Jetzt läuft:

Dusty Springfield Son Of A Preacher Man
  • Als nächstes läuft:

  • Um 06:06 Uhr läuft: Talk Talk It's My Life
  • Jetzt läuft:

    Dusty Springfield Son Of A Preacher Man
  • Davor lief:

  • Um> 05:54 Uhr lief: Queen These Are The Days Of Our Lives
  • Um> 05:49 Uhr lief: Rosenstolz Ich Bin Ich (Wir Sind Wir)
  • Um> 05:46 Uhr lief: Level 42 Lessons In Love
  • Um> 05:42 Uhr lief: Supertramp Dreamer
  • Um> 05:38 Uhr lief: James Blunt Heart To Heart
  • Um> 05:33 Uhr lief: Rod Stewart Young Turks
  • Um> 05:26 Uhr lief: the Righteous Brothers You'Ve Lost That Lovin' Feeling
  • Um> 05:22 Uhr lief: Icehouse Hey Little Girl
  • Um> 05:17 Uhr lief: Santana Samba Pa Ti

Der Morgen mit Britta Uphoff und Marcus Rudolph

Plattdeutsche Nachrichten Plattdüütsche Narichten vun'n 23. März 2021

Plattdüütsche Narichten vun'n 23. März 2021

Audio vom 23. März 2021
Plattdeutsche Nachrichten
Bild: Radio Bremen

Över Ostern warrt de Laag, vunwegen dat allens dicht is in Düütschland noch leeger +++ Tahl vun nee Coronainfektschoon kladdert wieder na baven +++ USA: Teihn Dode bi Attack mit Scheetiesen in Inkoopsladen +++ Füer in Syke is noch nich doot +++ Dat Weer

Informationen zum Audio

Över Ostern warrt de Laag, vunwegen dat allens dicht is in Düütschland noch leeger

Berlin – Bunn un Länner hebbt dat beslaten: Vun 1. bet to´n 5. April warrt dat Leven för Jan un Allemann in Düütschland op Null sett. Privaat dröfft betto fief Minschen ut twee Huusholte tohoop kamen. Groote Inkoopsladen dröfft blots an Sünnavend apen maken. Un Gottesdeenste schull dat an Ostern man blots in´t Internet geven. Bremens Börgermeister Bovenschulte see an Morgen bi Bremen een:
Dat wat beslaten wurr, warrt ok in´t Land Bremen ümsett. Kanzlersch Merkel meent, dat Afkamen mutt so ween, vunwegen de Infektschoonstahlen, de jümmer wieder na baven kladdern. De drütte Well mutt stoppt warrn, see se achteran de Videokonferenz, de 12 Stünnen duert hett. In de Landkreise, wo de Indizenz över 100 liggt, schall de Nootbrems trocken warrn. Dat heet, all dat wat betnu wedder apen hett, warrt wedder dicht maakt.

Tahl vun nee Coronainfektschoon kladdert wieder na baven

Berlin – De Gesundheitsbehöörden in Düütschland hebbt dat Robert-Koch-Instituut 7485 nee Corona-Infektschoon binnen een Dag mellt. Dat sünd 2005 mehr, as Dingsdag verleden Week. Bavento maakt dat RKI künnig, dat 250 wiedere Lüüd an or mit dat Coronavirus sturven sünd. De Tahlen för Bremen un Neddersassen gifft dat op buten un binnen.de.

USA: Teihn Dode bi Attack mit Scheetiesen in Inkoopsladen

Boulder: In den US-Bunnsstaat Colorado sünd teihn Minschen in en Inkoopsladen doot schaten worrn. De Polizei mellt, dat een Mann in de Stadt Boulder in Denver in en Supermarkt eenfach losschaten hett. Bi de Minschen, de dorbi sturven sünd, is ok een Polizist. Een Mann, vun den de Polizei meent, dat he dat woll doon hett, is in Arrest kamen. Woso he dat doon hett, is noch nich kloor.

Füer in Syke is noch nich doot

Syke – Opstunns warrt jümmers noch versöcht, dat Füer in Syke heel un deel doot to kriegen. Dor hett güstern ene Lagerhall anfungen to brennen. Mag ween, dat Funken vun een Gaardenmaschien Schuld doran sünd. Över en Wahnquarteer in Syke steiht jümmers noch dicken Rook. De Füerwehr seggt aver, dat de nich slimm is. Ok meent se, dat se dat schafft dat Füer vundaag mit allen, wat dorto höört doot to maken.

Dat Weer

Un nu kiekt wi op dat Weer: Opstunns hebbt wi in Bremerhaven 6 Graad, in Bremen, Ossenbrügge un op Langeoog överall 7 Graad. Vundaag trecken jümmer mal Wulken dör´t Land, man dat drüppelt blots wenig. In´t Ollenborger Münsterland kann dat ok mol free´e Steeden an´n Heven geven, wo de Sünn denn dörlacht. De Wind weiht flau bet in Maaten vun de süüdwesten Kant. Dat Thermometer kladdert op 8 bet 11 Graad. In de Nacht mal mehr mal weniger Wulken, dat kann ok mal en beten drüppeln, meist blifft dat aver dröög. Dat Thermometer wiest us 6 bet 4 Graad. Morgen hangt de Heven an´ne See vull dicke Wulken, de aver blots verenkelt en ganz poor Drüppen vun baven smieten, meist is dat dröög. Rund um Bremen umto un na´n Süüden hen kickt ok jümmer mal wedder de Sünn vörbi. Un dat denn bi 10 bet 12 Graad.

Dat weren de Plattdüütschen Narichten. Tohoopstellt vun Michael Nendza. Op Platt trechtmaakt un vörleest vun Martina Brünjes.