Jetzt läuft:

Bruce Springsteen Dancing In The Dark
  • Als nächstes läuft:

  • Um 07:37 Uhr läuft: M Pop Music (Pop Muzik)
  • Jetzt läuft:

    Bruce Springsteen Dancing In The Dark
  • Davor lief:

  • Um> 07:26 Uhr lief: The Rubettes Sugar Baby Love
  • Um> 07:23 Uhr lief: Heinz Rudolf Kunze Dein Ist Mein Ganzes Herz
  • Um> 07:20 Uhr lief: Creedence Clearwater Revival Proud Mary
  • Um> 07:13 Uhr lief: Rea Garvey Wild Love
  • Um> 07:10 Uhr lief: Taylor Dayne Tell It To My Heart
  • Um> 06:57 Uhr lief: Barry White Let The Music Play
  • Um> 06:54 Uhr lief: Sunrise Avenue Hollywood Hills
  • Um> 06:51 Uhr lief: The Beatles Eight Days A Week
  • Um> 06:45 Uhr lief: Carly Simon All I Want Is You

Der Morgen mit Britta Uphoff

Plattdeutsche Nachrichten Plattdüütsche Narichten vun'n 30. März 2021

Plattdüütsche Narichten vun'n 30. März 2021

Audio vom 30. März 2021
Plattdeutsche Nachrichten
Bild: Radio Bremen

Präsident vun den Städtedag: Kene Schangs för weniger strenge Regeln +++ Bremerhaven un Dele vun Neddersassen: Nachts mööt all to Huus blieven +++ In’n Fleger na Düütschland – blots mit Test +++ Bremen: Kurs för dubbelten Huusholt +++ NRW: Tarifverdrag för Metall un Elektro +++ Dat Weer

Informationen zum Audio

Präsident vun den Städtedag: Kene Schangs för weniger strenge Regeln

Berlin: De Präsident vun den Städtedag Jung meent: Wo mehr un mehr Lüüd an Corona krank warrt, gifft dat keen Schangs för weniger strenge Regeln, ok wenn överall test warrt. Nu müss allens wedder op Null. In dat ARD-Morgenmagazin sä Jung: Anners geiht dat gau, dat wi de Laag op de Intensivstatschonen nich mehr in’n Griff hebbt. Dat nich all mitmaken kunnen, wenn allens op Null geiht, dor is Jung nich bang vör. Vele Minschen wörrn en kloren Kurs annehmen.

Bremerhaven un Dele vun Neddersassen: Nachts mööt all to Huus blieven

Bremerhaven: In de eerste Nacht, in de keeneen rut dröff, is nich veel los ween. De Polizei seggt: De meisten Lüüd, de ünnerwegens weren, weren op den Weg vun oder na de Arbeit. De neen Regeln gellt eerst mal bet to den 18. April. Wo düer dat warrn kann, wenn een doch ünnerwegens is, dat will Bremerhaven vundaag fastleggen. Vun morgen op an dröfft ok in’t Emsland, in Cloppenborg un in de Wersermasch nachts keeneen op de Straat ween. In de Wersermasch gellt dat nich in de Gemeenden Butjadingen un Ovelgunn. Dor liggt de 7-Daag-Tall kloor ünner hunnert.

In’n Fleger na Düütschland – blots mit Test

Berlin: All Lüüd, de mit en Fleger na Düütschland wüllt, mööt vun hüüt op an en Test maken laten. Eher de Reis in’t Butenland losgeiht, mutt de Test maakt warrn. Wenn de Test nich negativ utfallt, kummt een nich in den Fleger rin. Dat gellt eerst mal bet to den 12. Mai.

Bremen: Kurs för dubbelten Huusholt

Bremen: De Senaat will vundaag den Kurs fastleggen för den Huusholt för de Johren 2022 un 2023. Geld wegstrieken wüllt se nich. Mag aver ween un se köönt en Reeg Saken, de Root-Root-Gröön sik vörnahmen hebbt, nich ümsetten – dat to’n Bispeel dat Kita-Personal mehr Geld kriggt, dat mehr Ganzdagsscholen inricht warrt oder dat Scholen in Quarteren mit vele arme Minschen beter utstaffeert warrt. Wegen Corona warrt de Staat kloor weniger an Stüern innehmen.

NRW: Tarifverdrag för Metall un Elektro

Düsseldörp: In de Metall- un Elektroindustrie is de Tarifstriet to Enn. De IG Metall un de Arbeitgevers in Nordrhein-Westfalen hebbt verleden Nacht en Verdrag fastleggt. Geven schall dat, as en Corona-Prämie, nu 500 Euro op de Hand, un denn eenmal dat Johr Extra-Geld. Wat se in Nordrhein-Westfalen uthannelt hebbt, dat schall dat Vörbild ween för Metall un Elektro överall in Düütschland.

Dat Weer

Un woans süht dat mit dat Weer umto ut? Opstunns hebbt wi in Bremerhaven 12 Graad, in Bremen un Staad sünd dat 13 un in Deefholt 14 Graad. Vundaag: Sünnschien satt mit blots en ganz poor lockere opstiegen Wulken. Dat blifft dröög, un de Luft warmt dör. Dat Thermometer krabbelt op 15 bet 21 Graad. De Wind dorto weiht flau, an de See ok en beten mehr, vun de süüdwesten bet süden Kant. Tokamen Nacht: Kene Wulken oder blots en poor. Dröög. Vör Dag un Dau kann sik hier oder dor Daak utbillen. Bi 6 bet 1 Graad. Morgen: Wenn de Daak weg is: Nix as blauen Heven. Later an’n Namiddag treckt vun de See her Wulken ran. Man de ballt sik nich tohoop un Regen bringt se ok nich mit. Dat Ganze bi 20 bet 23 Graad, an de See 16 bet 19. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.