Jetzt läuft:

Justin Bieber Love Yourself
  • Als nächstes läuft:

  • Um 06:45 Uhr läuft: Carly Simon All I Want Is You
  • Jetzt läuft:

    Justin Bieber Love Yourself
  • Davor lief:

  • Um> 06:34 Uhr lief: Golden Earring Radar Love
  • Um> 06:25 Uhr lief: Patrick Swayze She's Like The Wind
  • Um> 06:20 Uhr lief: Don McLean American Pie
  • Um> 06:16 Uhr lief: Eurythmics Who's That Girl?
  • Um> 06:09 Uhr lief: Bruno Mars Grenade
  • Um> 06:05 Uhr lief: Talk Talk It's My Life
  • Um> 05:58 Uhr lief: Dusty Springfield Son Of A Preacher Man
  • Um> 05:54 Uhr lief: Queen These Are The Days Of Our Lives
  • Um> 05:49 Uhr lief: Rosenstolz Ich Bin Ich (Wir Sind Wir)

Der Morgen mit Britta Uphoff und Marcus Rudolph

Plattdeutsche Nachrichten Plattdüütsche Narichten vun'n 25. März 2021

Plattdüütsche Narichten vun'n 25. März 2021

Audio vom 25. März 2021
Plattdeutsche Nachrichten
Bild: Radio Bremen

Merkel will nich de Vertroonsfraag stellen +++ SPD steiht achter Merkel +++ Bremen draut Corona-Nootbrems +++Jümmer mehr Jüngere steekt sik mit Corona an+++ Bovenschulte gifft Regeernverklaarn af +++ Dat Weer

Informationen zum Audio

Merkel will nich de Vertroonsfraag stellen

Berlin – Bunneskanzlerin Merkel will in’n Bunnesdag nich de Vertroonsfraag stellen. FDP, AfD un Linke harrn dat güstern foddert. De Oppositschon will darmit rutkriegen, of Merkel in’n Bunnesdag mit ehrn Kurs noch de Mehrsten achter sik hett. Darto sä se, se harr de hele Bunesregeern achter sik un darmit ok dat Parlament. De Kanzlerin harr sik güstern mehr as eenmal öffentlich för dat Trüchnehmen vun dat Allens-Op-Null-Setten över Ostern entschülligt.

SPD steiht achter Merkel

Berlin – De SPD will Bunneskanzlerin Merkel ok wieterhen den Rügg steilen. „Dat letzt, wat wi nu bruukt, is een Regeern, de in Legerwall kummt“, sä de parlamentarische Geschäftsföhrer vun de SPD, Schneider. He foddert, een Plicht to’n Testen an de Arbeitsstäe, denn dat wees de Oort, wo sik de mehrsten Minschen ansteekt. De CDU will lever dat Reisen in’t Utland verbeden, bekrittelt he. Reisen wees aver een Grundrecht, sä he wieter, darum maakt de SPD dar nich mit.

Bremen draut Corona-Nootbrems

Bremen – In de Stadt Bremen is de Inzidenzwert to’n ersten Mal in dütt Johr wedder över de 100 kladdert. Wenn düsse Wert bit morrn nich wedder daalsackt, kummt de so nöömte „Nootbrems“. Dat hett, Inköpen mit Termin, dat Openmaken vun Museen un Sport in Grupps ward dat nich mehr geven. In Bremerhaben – mit een Inzidenzwert vun bold 200 – gellt dat all vun hüüt an. In’t Land Neddersassen liggt de Inzidenzwert bi nipp un nau 100.

Jümmer mehr Jüngere steekt sik mit Corona an

Bremen – De Minschen, de sik mit Corona ansteekt, ward jümmer jünger. As dat Gesundheitsamt vermellt, steekt sik de 20 bit 39-Jöhrigen besünners faken an – un dat vör allens binnen de Familie un bi Drepen mit Frünnen. Af un an kummt dat ok vör, dat de Krankheit bi den jüngeren Minschen swarer is un ok se in’t Krankenhuus mööt. Besünnere Steden, wo se sik besünners veel ansteekt, gifft dat in Bremen un Bremerhaben nich.

Bovenschulte gifft Regeernverklaarn af

Bremen – Börgermeister Bovenschulte gifft in’n Momang in de Börgerschupp een Regeernverklaarn af. Darbi geiht dat üm dat, wat Bund un Länner wegen Corona besluten hebbt. All güstern harr de Börgermeister beduert, dat Kanzlerin Merkel dat Allens-Op-Null-Setten to Ostern wedder trüchnahmen hett. Bovenschulte roppt liekers de Lüüd darto op, nich to reisen un annere Minschen to drepen.

Dat Weer

Un nu een Blick op dat Weer: in Deefholt 8, an den Bremer Flegerhaben 9, an de Fischereehabenslüüs in Bremerhaben un op Spiekeroog sünd dat opstunns 10 Graad. Hüüt lockert dat an’n Vörmiddag op, an’n Namiddag wesselt sik Sünn un Wulken af. Dat blifft een länger Tied dröög, aver dat kann verenkelt ok mal Regenschuer geven, bi 11 bit 13 Graad. Tokamen Nacht is dat wieter mal mehr, mal minner wulkig – ehrdat dat drööger ward un de Wulken mehr un mehr oplockert. Dat kann ok Nevel geven un dat Thermometer sackt op 6 bit 4 Graad. Morrn köönt wi blangen Sünnschien ok mit Wulken ut’n Westen reken, de Schuers bringt – bi 13 bit 15 Graad. Sünnabend köhleret Schuerweer, kann ok Grisselgrussel geven bi 7 bit 9 Graad. Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Heidi Jürgens.