Jetzt läuft:

Barry White Let The Music Play
  • Als nächstes läuft:

  • Um 07:06 Uhr läuft: Taylor Dayne Tell It To My Heart
  • Jetzt läuft:

    Barry White Let The Music Play
  • Davor lief:

  • Um> 06:54 Uhr lief: Sunrise Avenue Hollywood Hills
  • Um> 06:51 Uhr lief: The Beatles Eight Days A Week
  • Um> 06:45 Uhr lief: Carly Simon All I Want Is You
  • Um> 06:39 Uhr lief: Justin Bieber Love Yourself
  • Um> 06:34 Uhr lief: Golden Earring Radar Love
  • Um> 06:25 Uhr lief: Patrick Swayze She's Like The Wind
  • Um> 06:20 Uhr lief: Don McLean American Pie
  • Um> 06:16 Uhr lief: Eurythmics Who's That Girl?
  • Um> 06:09 Uhr lief: Bruno Mars Grenade

Der Morgen mit Britta Uphoff

Plattdeutsche Nachrichten Plattdüütsche Narichten vun'n 26. März 2021

Plattdüütsche Narichten vun'n 26. März 2021

Audio vom 26. März 2021
Plattdeutsche Nachrichten
Bild: Radio Bremen

Bremsche Börgerschaft kiekt dat Inföhren vun en List över Vertreder vun Egenbelangen an +++ EU will bi dat Corona-Impftempo fahrt opnehmen +++ BLG vermellt för 2020 schienbor en Minus vun 120 Millionen Euro +++ Meyerwarft in Papanborg makt doch kien Bedrievspaus wegen Corona +++ Dat Weer

Informationen zum Audio

Bremsche Börgerschaft kiekt dat Inföhren vun en List över Vertreder vun Egenbelangen an

Bremen. Nadeem de Bunnsdags en List över Vertreder vun Egenbelangen besluten hett, willt sick ok de Fraktschonen in de Bremschen Börgerschaft för en strengen Ümgang mit Interessenkoppels insetten. Dat mutt kloor ruttokennen ween, wat sükse Koppels vör hebbt. De CDU un de Grönen willt nakieken, of sick dat neje Gesetz op dat Bunnsland Bremen överdregen lett. In anner Bunnslänner gift dat al so en List. Bether aver nich in Bremen un Neddersassen.

EU will bi dat Corona-Impftempo fahrt opnehmen

Brüssel. De EU will bi dat Corona-Impftempo Fahrt opnehmen. Dat hebbt de Staats- un Regerungsbaas vun de Mackers vun de EU-Länner bi en Videodrapen afmakt. Dorför schallen de Impfmiddel-Exporte bi de Herstellers verknappt weern, de Europa nich, as dat afmakt weer, belevert. Dat is betto vör allen bi Astrazeneca de Fall. Dat Ünnernehmen hett bither blots en lüürlütten Deel vun dat toseggten Impfmiddel lefert. Drüdde-Welt-Länner schallen vun de EU aver as bet nu Impfmiddel kriegen.

BLG vermellt för 2020 schienbor en Minus vun 120 Millionen Euro

Bremen. De weltwiete Süük hett dat Logistik-Ünnernehmen BLG as dat utsüht swor drapen. De BLG hett 2020 en Minus vun 120 Millionen Euro makt. Dat vermellt de „Weser Kurier“. De BLG liggt heel un deel in de Hand vun de Stadt Bremen un schall sick al mit en Bidd üm Hölp an den Senat wennt hebben. Man ohn Erfolg. De BLG sülfst wull to de Saak nix seggen. Se wiest op de Vörstellen vun de Geschäftstallen in´n April hen.

Meyerwarft in Papanborg makt doch kien Bedrievspaus wegen Corona

Papenborg. Op de Meyer Warft gift dat nu doch kien allgemeen Bedrievspaus vun twee Weken wegen Corona. Dorför warrt de Produktschoon un dormit de Mitarbeitertall lütter makt. Doröver sünd sick de Warft in Drapen mit den Landkreis Emsland un de Gesundheitsbehöörd övereens kamen. För den Corona Infekschoonsschutz schallen nu mehr Tests makt weern. De Bedrievsrat bekriddelt dat Ümdreihen. He meent, dat twee Weken Dichtmaken beter weern, üm den Infektschoonsafloop to kuntrolleren.

Dat Weer

Un nu een Blick op dat Weer: in Demorst 13, an den Bremer Flegerhaben 11, an de Fischreehabenslüüs in Bremerhaben un in Braak sünd dat opstunns 10 Graad.
Hüüt gift dat Sünnschien. Af un an aver ok dichte Wulken ut de enkelte Regenschuer weern könen. De Wind weiht en beten bit in Maten. De Temeperaturen kladdern op darthein bit foffthein Graad. Tokamen Nacht sünd nich mehr so vele Wulken an´n Heven un dat blift dröög. Af Middernacht komen jümmer mehr Wulken. Tiedwies pladdert dat reell. Dat Thermometer wiest fief bit söss Graad.
Morrn sünd vele Wulken to sehn. Jümmer wedder gift dat orntlich Regen, Grisselgrussel un hier un dor sogor Blitz un Donnerslag. Dat Thermometer wiest söven bit acht Graad.
Sünndag eerst Wulken mit en beten Sünnschien, denn Wulken un Regen bi thein bit darthein Graad.

Dat weern de Nahrichten op platt. Gabriele Intemann hett se tohoopstellt. Op Platt trechtmaakt un vörleest hett se Markus Weise.