Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 14. April 2021

Plattdüütsche Narichten vun'n 14. April 2021

Audio vom 14. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Huusdokters: Impfakschoon kunn nich goot utgahn +++ Bi jüngere Lüüd schall de twete Sprütt nich vun Astrazeneca ween +++ Jümmers noch mehr ne’e Corona-Kranke +++ Bovenschulte nich inverstahn mit „All-to-Huus-Blieven“-Regel +++ WWF: EU maakt veel Wald twei +++ Dat Weer

Informationen zum Audio

Huusdokters: Impfakschoon kunn nich goot utgahn

Berlin: De Krankenkassendokters wohrschaut: De Impfakschoon kunn sik fastlopen. De Baas vun de Kassenärztliche Bunnsverenigung, Gassen, hett in de Ne’e Ossenbrügger Zeitung bekriddelt: Dat Biontech-Serum geiht in de tokamen Weken vör allen an de Impfzentren, dorum schüllt de Praxen veel weniger vun düt Impfmiddel kriegen. Dorför müssen de Praxen Astrazeneca sprütten, man dat schüllt blots Minschen över 60 kriegen. So kunnen de Huusdokters nich mehr so veel impfen as se plaant harrn, meen Gassen.

Bi jüngere Lüüd schall de twete Sprütt nich vun Astrazeneca ween

Berlin: Jüngere Lüüd, de mit de eerste Sprütt Astrazeneca kregen hebbt, schüllt bi dat twete Mal mit en anner Middel impft warrn. Dat hebbt de Gesundheitsministers vun Bund un Länner fastleggt. Wat dor achter stickt: Bi enige junge Lüüd, de en Astrazeneca-Sprütt kregen harrn, hebbt se Hirnvenen-Thrombosen faststellt.

Jümmers noch mehr ne’e Corona-Kranke

Berlin: Dat Robert-Koch-Institut hett vunmorgen vermellt: 21.700 Lüüd hebbt sik nee mit Corona ansteken. Dat sünd 12.000 mehr as vör en Week. Dat RKI hett tellt: In ganz Düütschland sünd an een Dag 342 Minschen mit oder an Corona dootbleven. In’t Land Bremen hebbt se 121 Corona-Kranke mehr tellt, 3 Lüüd sünd storven. De 7-Daag-Tall is kloor na baven gahn, se steiht in de Stadt Bremen nu bi 147 un in Bremerhaven bi 172.

Bovenschulte nich inverstahn mit „All-to-Huus-Blieven“-Regel

Bremen: Börgermester Bovenschulte hett dat bekriddelt, wat as Nootbrems för ganz Düütschland plaant is. He meent: Vör allen, dat de Lüüd nachts nich op de Straat dröfft, dat is woll nich mit de Verfaten övereens. Wenn de Regel ganz vun alleen gellt un een sik nich de Laag vör Oort bekieken deit – dat warrt woll nich vör Gericht bestahn blieven, sä Bovenschulte bi buten un binnen.

WWF: EU maakt veel Wald twei

Berlin: Dat lett: De Europääsch Union steiht op de Welt an Nummer twee bi de Fraag: Wokeen sorgt dorför, dat de Wald twei maakt warrt. So steiht dat in en Bericht vun de Umweltschutzkoppel WWF. Dat geiht to 16 Perzent op de Reken vun de EU, dat dat Tropenholt daalslaan warrt. An Nummer een steiht China mit 24 Perzent. Indien is Nummer dree mit 9 Perzent vör de USA mit 7. För de Studie hebbt se sik Satellitenbiller ankeken un Hannelswegen ünnersöcht. Sunnerlich dat Inföhren vun Soja, Palmööl un Rindfleesch, denn aver ok allens ut Holt, Kakao un Kaffe weren dor Schuld an, dat so veel Holt daalslaan warrt.

Dat Weer

Un woans süht dat mit dat Weer umto ut? Opstunns hebbt wi in Bremen un Rotenborg 4 Graad, in Bremerhaven un Emm sünd dat 6 Graad. Vundaag: Eerst hell un kloor, hier oder dor kann dat aver ok länger dakig-gries blieven. Na de Noordsee to treckt de een oder anner Schuer dör. An’n Namiddag wedder vun allens wat: Sünnschien, dichte Wulken, Regen un Grisselgrussel, ok mit Blitz un Dunnerslag. An’n Avend wat dröger, un denn pliert de Sünn ok wedder mehr dör de Wulken rut. Dat Thermometer krabbelt op 7 bet 9 Graad. De Wind dorto weiht flau vun de noordwesten bet noorden Kant, an de Noordsee un woneem Regen daalkummt ok frisch mit däägte Böen. Tokamen Nacht: Wenn de letzten Schuer aftrocken sünd, kloor oder blots ganz poor Wulken. Na Middernacht kann Daak oder hogen Daak optrecken. Dat blifft meisttiets dröög. Bi 2 Graad över bet 3 Graad ünner 0. Wohrschau: Dat kann glatt warrn. Morgen: Dichte Wulken, blots af un an lacht uns de Sünn. Vun Middag op an kriegt wi de Sünn mehr to sehn, man vun de Elv her treckt bald mehr Wulken op, de aver blots en Handvull Druppen daalsmiet. 9 bet 11 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Katrin Martens.