Jetzt läuft:

Isaac Hayes Theme From "Shaft"
  • Als nächstes läuft:

  • Um 19:46 Uhr läuft: Peter Maffay Ein Wort Bricht Das Schweigen
  • Jetzt läuft:

    Isaac Hayes Theme From "Shaft"
  • Davor lief:

  • Um> 19:38 Uhr lief: The Herd From The Underworld
  • Um> 19:34 Uhr lief: Marquess No Me Llevas
  • Um> 19:31 Uhr lief: Kim Wilde Kids In America
  • Um> 19:27 Uhr lief: Pilot Magic
  • Um> 19:25 Uhr lief: Clarence "Frogman" Henry I Don't Know Why I Love You (But I Do)
  • Um> 19:21 Uhr lief: Bette Midler The Rose
  • Um> 19:15 Uhr lief: Stevie Wonder Happy Birthday
  • Um> 19:12 Uhr lief: Ina Müller Ich Halt Die Luft An
  • Um> 19:09 Uhr lief: Nathan Evans Wellerman

Grüße und Musik mit Dirk Böhling

Plattdeutsche Nachrichten Plattdüütsche Narichten vun'n 23. Februar 2021

Plattdüütsche Narichten vun'n 23. Februar 2021

Audio vom 23. Februar 2021
Plattdeutsche Nachrichten
Bild: Radio Bremen

Reaktschoon is goot op vortrocken Sprütt gegen Corona +++ Eerstmal kien gaue Tests för all Lüüd +++ Mehr as ene halve Millioon Corona-Dode in de USA +++ Wahnungspolitik vun de Grooten Koalitschoon warrt bekriddelt +++ För Airbus in Bremen warrt mehr Stütt verlangt +++ Dat Weer

Informationen zum Audio

Reakschoon is goot op vörtrocken Sprütt gegen Corona

Berlin – De düütsche Schoolmesterverband freut sik doröver, dat sik de Schoolmester an Grundschoolen un de Arbeiders in Kinnergoorns de Sprütt fröher gegen dat Corona-Virus geven laten dröfft. Verbands-Baas Meidinger see to de Bild-Zeitung, dat harrn se al fröher fastleggen schüllt. För dat Schooljohr, wat al löppt, weer dat to laat. Bavento verlangt de Gewarkschop „Erziehung un Wetenschop“, dat dat Impfen gauer in Fohrt kummt. Bunn un Länner harrn dat güstern beslaten: Mitarbeiders in Kinnergoorns un Schoolmester an Grund- un Förderschoolen bi de Impfungen vörtotrecken. De nee Impforder schall al af Midde tokamen Week gellen.

Eerstmal kien gaue Tests för all Lüüd

Berlin – De gauen Test de för all Lüüd nix köst, kamen, as dat schient, woll later as dat plaant weer. Na Informatschoon vun´t ARD-Hauptstadtstudio sünd de Plaans in´t Corona-Kabinett, eerstmal stoppt worrn. Dat heet, dor sünd al to veel Fraagen apen. De een or annere Bunnsland bekriddelt, dat nu noch nich nip un nau faststeiht, wer dat in´ne Hand nimmt un wenehr de Länner noog Test-Sets kriegt. Bunnsgesundheitsminister Spahn wullt eegens, dat sik an tokamen Maandag all Lüüd ahn Geld testen laaten köönt.

Mehr as ene halve Millioon Corona-Dode in de USA

Washington – In de USA is de Tahl vun Corona-Doden op över ene halve Millioon na baven kladdert. Dat steiht in de Daten vun de Johns-Hopkins-Universität. De USA sünd dormit dat Land mit de meisten bestimmten Corona-Infektschoon un Dodesfallen op de ganzen Welt. US-Präsident Biden snackt vun en düstern Winter. In een eenzig Johr sünd wegen de weltwiede Corona-Süük mehr Lüüd doot bleven, as in den eersten Weltkrieg, den tweeten Weltkrieg un den Vietnamkrieg tohoop nahmen.

Wahnungspolitik vun de Grooten Koalitschoon warrt bekriddelt

Berlin – De Bunnsregerung kiekt an Vörmiddag wat dorbi rutsuert is, vunwegen jümehr Wahnungspolitik. Bi de Online-Konferenz mit Kanzlersch Merkel geiht dat um de Wahnruumoffensive, as se dat nöömt. De hett de Union un de SPD vör dree Johren beslaten, üm gegen de Wahnungsnot in Grootstädte gegenan to gahn. De Düütsche Bund vun Hüerslüüd bekriddelt dat nu al. He see to de Grooten Koalitschoon, dat de soziale Wahnungsboe heel un deel scheeflopen is. Ok de Gröönen bekriddeln, dat de Wahnungsnot in de Städte man noch leeger worrn is.

För Airbus in Bremen warrt mehr Stütt verlangt

Bremen – De Senaat schall sik bi´n Bunn un de EU starker dorför insetten, wo dat wiedergahn schall mit Airbus in Bremen. Dat verlangen all Fraktschoon in´ne Bremschen Börgerschop. De root-gröön-rode Koalitschoon hett tohoop mit de CDU un FDP en dringlichen Andrag för de tokaamen Börgerschopssitten afgeven. Dormit will dat Parlament en klooret Woort för dat Flünkenbedeen in Bremen afgeven, heet dat dor binnen. Vunwegen dat Corona-Slamassel will Airbus in ganz Düütschland dusende Steeden wegstrieken. Ok in Bremen schullen mehrere hunnert Arbeitssteeden wegfallen.

Dat Weer

Un nu kiekt wi op dat Weer: In Bremen un op Langeoog sünd dat opstunns teihn Graad, in Bremerhaven ölben Graad un in Ossenbrügge sünd dat veerteihn Graad. Vundaag trecken jümmer mal dicke Wulken vörbi, de smiet man blots verenkelt Natts vun baven. Wi seht aver ok jümmer mal wedder de Sünn, an´ne Küst later ok wulkig. De Wind weiht in Maaten, af un an ok böig frisch vun de süüd bet süüdwesten Kant. Dat Thermometer kladdert dorbi op veerteihn bet achteihn Graad. In de Nacht blots wenig Wulken un dat blifft meist dröög. Na´n Morgen hen warrt dat hier un dor en beten daakig. Dat Thermometer sackt op teihn bet acht Graad. Morgen fangt de Dag mit Morgendaak an, af un an trecken dünne Wulkenfeller vörbi, laterhen wiest sik de Sünn aver jümmer mehr. Dat blifft dröög bi sessteihn bet twintig Graad.

Dat weren de Plattdüütschen Narichten. Tohoopstellt vun Anja Guse. Op Platt trechtmaakt un vörleest vun Martina Brünjes.