Jetzt läuft:

Rosenstolz Ich Bin Ich (Wir Sind Wir)
  • Als nächstes läuft:

  • Um 05:53 Uhr läuft: Queen These Are The Days Of Our Lives
  • Jetzt läuft:

    Rosenstolz Ich Bin Ich (Wir Sind Wir)
  • Davor lief:

  • Um> 05:46 Uhr lief: Level 42 Lessons In Love
  • Um> 05:42 Uhr lief: Supertramp Dreamer
  • Um> 05:38 Uhr lief: James Blunt Heart To Heart
  • Um> 05:33 Uhr lief: Rod Stewart Young Turks
  • Um> 05:26 Uhr lief: the Righteous Brothers You'Ve Lost That Lovin' Feeling
  • Um> 05:22 Uhr lief: Icehouse Hey Little Girl
  • Um> 05:17 Uhr lief: Santana Samba Pa Ti
  • Um> 05:13 Uhr lief: Kim Wilde You Keep Me Hangin' On
  • Um> 05:10 Uhr lief: Ray Dalton Don't Make Me Miss You

Der Morgen mit Britta Uphoff und Marcus Rudolph

Plattdeutsche Nachrichten Plattdüütsche Narichten vun'n 22. März 2021

Plattdüütsche Narichten vun'n 22. März 2021

Audio vom 22. März 2021
Plattdeutsche Nachrichten
Bild: Radio Bremen

Bund un Länner hollt Raat över Corona-Regeln +++ Neddersassen will Urlaub in't egen Bunnesland mööglich maken +++ Busfohrer in’n privaten Bus-un Bahnverkehr streikt +++ CDU-Bunnesdagsafordnete unvermodens sturven +++ Vereente Natschonen foddert, dat Water mehr to achten +++ Dat Weer

Informationen zum Audio

Bund un Länner hollt Raat över Corona-Regeln

Berlin – De Bunnesregeern sett sik för een Op-Null-Setten bit Midde April in, wieldat de Corona-Infektschonstallen jümmer wieter na baben kladdert. An’n Namiddag hollt Bund un Länner Raat över den Kurs för de nöchsten Weken. De Plaan vun’n Kanzleramt sütt vör, de Regeln in Landkreisen mit een Inzidenz över 100 scharper to maken. Se snackt buterdem daröver, Scholen un Kinnergaarn blots open to laten, wenn se dat henkriegt, Kinner un dat Personal tweemal elkeen Week to testen.

Neddersassen will Urlaub in't egen Bunnesland mööglich maken

Hannober – De Ministerpräsident vun Neddersassen, Weil, snackt sik för Urlaubsreisen in’t egene Bunnesland ut. Wertshüüs, Hotels un Jugendherbargen mööt man dicht blieven, sä he in’n Morgenmagazin. De Minschen weern aver ok Corona-mööd – dat mööt se bi allens, wat se besluten wüllt, in’n Achterkopp hebben. De SPD-Politiker will ok in’n Eenzelhannel wat utprobeern. Dar schall Inköpen mit een negativen Test mööglich sien.

Busfohrer in’n privaten Bus-un Bahnverkehr streikt

Lilienthal – De Gewarkschupp Verdi hett in’n privaten Bus-un Bahnverkehr in’n Nordwesten to een Streik opropen, de twee Dag anduern schall. Dat geiht ok üm vele Busse för Schöler, ünner annern in de Kreise Osterholt un Veern. Vördem weer bi dat Verhanneln över Tarife nix bi rutsuert. De Gewarkschupp will dörsetten, dat de privaten Bus-un Stratenbahnfohrer meist so veel verdeent as ehr Kollegen bi de kommunalen Ünnernehmen. Opstunns sünd dat 5 Euro weniger.

CDU-Bunnesdagsafordnete unvermodens sturven

Berlin – De CDU-Bunnesdagsafordnete Strenz is unvermodens in’n Fleger vun Kuba na Dütschland sturven. Obschoons se een Nootfall-Landung in Irland maakt hebbt, kunnen se de 53-jöhrige nich mehr redden. Dat vermellt de CDU-Lannesgrupp Mecklenburg-Vorpommern. Strenz weer wegen Kungeln mit Aserbaidschan bekrittelt worrn un de Staatsanwaltschupp harr gegen ehr ermiddelt. Nu ward ünnersöökt, woran Strenz sturven is.

Vereente Natschonen foddert, dat Water mehr to achten

Berlin – Water ward op de hele Welt to faken in private Hannen geven, dreckig maakt un dat ward toveel darmit rümaast. To dat Ergevnis kummt de Weltwaterbericht, den de UNESCO an’n Morrn vörstellt hett. Op de hele Welt köönt 2,2 Milliarden Minschen nich alltiets reinet Drinkwater kregen. För mehr as de Hälft vun de Minschen staht keene Duschen un Klos mit Water praat.

Dat Weer

Un nu een Blick op dat Weer: an den Bremer Flegerhaben un in Deefholt 5, an de Fischereehabenslüüs in Bremerhaben un op Spiekeroog sünd dat opstunns 6 Graad. Vundaag is dat dick wulkig mit een beten Regen or Sprütteregen. Blots af un an kummt ok mal de Sünn rut, vör allens to de Küst hen – bi 6 bit 8 Graad. Tokamen Nacht hollt sik de griesen Wulken, dat pieselt blots af un an mal. Dat Thermometer sackt op 5 bit 3 Graad. Morrn lockert de Wulken blots kort mal op un de Sünn kann hier un dar mal rutkieken. Man meist is dat gries bi 8 bit 11 Graad. Middeweken mal fründlicher, mal dick wulkig, middenmang ok mal Sünnschien un dröög – bi 10 bit 13 Graad. Dat weern de Nahrichten op platt. Gabriele Intemann hett se tohoopstellt. Op Platt trechtmaakt un vörleest hett se Heidi Jürgens.