Jetzt läuft:

Talk Talk It's My Life
  • Als nächstes läuft:

  • Um 06:09 Uhr läuft: Bruno Mars Grenade
  • Jetzt läuft:

    Talk Talk It's My Life
  • Davor lief:

  • Um> 05:58 Uhr lief: Dusty Springfield Son Of A Preacher Man
  • Um> 05:54 Uhr lief: Queen These Are The Days Of Our Lives
  • Um> 05:49 Uhr lief: Rosenstolz Ich Bin Ich (Wir Sind Wir)
  • Um> 05:46 Uhr lief: Level 42 Lessons In Love
  • Um> 05:42 Uhr lief: Supertramp Dreamer
  • Um> 05:38 Uhr lief: James Blunt Heart To Heart
  • Um> 05:33 Uhr lief: Rod Stewart Young Turks
  • Um> 05:26 Uhr lief: the Righteous Brothers You'Ve Lost That Lovin' Feeling
  • Um> 05:22 Uhr lief: Icehouse Hey Little Girl

Der Morgen mit Britta Uphoff und Marcus Rudolph

Plattdeutsche Nachrichten Plattdüütsche Narichten vun'n 1. April 2021

Plattdüütsche Narichten vun'n 1. April 2021

Audio vom 1. April 2021
Plattdeutsche Nachrichten
Bild: Radio Bremen

Wedder Lockdown in Frankriek +++ 15 Millionen Impfportionen mööt se in de USA toschannmaken +++ GEW: Na Oostern wedder Notdeenst in Kitas +++ Bovenschulte gegen mehr Kompetenz vun´t Bund bi Corona +++ Düütsche Nationalmannskupp hett vun Nord-Mazedonien eenen op de Mütz kregen +++ Dat Weer

Informationen zum Audio

Wedder Lockdown in Frankriek

Paris: Frankriek sprickt eenen scharpen Corona-Lockdown för sein Land ut. Dat hett Präsident Macron an´t Avend in eene Anpraak in´t Feernsehn kund dahn. De Schoolen ward siet een Johr wedder dicht maakt. Buterdem mutt man sik nu in´t ganze Land bekörten. Dorto hört ok, dat man na clock seven an´n Avend nich mehr na buten gahn draff. Un vun siene Wahnung draff man sik blots in eenen Umkries vun 10 Kilometers rögen, ok över den Dag.

15 Millionen Impfportionen mööt se in de USA toschannmaken

Washington: Dör een Versehn bi de Produktion in de USA sünd Millionen vun Impfportionen vun Johnson un Johnson nich mehr to bruken. De Konzern seggt, dat dor een Partnerünnernehmen Schuld an hett. Dor stellt se Substanzen för Johnson un Johnson un ok för Astrazeneca her. De Arbeiter hebbt dor wat dörnanner bröcht, so heet dat.

GEW: Na Oostern wedder Notdeenst in Kitas

Berlin: De Vörsitter vun de Gewarkschaft Erziehung un Wetenschapp, Tepe, sprickt sik för eenen Corona-Notdeenst för Kinner in Kitas ut. De Tall vun de Infektionen geiht dor flink in de Höchte, seggt he to de Funke-Medien. Wiel Kinner mehr vun de Mutante bedropen sünd, is dat nödig de Notbrems to trecken. Na Oostern schall man torüch to den richtigen Notdeenst in de Kitas, bit all Mitarbeiders de Sprütt kregen bebbt, seggt Tepe. He kann nich verstahn worüm de Länner hier nich hannelt.

Bovenschulte gegen mehr Kompetenz vun´t Bund bi Corona

Bremen: Börgermeester Bovenschulte hett sik dorgegen utspraken, dat managen vun de Corona-Pandemie alleen in de Hannen vun´t Bund to legen. To de Welt hett de SPD-Politiker seggt, dat dat een verkehrte Gloov is, dat bi zentrale Entschedens automatisch wat beteret bi rutsuert. Een Blick in annere europääsche Staaten beleggt dat, so Bovenschulte. Ok meent he, dat Bund, Länner un Kommunen dwingend upnanner anwesen sünd.

Düütsche Nationalmannskupp hett vun Nord-Mazedonien eenen op de Mütz kregen

Duisburg: De Football-Nationalmannskupp vun de Mannslüüd hett bi dat WM-Qualifikationsspeel gegen Nord-Mazedonien mit 1: 2 een op de Mütz kregen. Düütschland liggt nu, in siene Qualifikationsgrupp, blots noch op Platz 3. Bunnstrainer Löw snackt vun eenen Gegenslag.

Dat Weer

Un nu een Blick op dat Weer: Op Spiekeroog 6, an den Bremer Flegerhaben 10, an de Fischreehabenslüüs in Bremerhaben 8 un in Verrn sünd dat opstunns 11 Graad. Hüüt hebbt wi erst noch vele Wulken an´t Heven un dat kann hier un dor mal pieseln. Hütt Nomdag lockert dat denn so´n beten op un de Sünn kummt dör, bi 10 bit 14 Graad. Tokamen Nacht ok een paar Wulken, man dat blifft meist dröge. Dat Thermometer sackt op 5 bit 8 Graad. Morrn is dat jüst so gries. De Sünn schafft dat af un an dör de Wulken to pielen un dat kann hier un dor mal een paar Schuers geven, bi 8 bit 10 Graad. Ooster-Sünndag is dat fründlicher un dor kummt nix vun baven rünner, bi 11 bit 15 Graad. Dat weern de Nahrichten op platt. Ulrike Müller hett se tohoopstellt. Op Platt trechtmaakt un vörleest hett se Antje Kruppa.