Jetzt läuft:

Moti Special Cold Days, Hot Nights
  • Als nächstes läuft:

  • Um 07:58 Uhr läuft: Texas Lightning No No Never
  • Jetzt läuft:

    Moti Special Cold Days, Hot Nights
  • Davor lief:

  • Um> 07:50 Uhr lief: Prince Purple Rain
  • Um> 07:45 Uhr lief: Michael Patrick Kelly Roundabouts
  • Um> 07:37 Uhr lief: M Pop Music (Pop Muzik)
  • Um> 07:33 Uhr lief: Bruce Springsteen Dancing In The Dark
  • Um> 07:26 Uhr lief: The Rubettes Sugar Baby Love
  • Um> 07:23 Uhr lief: Heinz Rudolf Kunze Dein Ist Mein Ganzes Herz
  • Um> 07:20 Uhr lief: Creedence Clearwater Revival Proud Mary
  • Um> 07:13 Uhr lief: Rea Garvey Wild Love
  • Um> 07:10 Uhr lief: Taylor Dayne Tell It To My Heart

Der Morgen mit Britta Uphoff

Plattdeutsche Nachrichten Plattdüütsche Narichten vun'n 31. März 2021

Plattdüütsche Narichten vun'n 31. März 2021

Audio vom 31. März 2021
Plattdeutsche Nachrichten
Bild: Radio Bremen

Düütschland: Kene AstraZeneca-Sprütt för Lüüd ünner 60 +++ Bremerhaven un Neddersassen: Impftermine blievt +++ Polizei in Bremerhaven: Straafgeld för Lüüd, de nachts op de Straat weren +++ Lüüd ahn Arbeit +++ Bunnsregerung geiht strenger gegen Stüeroasen vör +++ Dat Weer

Informationen zum Audio

Düütschland: Kene AstraZeneca-Sprütt för Lüüd ünner 60

Berlin: Dat Corona-Impfmiddel vun AstraZeneca schall normal blots noch bi Lüüd impft warrn, de över 60 sünd. De Bunnsregerung hett fastleggt: All de annern schüllt AstraZeneca eerst mal nich mehr kriegen. Düssen Raat harr de Faste Impfkommischoon geven. Bunnsgesundheitsminister Spahn sä, dat weer en Slag in’t Kontor. Wat dor achter stickt: Bi ganz wenige Minschen weer na dat Impfen wat nakamen, wat heel un deel böösoortig weer. Lüüd ünner 60 kunnen sik liekers mit AstraZeneca impfen laten, man blots, wenn se dor mit en Dokter över snackt hebbt.

Bremerhaven un Neddersassen: Impftermine blievt

Bremen: Ok wenn dat Serum vun AstraZeneca weniger sprütt warrt, fallt vundaag in Bremen un Neddersassen kene Impftermine ut. De AstraZeneca kriegen schull, kriggt nu en anner Middel. So is in Bremen güstern en Ladung vun Biontech ankamen. Över Dag wüllt se fastleggen, woans dat wiederlopen schall.

Polizei in Bremerhaven: Straafgeld för Lüüd, de nachts op de Straat weren

Bremerhaven: De Polizei hett verleden Nacht henkeken, dat ok keeneen op de Straat is. Mehr as 200 Lüüd hebbt se anholen. De meisten weren op den Weg vun oder na de Arbeit. 35 Lüüd kunnen nich nawiesen, dat se ünnerwegens ween müssen. De hebbt 200 Euro an Straafgeld kregen. Vun hüüt op an dröfft in de Nacht ok nüms na buten in de Kreisen Wersermasch, Cloppenborg, Emsland, Ossenbrügge un Ollenborg.

Bremen u Neddersassen: Lüüd ahn Arbeit

Hannover: Neddersassen un Bremen vermellt för den März-Maand weniger Lüüd ahn Arbeit as in’n Februar. In Bremen is de Quoot um 0,3 Punkten op 11,3 trüchgahn. In Neddersassen is dat 0,1 Punkt weniger worrn un steiht nu bi 6,0. De Arbeitsagentur Neddersassen-Bremen seggt: In’t Vörjohr is dat normal, dat de Wirtschap in Gang kummt. Wegen Corona is dor aver weniger vun to sehn as in de Johren vörher.

Bunnsregerung geiht strenger gegen Stüeroasen vör

Berlin: De Bunnsregerung will de Regeln gegen Stüerbedregers strenger maken. Dat Kabinett hett so‘n Gesetz op den Weg bröcht. Dat schall nich mehr so licht to ween, mit Staaten Geschäften to maken, de sik nich scheert üm de internatschonalen Grundweerte för Stüern. So kann een denn bi de Stüer nich mehr de Bedrievs- un Werbungskosten in Anslag bringen, de bi Geschäften anfallt, bi de Stüeroasen en Rull speelt. Dat geiht trüch op de Swarte List vun de EU, op de ok Panama un de Seychellen mit opstaht.

Dat Weer

Un woans süht dat mit dat Weer umto ut? Opstunns hebbt wi in Bremen 11 Graad, op Langeoog sünd dat 12 un in Bremerhaven un Syke 14 Graad. Vundaag: Nix as Sünnschien. Later an’n Namiddag treckt vun de See her Wulken ran. Man de ballt sik nich tohoop un dat blifft dröög. Dat Thermometer krabbelt op 20 bet 23 Graad, an de See un op de Inseln 17 bet 19. De Wind dorto weiht flau vun de süüdoosten bet süüdwesten Kant, laterhen dreiht he op West bet Noordwest. Tokamen Nacht: Vun de Noordsee her treckt en poor Wulkenfeller dör. Hier un dor kann dat ok mal pladdern. Meist överall aver blifft dat dröög. Bi 7 bet 5 Graad. Morgen: Eerst Wulken, un bet Middag kann dat ok noch regen. An’n Namiddag waagt sik aver mehr un mehr de Sünn rut. Köhliger mit 10 bet 15 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.