Jetzt läuft:

Heinz Rudolf Kunze Dein Ist Mein Ganzes Herz
  • Als nächstes läuft:

  • Um 07:29 Uhr läuft: Zucchero & Randy Crawford Diamante
  • Jetzt läuft:

    Heinz Rudolf Kunze Dein Ist Mein Ganzes Herz
  • Davor lief:

  • Um> 07:20 Uhr lief: Creedence Clearwater Revival Proud Mary
  • Um> 07:13 Uhr lief: Rea Garvey Wild Love
  • Um> 07:10 Uhr lief: Taylor Dayne Tell It To My Heart
  • Um> 06:57 Uhr lief: Barry White Let The Music Play
  • Um> 06:54 Uhr lief: Sunrise Avenue Hollywood Hills
  • Um> 06:51 Uhr lief: The Beatles Eight Days A Week
  • Um> 06:45 Uhr lief: Carly Simon All I Want Is You
  • Um> 06:39 Uhr lief: Justin Bieber Love Yourself
  • Um> 06:34 Uhr lief: Golden Earring Radar Love

Der Morgen mit Britta Uphoff

Plattdeutsche Nachrichten Plattdüütsche Narichten vun'n 29. März 2021

Plattdüütsche Narichten vun'n 29. März 2021

Audio vom 29. März 2021
Plattdeutsche Nachrichten
Bild: Radio Bremen

Merkel roppt Länner to´n Hanneln op +++ Tallen vun Neeinfektionen gaht wieter na baven +++ Bremen treckt de Notbrems +++ Corona-Utbreken bi Lürssen +++ Containerschipp in´t Suezkanaal is wedder freeslept +++ Dat Weer

Informationen zum Audio

Merkel roppt Länner to´n Hanneln op

Berlin: Bunnskanzlersch Merkel verlangt vun de Länner, dat se bi de Corona-Pandemie scharper dörgriept, dormit sik nich mehr so vele Minschen ansteekt. So kann dat nich wietergahn, seggt se an´t Avend in de ARD. Wiel sik so vele nee ansteekt  will Merkel nich noch mehr „locker maken“ tolaten. Se sett sik dorför in, dat de Lüüd nich mehr op de Straat dröfft. So will se de drütte Well breken.

Tallen vun Neeinfektionen gaht wieter na baven

Berlin: De Tall vun de Neeinfektionen mit Corona, vun Dag to Dag, geiht in Düütschland wieter na baven. Dat Robert-Koch-Institut hett 9.872 nee`e Fälle vermelld. Dat sünd 28 Perzent mehr as an den sülvigen Dag vör eene Week. Man dat sünd düütlich weniger Minschen sturven. De 7-Daag-Inzidenz liggt nu bunnswiet bi 134.

Bremen treckt de Notbrems

Bremen: De Stadt Bremen maakt vun hütt an de Corona-Regeln scharper. Wiel de Inzidenzwert nu all een paar Daag achter`nanner över 100 liggt, hett de Senat de so nömmte „Notbrems“ fastleggt. Dat Inköpen op Termin is dorüm in de Stadt Bremen ok nich mehr tolaten. Man draff blots to tweet, or mit Minschen ut sien egen Huushold, an de frischen Luft Sport maken. Nee is, dat man nu ok een Mask opsetten muss, wenn man mit mehr as twee Huusholden in een Fohrtüüch sitt. De Regeln gellt bit to´n 18. April.

Corona-Utbreken bi Lürssen

Bremen: Op de Lürssen-Warft hett dat bi den Standort Bremen-Aumund een Corona-Utbreken mit tominnst 105 Kranke geven. Man de sünd nu all in Quarantään, seggt dat Gesundheitsressort. Tomehrst hebbt se de Virusvariante B 117 faststellt. Dat is de Variante, de man sik heel fix weghalen kann. Vele Kranke sünd vun annere Firmen, un arbeit för de Lürssen Warft. Se wahnt in un üm Lemwerder in Ferienwahnungen. Dat hett de Landrat Wesermarsch kund dahn.

Containerschipp in´t Suezkanaal is wedder freeslept

Kairo: In´t Suezkanaal is dat Containerschipp „Ever Given“, dat op den Grund fastseten hett, wedder freeslept. Dat 400 Meter lange Schipp swimmt nu un warrd sekert. Dat hett de Firma kund dahn, de dat Schipp bargt hett. Wannehr de „Ever Given“ wieter föhren kann is noch nich klar. De Frachter hett siet verleden Dingsdag faststeken. Wieldess tövt mehr as 350 Schippe dorop, dat se wieter föhren köönt.

Dat Weer

Un nu een Blick op dat Weer: In Cuxhaben un op Wangerooge 10,  an de Fischreehabenslüüs in Bremerhaben 11  un an den Bremer Flegerhaben sünd dat opstunns 11 Graad. Hütt hebbt wi erst noch vele Wulken an´t Heven. Hier un dor kann dat an de Küst mal so´n beten drüppeln. Över den Dag lockert dat vun Südwesten her mehr un mehr op, de Sünn kummt hier un dor mal dör, bi 14 bit 18 Graad. Tokamen Nacht blots een paar Wulken, keen Regen. To´n Morgen hen kann hier un dor Nevel opkamen. Dat Thermometer sackt op 7 bit 5 Graad. Morrn hier un dor erst noch Nevel, later lacht us de Sünn denn ok an. Blots af un an mal een opstiegen Wulk, bi 15 bit 21 Graad. Ok Middeweeken geiht dat fründlich un kloor los, later een paar Wulken, man dat blifft meist dröge, bi milden 16 bit 22 Graad.Dat weern de Nahrichten op platt. Ulrike Müller hett se tohoopstellt. Op Platt trechtmaakt un vörleest hett se Antje Kruppa.