warrt op de Eer

Washington. US-Präsident Biden un wiedere Staats- un Regerungsbaas makt mit ehr digital Klima-Drapen wieder. In´n Mittelpunkt stahn de Themen Hannelswelt un Innovatschoon. Dorbi geiht dat um de Fraag, welke Weeg dat mit de Technik gift, en P dorvör to setten, dat dat jümmer warmer op de Eer warrt. An´n eersten Konferenzdag harr Biden vertellt, wo he mit dat Klima mit sien Land henstüern will. Dorna will de USA dat in de Luft blasen vun Drievhuusgas bit 2030 op dat Halve bringen.

Unnersöken na Füer in Bremen-Mahndörp lopen

Bremen. Na dat Füer in en Huus in Bremen-Mahndörp is noch nich kloor, woso dat brennt hett. De Brandort is noch to heet. De Beamte, de den Brand ünnersöökt, köönt eerst in´n Loop vun den Dag in dat Huus, see en Spreker vun de Polizei. Dat Füer weer güstern Morgen utbroken. Veer Minschen sünd dorbi to Dode kamen, twee dorvun sünd Kinner.

Dat Weer

Un nu een Blick op dat Weer: in Demorst 8, an den Bremer Flegerhaben 7, an de Fischreehabenslüüs in Bremerhaben un in Vechte sünd dat opstunns 8 Graad
Hüüt schient mennigmal de Sünn döör de Wulken. Mehrsttiets sünd aver dichte Wulken an´n Heven. An de Nordsee schient an´n Namiddag un Avend jümmer wedder mal de Sünn. De Wind weiht in Maten, an de See to´n Deel en frische Wind vun de Nordwesten Kant. Dat Thermometer wiest negen bit twölf Graad. In de Nacht sünd nicht mehr so vele Wulken an´n Heven. Dat blifft dröög bi null bit söss Graad. Morrn fangt dat mit Sünnschien un Wulken an. An´n Namiddag kann sick de Sünn denn heel un deel dörsetten. Hier un dor kann dat ok en poor Drüppen geven. Dat Thermometer wiest negen bit ölven Graad.
Sünndag schient de Sünn. En poor Wulken sünd bi negen bit ölven Graad ok dorbi.

Dat weern de Nahrichten op platt. Anja Guse hett se tohoopstellt. Op Platt trechtmaakt un vörleest hett se Markus Weise.