Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 20. April 2021

Plattdüütsche Narichten vun'n 20. April 2021

Audio vom 20. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

CDU-Bunnesvörstand för Laschet as Kanzlerkandidat +++ Aulepp ward woll nee’e Senatorsche för de Bilden +++ Schoolmester-Verband för Ünnericht to Huus af een Inzidenz vun 100 +++ Kommunen sünd mit de Corona-Nootbrems inverstahn +++ Nee’e Corona-Variant ut Indien +++ Dat Weer

Informationen zum Audio

CDU-Bunnesvörstand för Laschet as Kanzlerkandidat

Berlin – De CDU-Vörsitter Armin Laschet schall Kanzlerkandidat vun de Union weern. Dat hett de CDU-Bunnesvörstand in de Nacht entscheden. 31 Vörstandslittmaten hebbt för Laschet stimmt un 9 för sein Wedderpart, CSU-Baas Markus Söder. 6 Minschen hebbt nich för den een un nich för den annern stimmt. Darmit is de Striet üm de Macht in de Union woll to Enn. Denn de CSU harr all vördem klaar maakt, dat se dat hennehmen ward, wat de CDU entscheedt.

Aulepp ward woll nee’e Senatorsche för de Bilden

Bremen – Sascha Aulepp, de bitnu SPD-Lannesböverste wesen is, schall nee’e Senatorin för de Bilden weern. Dat will Börgermeister Bovenschulte den Lannesvörstand vun sien Partei vörslaan. De kann denn an’n Freedag den Vörslag afnicken. Aulepp is studeerte Juristin, hett as Richterin un Avkaatsche arbeidt un weer Referentin in’t Büro vun den ehemalig Börgermeister Böhrnsen un de SPD-Fraktschon.

Schoolmester-Verband för Ünnericht to Huus af een Inzidenz vun 100

Berlin – De dütsche Schoolmester-Verband foddert, dat Schöler veel fröher to Huus ünnericht ward - bi Corona-Tallen, de na baben kladdert. Dat weer all een Vörankamen, dat dat nu all bi een Inzidenz vun 165 un nich mehr bi 200 passeren schall, sä de Verband. Dat Gesett is darför ännert worrn. Man ok düsse Inzidenz-Tall wees noch dütlich to hooch. Morrn un Donnerdag ward Bunnesdag un Bunnesraat daröver entscheden.

Kommunen sünd mit de Corona-Nootbrems inverstahn

Berlin – De Kommunen sünd inverstahn mit den Ännerungen, de an de so nöömte Corona-Nootbrems vun’n Bund plaant sünd. Güstern harrn sik de Regeern-Fraktschonen vun Union un SPD eenigt, de Tied, wo de Minschen nich mehr ahn Grund rutgahn dröfft, vun Klock 9 an’n Abend op Klock 10 an’n Abend korter to maken. Anners weern de Minschen abends all to de glieke Tied noch in de Levensmiddel-Ladens lopen, heet dat vun’n Städte-un Gemeendebund.

Nee’e Corona-Variant ut Indien

Nee-Delhi/Berlin – Ut Indien kummt een nee’e Corona-Variant. De Weltgesundheitsorganisatschon, dat Robert-Koch-Institut un annere Facklüüd meent, över düsse Variant mutt een sik in’n Momang noch keen Sorgen maken. Anners sütt dat de SPD-Gesundheitsfackmann Lauterbach. In Indien sünd de Corona-Tallen reinweg explodeert, mit toletzt 270-dusend nee’en Infektschonen elkeen Dag.

Dat Weer

Un nu een Blick op dat Weer: in Cuxhaben 9, an den Bremer Flegerhaben un in Deefholt 10 un an de Fischereehabenslüüs in Bremerhaben sünd dat opstunns 11 Graad. De Dag ward fründlich un dröög, meist överall schient de Sünn. Blots vun’t Emsland bit to’n Ossenbrügger Land köönt dicke Wulken optrecken, de aver keen Regen bringt – bi 16 bit 19 Graad. An de Küst blots 12 bit 15 Graad. Tokamen Nacht ward de Heben een beten wulkig or klaar un dat blifft dröög. An de Nordsee köönt an’n Morrn Wulken optrecken, Regen gifft dat erst nich. Dat Thermometer sackt op 5 bit null Graad. Kann ok een beten Boddenfrost geven. Morrn fangt de Dag erst fründlich an, denn treckt vun de Nordseeküst dicke Wulkenfeller mit een paar Schuers dör. An’n Namiddag un Abend kiekt een beten de Sünn rut, man dat kann jümmer ok natt vun baben kamen – bi 9 bit 14 Graad. Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Heidi Jürgens.