Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 16. April 2021

Plattdüütsche Narichten vun'n 16. April 2021

Audio vom 16. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Infektionsschuulgesetz- Bunnsdag besnackt sik över Corona-Notbrems +++ Tall vun Corona-Neeinfektionen blifft hoog +++ Övereenkomen- Bremer Pastoor, wo dat mehrere Menen to gifft, draff eerst maal wedder predigen +++ Besnacken över Verkehr- Minister stellt Resultaat vör +++ Quarantään- Dree Speele vun Hertha BSC ward verdagt +++ Dat Weer

Informationen zum Audio

Infektionsschuulgesetz- Bunnsdag besnackt sik över Corona-Notbrems

Berlin: De Bunnsdag besnackt sik hütt över de so nömte Corona-Notbrems. Dör dat scharpere Infektionsschuulgesetz schall de Tall, vun de Corona-Neeinfektionen mit dat Virus, daalgahn. Plaant sünd in Landkreisen, wo de Tall vun de Lüüd de sik ansteken hebbt to hoch is, een Utgangssperr un dat dicht maken vun Schoolen un Kitas. Wenn de Bunnsdag to de Planen ja seggt, denn mutt sik ok noch de Bunnsrat dormit befaten. Bit dat denn gellt, kann dat noch eene Weken duern.

Tall vun Corona-Neeinfektionen blifft hoog

Berlin: De Tall vun de Corona-Neeinfektionen blifft hoog. De Amten för Gesundheid hebbt dat Robert-Koch-Institut mehr as 25.800 nee`e Fallen melld. Dat sünd an de 370 mehr as leste Week. De 7 Daag Tall liggt, as gistern, bi 160. In´t Land Bremen gifft dat 191 nee`e Infektionen, 27 dorvun in Bremerhaben. De 7 Daag Tall liggt nu in Bremen bi 163 un in Bremerhaben bi 175.

Övereenkomen- Bremer Pastoor, wo dat mehrere Menen to gifft, draff eerst maal wedder predigen

Bremen: De Pastoor Latzel, vun de Sankt Martin Gemeen, wo dat mehrere Menen to gifft, draff eerst maal wedder predigen. So hebbt sik Latzel un de Bremsche Evangeelske Kark enigt. Latzel will sik nu mit siene Woorden torügg hollen, seggt de Utschuss vun de Kark. Latzel is vun´t Amtsgericht Bremen vunwegen uphissen vun´t Volk veroordeelt wurrn. Man siene Verteidigers hebbt Beropen inleggt, dorvun gellt dat Urdeel noch nich.

Besnacken över Verkehr- Minister stellt Resultaat vör

Bremen: De Minister för Verkehr vun Bund un Länner willt hütt Nomdag vörstellen, wat bi ehre Fröhjohrskonferenz rutsuert is. Dat geiht ok üm den Striet bi de Verordnung vun´t Verkehr op de Staten, de all lang in Gang is. Besünners geiht dat üm beteren Schutz vun Radföhrers in´t Stratenverkehr un veel scharpere Regeln bi Straafgelder.

Quarantään- Dree Speele vun Hertha BSC ward verdagt

Berlin: Nadem se denn 4. Corona-Fall bi Hertha BSC hebbt mööt nu all Speelers un de ganzen Mitarbeiders 14 Daag in Quarantään. De Mannskupp ut de ersten Liga kann dorüm nich to de kamen dree Ligaspeele antreden. Dat geiht üm de Partien gegen Mainz, Freeborg un Schalke.

Dat Weer

Un nu een Blick op dat Weer: in Cuxhaben, an den Bremer Flegerhaben un an de Fischreehabenslüüs in Bremerhaben 8 un op Baltrum sünd dat opstunns 8 Graad. Hüüt schient meist den ganzen Dag de Sünn. Dor sünd blots hier un dor mal een paar Wulken an´t Heven, bi 9 bit 12 Graad. Tokamen Nacht treckt de Heven to´n morrn hen, twischen Weser un Elb, mehr un mehr mit Wulken to, man dat blifft dröge. Dat Thermometer sackt op 5 bit minus 1 Graad. Morrn lacht us de Sünn vun Ostfreesland bit in´t Ollenborger Münsterland ok meist an.  Man dat kann hier un dor ok mal pieseln, bi 9 bit 12 Graad. Ok Sünndag is dat so wesselhaft mit Sünn un Wulken, un af un an Regen, bi milden 10 bit 15 Graad. Dat weern de Nahrichten op platt. Peter Behrendt hett se tohoopstellt. Op Platt trechtmaakt un vörleest hett se Antje Kruppa.