Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 21. April 2021

Plattdüütsche Narichten vun'n 21. April 2021

Audio vom 21. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Floyd-Urdeel: Ex-Polizist wegen Moord verurdeelt +++ Corona-Nootbrems: Bunnsdag stimmt doröver af, dat se in Tokunft mehr to seggen hebbt +++ Corona: De Tahlen krabbeln wieder na baven +++ EU-Klimafohrplaan: Wat an Drievhuusgas in de Luft puust warrt, schall weniger warrn +++ Football-Bunnsliga: Schalke stiggt af +++ Dat Weer

Informationen zum Audio

Floyd-Urdeel: Ex-Polizist wegen Moord verurdeelt

Minneapolis: De Ex-Polizist Derek Chauvin, de den swatten US-Börger Georg Floyd ümbrocht hett, hett in all wat op de List vun de Anklaag steiht, de Schuld kregen. Chauvin weer wegen Moord tweeten Graad, Moord drütten Graad un Dootslag anklaagt. Em drauhen nu betto veertig Johr achter Trallen. Wat för en Straaf he kriggt, warrt to en anner Tiet künnig maakt. Chauvin hett in´t verleden Johr sien Knee för binah negen Minuten op den Nack vun Floyd drückt. Korte Tiet later is de Afro-Amerikaner sturven. Na sien Doot sünd de Minschen in den USA wekenlang op de Straat gahn.

Corona-Nootbrems: Bunnsdag stimmt doröver af, dat se in Tokunft mehr to seggen hebbt

Berlin: De Bunnsdag stimmt vundaag över de Corona-Notbrems af, de för all Bunnslänner dat glieke bedütt. Dat heet, dat de Bunn in Tokunft fastleggen kann, of de Minschen mit anner Minschen tohoopkamen dröfft, of se in´ne Nacht rutgahn dröfft un ok wenehr de Laadens dichtmaken mööt. Betnu sünd dorför de Bunnslänner sülvst tostännig. In dat Veertel wo de Regeern sitt, wüllt de Minschen an verscheeden Steeden op de Straat gahn. De Berliner Polizei hett üm Hölp ut annere Bunnslänner beden.

Corona: De Tahlen krabbeln wieder na baven

Berlin: Dat Robert-Koch-Institut RKI mellt 24.884 nee Infektschoon mit dat Corona-Virus. Dat sünd binah 3200 mehr as Middeweken verleden Week. 331 wiedere Minschen sünd an or mit dat Virus sturven. De Söven-Dag-Tahl för ganz Düütschland sackt op um un bi 160. De Stadt Bremen hett an Avend 158 nee Infektschoon mellt. Bremerhaven stellt de Software üm un mellt dorum nix. Veer wieder Minschen sünd in dat Land Bremen an or mit Covid-19 doot bleven.

EU-Klimafohrplaan: Wat an Drievhuusgas in de Luft puust warrt, schall weniger warrn

Brüssel: De EU-Verhandler sünd sik nu eenig, dat de Klimafohrplaan för 2030 strenger maakt warrt. Bet dorhen schall dat Drievhuusgas um tominns 55 Perzent ünner den Weert vun 1990 sacken. Betnu wüllt se op minus 40 Perzent daal. Viez-Kommischoonspräsident Timmermans verkloort, dat is en stark Teken vun de EU an de Welt.

Football-Bunnsliga: Schalke stiggt af

Gelsenkirchen: Nu steiht dat fast, Schalke is de eerste Mannschop in düt Bunnsliga-Speeltiet de afstiggt. Achteran se güstern Avend gegen Armina Bielefeld mit null to een verloren hebbt, weer dat nicht mehr aftowennen, dat se in de tweete Liga afstörten. Un dat is bi de annern Spelen rutsuert: Bayern München harr gegen Leverkusen mit twee to null de Nees vörn. Köln gegen Leipzig twee to een un Frankfurt hett mit twee to null gegen Augsburg wunnen. Werder Bremen speelt hüüt Avend gegen Mainz.

Dat Weer

Un nu kiekt wi op dat Weer: In Cuxhaven sünd dat acht Graad, in Bremerhaven un Leer hebbt wi negen Graad un in Bremen sünd dat opstunns ölven Graad. Hüüt fangt de Dag mit Sünnschien an, later kamen vun de Nordsee her dicke Wulken in´t Land. Meist blifft dat aver dröög. An Namiddag un Avend warrt dat an de Küst wedder fründlicher, dat dröppelt meist wenn överhaupt, blots kort. De Wind weiht in Maaten bet frisch mit starken, an de See stivigen Boen vun de noordwesten Kant. Dat Thermometer wiest us negen bet veerteihn Graad. In de Nacht mal mehr mal weniger Wulken. Na´n Morgen hen seht wi dichten Daak in´ne hoogen Luft, liekers is dat dröög. Dorbi kriegt wi köhlige fief bet twee Graad. Achteran sik de Daak oplööst hett, kickt de Sünn wedder vörbi un dat blifft dröög. An Namiddag trecken den wedder dicke Wulken op, de hier un dor ok mal Natts vun baven smieten. Dorbi wiest us dat Thermometer acht bet ölven Graad. Dat weren de Plattdüütschen Narichten. Tohoopstellt vun Peter Behrendt. Op Platt trechtmaakt un vörleest vun Martina Brünjes.