Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 12. April 2021

Plattdüütsche Narichten vun'n 12. April 2021

Audio vom 12. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Kandidatur för't Kanzleramt Thema bi Versammeln vun CDU un CSU +++Inzidenzwert in Düütschland stiggt op 136 +++ Scholen in Neddersassen fangen mit Corona-Testplicht an +++ Magistraat stimmt över Utgangssparr af +++ Stau vör de Impfzentren in't Land Bremen +++ Dat Weer

Informationen zum Audio

Kandidatur för’t Kanzleramt Thema bi Versammeln vun CDU un CSU

Berlin: De CDU un de CSU beraden in Momang wegen de Kanzlerkandidatur. De Parteien sitten dorbi enkelt för sik. CDU-Baas Laschet hett jüst so as CSU-Baas Söder verklaart, datt he för de Wahl to’n Bunnskanzler praat steiht. Wannehr mit’n Ergebnis vun de Versammeln to reken is, steiht opstünns noch nich fast.     

Inzidenzwert in Düütschland stiggt op 136

Berlin: De Corona-Inzidenzwert in Düütschland stiggt wieter an. De Gesundheitsamten vun de Länder hebbt dat Robert-Koch-Institut üm un bi 13.200 nee’e Corona-Fallen mellt. Dat sünd meist 5.000 mehr as verleden Maandag. 99 wietere Minschen sünd an oder mit dat Virus doodbleven. De Inzidenzwert in Düütschland is op 136 hochgahn. In Bremen is de Inzidenzwert op 127 stegen, in Bremerhaben op meist 150 daalgahn.  

Scholen in Neddersassen fangen mit Corona-Testplicht an

Hannover: De Osterferien sünd to Enn gahn, un de Scholen in Neddersassen fangen nu mit en Corona-Testplicht an. Plaant is, datt de Schoolkinner sik to Huus vör den Ünnerricht sülbens testen. De Öllern mellen dat Ergebnis denn an de School. Bremen un Bremerhaben fangen eerst tokamen Maandag mit de Plicht to’n sülbens testen an. De Test schall denn in de School maakt warrn.

Magistraat stimmt över Utgangssparr af

Bremerhaben: De Bremerhabener Magistraat kummt för en Sünnersitten tosamen. De Maten wüllt doröver afstimmen, wat dat en nee’e Utgangssparr geven schall. Grund dorför is en Ordeel vun dat Verwaltungsgericht vun Sünnavend. De Richters hebbt de gellen Utgangssparr to’n Deel för nich rechtens verklaart.

Stau vör de Impfzentren in’t Land Bremen

Bremen: In Bremen duert dat Impfen mit AstraZeneca jümmer länger. Dat liggt doran, datt de Lüüd mehr Fragen hebbt un de Dokters länger beraden mööt. An’t Enn vun de verleden Week keem dat dorüm to lange Töövslangen vör dat Impfzentrum in de Messhall. As Gesundheitssenatersche Bernhard meent, sünd veele Bremer unseker, wiel dat so veele kritische Berichten över den AstraZeneca-Impfstoff geven hett. Blots wenige lehnen dat Impfen af, man dat Snacken mit de Dokters duert nu dree- bet fiefmal so lang as noch för twee Weken.

Dat Weer

Un nu en Blick op dat Weer: an’n Bremer Flegerhaben un in Bremerhaben 4, un in Cuxhaben, Dörveern un Emmen sünd dat opstünns 5 Graad. Hüüt Vörmiddag gifft dat wenig Wulken un veel Sünn. Later trecken vun Oostfreesland un dat Emsland Regen-, Snee- un Grisselgrusselschuer op. Hier un dor kann dat ok Gewidder geven. Dat Thermometer stiggt op 7 bet 9 Graad. In de Nacht is dat mal mehr, mal weniger wulkig. Dorbi kann dat enkelte Regen- oder Sneeregenschuer geven bi 3 bet -2 Graad. Morgen gifft dat ok wedder en Wessel ut Sünn un opstiegen Wulken un af un an Regen- oder Grisselgrusselschuer. De Temperaturen liggen twüschen 7 un 10 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.