Jetzt läuft:

Mike Oldfield & Maggie Reilly To France
  • Als nächstes läuft:

  • Um 16:56 Uhr läuft: Owl City Fireflies
  • Jetzt läuft:

    Mike Oldfield & Maggie Reilly To France
  • Davor lief:

  • Um> 16:47 Uhr lief: George Ezra Blame It On Me
  • Um> 16:43 Uhr lief: The Monkees I'm A Believer
  • Um> 16:37 Uhr lief: The Hooters Johnny B
  • Um> 16:33 Uhr lief: Hot Chocolate You Sexy Thing
  • Um> 16:26 Uhr lief: Icehouse Hey Little Girl
  • Um> 16:23 Uhr lief: Alicia Keys Underdog
  • Um> 16:15 Uhr lief: Meat Loaf Heaven Can Wait
  • Um> 16:11 Uhr lief: Depeche Mode Enjoy The Silence
  • Um> 15:56 Uhr lief: The Rolling Stones Start Me Up

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 15. Februar 2021

Plattdüütsche Narichten vun'n 15. Februar 2021

Audio vom 15. Februar 2021
Plattdeutsche Nachrichten
Bild: Radio Bremen

Kontrolleren an de Grenz stött op Gegenwind +++ Hen un Her bi de Fraag üm Ooster-Urlaub +++ Tall vun Nee-Infekschoonen sackt wieter daal +++ Corona-Test mit Görgeln +++ Keene Fähren to dree Oostfreesche Eilannen +++ Dat Weer

Informationen zum Audio

Kontrolleren an de Grenz stött op Gegenwind

Wien: Öösterriek protestert gegen de düütschen Regeln to´n Inreisen. Butenminister Schallenberg seggt, dat dat mehr Schaden makt as dat dat wat bringt. He hett den düütschen Botschafter to sik bestellt. De EU-Kommisarin för Gesundheit hett de Regeln ok bekrittelt. Dat Virus maakt keenen Halt för Grenzen de dicht sünd, meent se. Man Bunnsgesundheitsminister Spahn seggt, dat de scharperen Regeln richtig sünd. In de Pandemie gifft dat Momente, wo man för de Sekerheit und Gesundheit vun all solk een Verscheel afgeven mutt, seggt he. Siet gistern sünd in Bayern de Kontrullen to Tschechien, de Slowakai un Tirol scharper.

Hen un Her bi de Fraag üm Ooster-Urlaub

Berlin: Dat wat Sachsens Ministerpräsisent över möögliche Ooster-Urlaube seggt hett, hett een Debatt in Gang sett. Kretschmer harr seggt, dat ok in dütt Johr de Ooster-Urlaub vunwegen Corona utfallen mutt. Gegenwind kummt ok vun Sachsen-Anhalts Ministerpräsidenten Haseloff. He is dorför, dat wenn de Infektionslaag dat tolett, man denn Urlaub in Ferienwahnungen maken dörv. Börgermeister vun Berlin Müller meent, dat man dat nu noch nich seggen kann, dat is noch to fröh.

Tall vun Nee-Infekschoonen sackt wieter daal

Berlin: Dat Robert-Koch–Institut vermellt mehr as 4.400 Corona-Nee-Infekschoonen. Dat sünd an de 100 minner as vör eene Weeken, un 116 wietere Minschen sünd sturven. De Inzidenzweert liggt bunnswiet bi 59. In´t Land Bremen sünd dat 64 Minschen de sik nee mit Corona ansteken hebbt, 6 dorvun in Bremerhaben. Neddersassen vermellt an de 560 Nee-Infekschoonen.

Corona-Test mit Görgeln

Bremen: Hütt Middag geiht dat los mit de erste Corona-Test-Görgelteststation in de Överseestadt. Jeden Dag sünd dor bit to 300 Corona-Tests mööglich. Se schüllt genauso seker sien as de normaalen PCR-Tests. Ut dat Auto rut mutt man dorför mit eene Kocksolt-Lösung görgeln. De Test kost an de 35,- Euro. Na 24 Stünnen weet man ut dat Labor, wat dorbi rutsuert is.

Keene Fähren to dree Oostfreesche Eilannen

Nörden: Vunwegen de slechten Ümstänn vun´t Weer is nu all to dree oostfreesche Eilannen vun´t Fastland ut nich hentokamen. De Fähren na Wangerooge un Spiekeroog fallt all siet Daagen ut. Vun hütt an geiht ok na Juist nix mehr. De Schippsverkehr is vunwegen dat Weer nu komplett instellt. Dor is toveel Iis in´t Water un de Südwind is to stark, seggt de Rederee Norden-Frisia.

Dat Weer

Un nu een Blick op dat Weer: in Achim, an den Bremer Flegerhaben, an de Fischreehabenslüüs in Bremerhaben un op Langeoog sünd dat opstunns 0 Graad. Hüüt  Vomdag is dat erst noch dröge, man denn treckt dichte Wulkenfeller op, de Snee un Sneeregen mitbringt. Later geiht dat denn in Regen över, denn kann dat Glatties geven, bi 2 bit 3 Graad. Tokamen Nacht wedder dichte Wulken. Af un an is Sprütterregen mööglich. Nevel kan hier un dor opkamen, bi 3 bit 1 Graad. Morrn hebbt wi wedder vele Wulken an´t Heven, dat blifft gries. Af un an mööt wi mit Regen or Sprütterregen reken. Dat Thermometer krabbelt op 5 bit 7 Graad. Ok Middeweeken pieselt dat wedder hier un dor, man af un an lockert dat ok mal op, bi milden 6 bit 9 Graad. Dat weern de Nahrichten op platt. Katrin Martens hett se tohoopstellt. Op Platt trechtmaakt un vörleest hett se Antje Kruppa.