Jetzt läuft:

Barry White Let The Music Play
  • Als nächstes läuft:

  • Um 07:06 Uhr läuft: Taylor Dayne Tell It To My Heart
  • Jetzt läuft:

    Barry White Let The Music Play
  • Davor lief:

  • Um> 06:54 Uhr lief: Sunrise Avenue Hollywood Hills
  • Um> 06:51 Uhr lief: The Beatles Eight Days A Week
  • Um> 06:45 Uhr lief: Carly Simon All I Want Is You
  • Um> 06:39 Uhr lief: Justin Bieber Love Yourself
  • Um> 06:34 Uhr lief: Golden Earring Radar Love
  • Um> 06:25 Uhr lief: Patrick Swayze She's Like The Wind
  • Um> 06:20 Uhr lief: Don McLean American Pie
  • Um> 06:16 Uhr lief: Eurythmics Who's That Girl?
  • Um> 06:09 Uhr lief: Bruno Mars Grenade

Der Morgen mit Britta Uphoff

Plattdeutsche Nachrichten Plattdüütsche Narichten vun'n 8. April 2021

Plattdüütsche Narichten vun'n 8. April 2021

Audio vom 8. April 2021
Plattdeutsche Nachrichten
Bild: Radio Bremen

AstraZeneca wieder blots för öllere Minschen +++ Hansestadt makt en Plan för´t Openmaken +++ Gericht stoppt Utgangssperr +++ RKI mellt mehr as 20.000 Neeinfektschonen +++ Weder winnt in´n DFB Pokal +++ Dat Weer

Informationen zum Audio

AstraZeneca wieder blots för öllere Minschen

Berlin. De goden Wöör för dat Impfmiddel AstraZeneca in Düütschland blieven bestahn. Wiederhin schallen blots Minschen över 60 de Sprütt kriegen. Dat hebbt de Minister för Gesundheit vun Bund un Länner afmakt. De Europäisch Medizinbehöörd harr vöher ehr seker Bewerten vun dat AstraZeneca-Impfmiddel nee makt. Dat geev woll en möglichen Tosamenhang mit Fallen vun Bloodstocken in´n Bregen. Dat Bruken steiht aver över dat Risiko.

Hansestadt makt en Plan för´t Openmaken

Bremen. Bremen will en Plan för dat mögliche Losmaken vun Corona-Regeln utklamüstern. Vertreder ut dat Rebett schallen Vörslagen maken. Dat is bi en Drapen twüschen Börgermester Bovenschulte un de Senatersch för Gesundheit, Vogt, mit Wirtschaftsvertredern ruutkemen. Veel is na en Drapen güstern Avend aver noch nich kloor: To´n Bispill, welke Rebeten ehr Ladens or Inrichten wedder open maken dröfft.

Gericht stoppt Utgangssperr

Hannover. Na en Ielbesluten vun dat Oberverwaltensgericht Lünborg stahn de Utgangsperren in de Nachten, in mehr Kreisen in Neddersassen, op de Kipp. De Region Hannover hett er Utgangssperr al umstöten. Dat Emsland will an´n Freedag natrecken. De för hüüt plante Utgangssperr för Vechte warrt gor nich erst utspreken. De aktuell Lannsvörschrift süht vör, dat Kommunen Utgangssperren utspreken, wenn an dree Dagen achternanner de söven-Dag-Weert över 150 liggt.

RKI mellt mehr as 20.000 Neeinfektschonen

Berlin. De Tall vun de Corona-Neeinfektschonen is in´n Vergliek to de Vörweek wieder sunken. As dat Robert-Koch-Institut vermellt, hebbt de Gesundheitsamten en beten mehr as 20.000 Neeinfektschonen mellt. Dat sünd knapp 4.000 weniger as vör een Week. 306 wiedere Minschen sünd in Verbinnen mit dat Virus doodbleven. De söven-Dag-Weert sackt wieder vun 110,1 güstern op 105,7 hüüt. Na dat RKI sitt wegen de Oosterfierdaag achter düssen Tallen nich so veel.

De regionalen Tallen finnt se in de „Buten un binnen App“ un ünner „buntenunbinnen.de“.

Weder winnt in´n DFB Pokal

Regensborg. Werder Bremen steiht in´t letzte Spill vör dat Endspill vun den DFB Pokal. De Bremer hebbt dat Nahaal-Viddel-Endspill gegen Jahn Regenborg ut de tweeten Liga mit een to null wunnen. In dat letzte Spill vör´t Endspill kriegt Werder an´n 30. April Besöök vun RB Leipzig.

Dat Weer

Un nu een Blick op dat Weer: in Vern un an den Bremer Flegerhaben 2, an de Fischreehabenslüüs in Bremerhaben 3 un in Demorst sünd dat opstunns 2 Graad. Hüüt Vörmiddag gift dat an de Küst noch enkelte Regenschuer. In´t Binneland Sneeregen- or Sneeschuer. En beten Sünn kiekt ok döör de Wulken. Af Middag is de Sünn achter de dicken Wulken verswunnen. Man dat blift dröög. De Wind weiht in Maten, an de Küst kann dat ok stieve Böjen geven. Dat Thermometer wiest söss bit acht Graad. Tokamen Nacht wiest sick de Heven wulkig, man dat blifft dröög bi dree bit fief Graad. Morrn gift dat vele Wulken. In den Verloop vun´n Dag kummt langsaam en beten Regen op. Dat Thermometer wiest acht bit ölven Graad.

Dat weern de Nahrichten op platt. Michael Nendza hett se tohoopstellt. Op Platt trechtmaakt un vörleest hett se Markus Weise.