Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 19. April 2021

Plattdüütsche Narichten vun'n 19. April 2021

Audio vom 19. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Gröne geevt een Antwoort de K-Fraag +++ Wieter nich klaar, wokeen Kanzlerkadidat bi de Union ward +++ Politiker foddert Ünnericht buten +++ Lüüd, de all impft sünd, mööt sik in Neddersassen nich mehr testen +++ Football-Top-Vereene wüllt Super League grünnen +++ Dat Weer

Informationen zum Audio

Gröne geevt een Antwoort de K-Fraag

Berlin – De Grönen wüllt in een half Stünn vermellen, wokeen de Kanzlerkandidat or Kandidatsche för de Bunnesdagswahl weern schall: Parteiböverste Baerbock or de tweete Vörsitter Habeck. De beid hebbt dat ünner sik afmaakt, de Vörstand vun de Grönen schall dat denn noch afnicken. Dat letzte Woort hett denn een Parteidag in’n Juni. Baerbock kunn toletzt in Umfraags ophollen un leeg in’n ARD-Dütschlandtrend een beten vor Habeck. Anners as Habeck, de Ümweltminister in Sleswig-Holsteen weer, hett se aver noch nich bi een Regeern mitmischt.

Wieter nich klaar, wokeen Kanzlerkadidat bi de Union ward

Berlin – In de Union is dat wieter nich klaar, wokeen Kanzlerkandidat ward. Dat Snacken twüschen CDU-Vörsitter Laschet un CSU-Baas Söder is an’n Abend to Enn gahn, ahn dat darbi wat rutsuert is. Eegens wullen de twee op een Brett kamen. Nu mag dat woll passeren, dat morrn de Bunnesdagsfraktschon entscheedt, wokeen Kanzlerkandidat ward. Middewiel hett sik de Junge Union klaar för Söder stark maakt – so hebbt woll 14 vun 18 Lannesverbännen afstimmt.

Politiker foddert Ünnericht buten

Berlin – Politiker vun een paar Fraktschonen foddert Ünnerricht buten – för den Fall, dat de Scholen wegen dat nee’e Infektschonsschutzgesett wedder dicht maken mööt. Schoolstünnen buten weern een goder Utweg, sä de familienpolitische Spreker vun de Union, Weinberg, to de Bild-Zeitung. Jüst sowat keem ok vun de SPD un FDP. De Plaan vun een nee’et Infektschonsschutzgesett sütt vör, dat Scholen in Städten or Kreisen mit een Inzidenz över 200 wedder dicht maken mööt. Dat Gesett schall Middeweken in’n Bunnesdag un een Dag later in’n Bunnesraat besluten weern.

Lüüd, de all impft sünd, mööt sik in Neddersassen nich mehr testen

Hannober – Minschen, de gegen Corona impft sünd, hebbt in Neddersassen vun hüüt an wedder mehr Freeheiten un sünd nich mehr verplicht, sik testen to laten. So steiht dat in de Lannesverordnung. Bitnu hett een för een Besöök in’n Heim för ole or kranke Lüüd or bi’n Hoorsnieder een negativen Corona-Test bruukt. Ok Bremen denkt över socke Regeln na. Minschen, de heel un deel impft worrn sünd, schüllt keen Karanteen-Plicht mehr hebben – dat hett buten un binnen to weten kregen. De Senat will morrn daröver beraden.

Football-Top-Vereene wüllt Super League grünnen

Madrid – Twolf europäische Football-Top-Vereene wüllt een europäische Superliga grünnen. Dat hebbt de Vereene ut Spanien, England un Italien in de Nacht op ehr Internetsieten schreven. Dütsche Vereene sünd nich darbi. Darmit gaht de Vereene gegen de Europäische Football-Union UEFA gegenan. De UEFA hett all darmit draut, dat de Vereene denn bi allen anneren Wettstriets nich mehr darbi sünd. Buterdem schüllt de Speler nich mehr för de Natschonalmannschuppen spelen dörven.

Dat Weer

Un nu een Blick op dat Weer: in Cuxhaben 6, an den Bremer Flegerhaben un an de Fischreehabenslüüs in Bremerhaben 8 un in Ossenbrügg sünd dat opstunns 9 Graad. Hüüt Vörmiddag lööst sik de dicken Nevelfeller sinnig op un so schient an’n Namiddag un Avend fakener mal de Sünn. Dat blifft wieter dröög bi 14 bit 16 Graad, an de Küst 11 bit 13 Graad. Tokamen Nacht ward dat erst wulkig, later lockert dat op or de Heben ward klaar. An’n Morrn kann Nevel opkamen. Dat Thermometer sackt op 6 bit 1 Graad. Morrn sünd lockere Wulken an’n Heben, man faken schient de Sünn. Vun’t Emsland bit to’n Ossenbrügger Land wiest sik mehr Wulken un hier köönt middags een paar Druppen fallen. Man meist geiht dat dröög dör den Dag – bi 15 bit 18, an de Küst bi 11 bit 14 Graad. Dat weern de Nahrichten op platt. Anja Guse hett se tohoopstellt. Op Platt trechtmaakt un vörleest hett se Heidi Jürgens.