Jetzt läuft:

Simply Red Something Got Me Started
  • Jetzt läuft:

    Simply Red Something Got Me Started
  • Davor lief:

  • Um> 23:51 Uhr lief: Jennifer Rush The Power Of Love
  • Um> 23:48 Uhr lief: The Small Faces Lazy Sunday
  • Um> 23:44 Uhr lief: Bruno Mars Marry You
  • Um> 23:40 Uhr lief: Agnetha Fältskog Wrap Your Arms Around Me
  • Um> 23:35 Uhr lief: Steve Miller Band The Joker
  • Um> 23:30 Uhr lief: Paul Young Come Back And Stay
  • Um> 23:25 Uhr lief: Emma Bunton What Took You So Long?
  • Um> 23:21 Uhr lief: Pink Floyd Hey You
  • Um> 23:17 Uhr lief: Kate Bush Babooshka

Nachtprogramm

Plattdeutsche Nachrichten Plattdüütsche Narichten vun'n 9. April 2021

Plattdüütsche Narichten vun'n 9. April 2021

Audio vom 9. April 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Utspraak üm Bund Länner Rechten +++ Corona Infektschonen stiegen wieder +++ Enn vun de Utgangssperr +++ Afbrök vun de Brügg an´n Kaiserhaven fangt an +++ Pinguins verleren gegen Augsburg +++ Dat Weer

Informationen zum Audio

Utspraak üm Bund Länner Rechten

Berlin. Bunnsdagspräsident Schäuble hollt en starken Rull vun den Bund in de Corona-Süük för möglich. Wenn all dor mitmakt wullen, kann man dat Gesetz gau ännern, see de Bunnsdagspräsident an´n Avend in´t ZDF. En poor Länner sünd dorgegen den Corona-Lockdown strenger to maken un den Bund mehr Rechte to´n Dörgriepen to geven. Of Bund un Länner an´n Mondag wedder snacken, is unseker.

Corona Infektschonen stiegen wieder

Berlin. De Corona-Infektschonstallen stiegen düütlich: As dat Robert-Koch-Institut vermellt wurren düütschlandwiet rund 25.500 neje Fallen mellt. Dat sünd 3.500 mehr as Freedag vör en Week. Dat liggt ok an de Fallen, de eerst na de Ooster-Daag mellt wurren. De lannswiete Inzidenzwert is op goot 110 hoch gahn.

De aktuellen Corona-Tallen för Bremen, Bremerhaben un Neddersassen findt Se in de butenunbinnen APP un op butenunbinnen.de.

Enn vun de Utgangssperr

Braak. Stantepee gift dat kien Utgangsperr mehr in de Nachten in´n Kreis Wesermarsch. Dat mellt de Landkreis. Ursaak is de düütlich sunken söven-Dag-Inzidenz. Ok de Regeln in den Utflogsgegenden in Jaa un Butjarland gifft dat nich mehr.

Afbrök vun de Brügg an´n Kaiserhaven fangt an

Bremerhoben. De Afbrök vun de twei gahn Dreihbrügg in´n Kaiserhaven warrt hüüt torechtmakt: Dorför warrt en Ponton ünner de Brügg fastmakt. He schall dat Gewicht vun de Brügg dragen, wenn morgen de letzen Stahlstiepers döörtrennt werrn. Siet rund een Week is de Döörfohrt vun de Nordslüüs in den Kaiserhaven wegen de twei gahn Brügg dicht.

Pinguins verleren gegen Augsburg

Augsburg. In de Düütschen Ieshockey-Liga hebbt de Fischtown Pinguins an´n Avend verloren: Mit twee to fief mussen sick de Speler ut Bremerhaben in Augsburg slogen geven. Mit en Sieg weern de Pinguins vörtieds för de Playoffs qualifizeert ween. Se stahn in de Grupp Nord wieder op den tweeten Tabellplatz. Tokamen Wedderpart is hüüt Avend de EHC München.

Dat Weer

Un nu een Blick op dat Weer: in Bassen 7, an den Bremer Flegerhaben 8,  an de Fischreehabenslüüs in Bremerhaben un op Langeoog sünd dat opstunns 7 Graad.
Hüüt is de Heven vull vun Wulken. An de Küst regent dat eerst maal. In´n Verloop vun´n Dag treckt de Regen in´t Binnenland. De Wind weiht in Maten, an de Küst af un to ok enkelte störmsche Böjen ut Süüdwest bit West. Dat Thermometer wiest acht bit ölven Graad.
Tokamen Nacht sünd vele Wulken an´n Heven. An de Nordsee fallen hier un door en beten Regendrüppen. De Temeperaturen liggen bi dree bit fief Graad.
Morrn warrt dat an de Küst eertsmal fründlich mit Sünnschien. In´n Verloop vun´n Dag fangt dat ut Süden an to pladdern. Dat Thermometer wiest söven bit thein Graad. Sünndag schall dat natt un koold bi veer bit thein Graad weern.

Dat weern de Nahrichten op platt. Michael Nendza hett se tohoopstellt. Op Platt trechtmaakt un vörleest hett se Markus Weise.