Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 22. April 2021

Plattdüütsche Narichten vun'n 22. April 2021

Audio vom 22. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Corona-Nootbrems: Bunnsraat will sik fastleggen +++ Dat is mööglich, dat in Bremen de Lüüd bold nachts nich mehr rut dröfft +++ Airbus will Dochterfirma wedder in den Bedriev halen +++ AstraZeneca kann nu in dree Bunnslänner bi all Minschen impft warrn, egaal wo oolt de sünd +++ Dusende Minschen fastsett bi de Proteste in Russland +++ Dat Weer

Informationen zum Audio

Corona-Nootbrems: Bunnsraat will sik fastleggen

Berlin: De Bunnsraat will över dat utboete Infektschoonsschutzgesett, Corona-Nootbrems as se dat nöömt, snacken un sik fastleggen. Dör dat Gesett schüllen de Regeln överall dat sülvige bedüden wenn an dree Daag achter´nanner de Söven-Dag-Tahl över eenhunnert stiggt. De Bunnsdag hett güstern al „Ja“ to dat Gesett seggt. Mit düsse Nootbrems heet dat denn ok, dat de Lüüd nachts twüschen Klock teihn an Avend un Klock fief an Morgen nich mehr op de Straat dröfft. En grooten Deel vun de Bunnslänner hebbt künnig maakt, dat se nix dorgegen hebbt.

Dat is mööglich, dat in Bremen de Lüüd bold nachts nich mehr rut dröfft

Bremen: Dat utboete Infektschoonsschutzgesett vun den Bund künnt morgen al in Bremen gellen, meent Börgermeister Bovenschulte. Dat heet denn, dat övermorgen de Lüüd in´t Land Bremen nachts nich mehr op de Straat dröfft, see Bovenschulte to buten un binnen. Un dat kann ok angahn, dat Schoolen wedder dicht maaken mööt.

Airbus will Dochterfirma wedder in den Bedriev halen

München/Paris: Airbus will de Dochterfirma „Premium Aerotec“ wedder trööch in den Konzern halen. Dat hett de Flegerfirma den Bedrievsraat künnig maakt. Dat geiht üm de Premium Aerotec-Steeden in Bremen, Nordenham, Staad, Hamborg un Augsborg. Vun dat Wark in Varel warrt nich snackt. De 7000 Arbeiders vun Premium Aerotec will dat Ünnernehmen to´n grooden Deel övernehmen, heet dat. De IG Metall smitt Airbus vör, dat se woll de Dochterfirma tweihauen wüllt.

AstraZeneca kann nu in dree Bunnslänner bi all Minschen impft warrn, egaal wo oolt de sünd

München: Dree Bunnslänner hebbt nu de Sprütt gegen dat Corona-Virus vun AstraZeneca för all Minschen, egaal wo oolt de sünd, freegeven. In Sachsen, Mecklenburg-Vorpommern un Bayern köönt nu ok Minschen ünner sesstig Johren de Sprütt kriegen, man se mööt sik vördem aver mit en Dokter afstimmen. In Düütschland schüllt dat Impfmiddel eegens blots Minschen kregen de öller sünd as sesstig Johr. Un dat stickt dorachter: Bannig wenig jüngere Lüüd harrn, achteran se dormit impft woorn, en Bloodproppen in Kopp kregen.

Dusende Minschen fastsett bi de Proteste in Russland

Moskau: Mehr as 1000 Minschen sünd in Russland, wieldess se för Nawalny op de Straat gahn sünd, fastsett worrn. Minschenrechtler hebbt de Tahlen rutgeven. De Lüüd wüllt mit ehre Aktschoon Nawalny, den Wedderpart vun Kreml, ünner de Arms griepen. Liekers de Behöörden wahrschaut harrn, weren teihndusende Minschen op de Straat ünnerwegens un repen „Freeheit för Nawalny!“, bavento verlangt se dat de swoorkranke veer-un-vertig Johrige vun en Dokter versorgt warrt.

Dat Weer

Un nu kiekt wi op dat Weer: In Bremen, Ossenbrügge un Wilshuusen hebbt wi sess Graad, in Bremerhaven sünd dat opstunns söven Graad. Hüüt fangt de Dag hier un dor fründlich an, to´n Deel sünd aver ok dicke Wulken an Heven, Drüüpen sünd aver de Utnahm. An Namiddag un na´n Avend hen lacht aver jümmer mehr de Sünn, liekers kann dat mal en lütt beten drüppeln. De Wind weiht in Maaten bet frisch, mit starken un stievigen, an de Küst un an´ne Elbe ok stöörmschen Boen. Dat Thermometer wiest us negen bet ölven Graad. In de Nacht mal mehr mal weniger Wulken, meist blifft dat dröög un dat Thermometer sackt op sess bet veer Graad. Morgen mal fründlich, aver ok mal dicke Wulken an Heven. Dat kann hier un dor en beten druseln. Meist lacht de Sünn op de Eilannen. Dat Thermometer wiest us denn wedder negen bet ölven Graad.

Dat weren de Plattdüütschen Narichten. Tohoopstellt vun Carola Schwirblat. Op Platt trechtmaakt un vörleest vun Martina Brünjes.