Beat-Club

Jetzt läuft:

Madness If I Go Mad
  • Als nächstes läuft:

  • Um 18:39 Uhr läuft: Peter Gabriel Road To Joy
  • Jetzt läuft:

    Madness If I Go Mad
  • Davor lief:

  • Um 18:32 Uhr lief: Stills & Nash Crosby Marrakesh Express
  • Um 18:27 Uhr lief: The Easybeats It's So Easy
  • Um 18:23 Uhr lief: Paul Carrack & Die SWR Bigband Thinking About You (This Christmas)
  • Um 18:18 Uhr lief: Paul Carrack & SWR-Bigband Don't Let The Sun Catch You Crying
  • Um 18:12 Uhr lief: Ozzy Osbourne Perry Mason
  • Um 18:07 Uhr lief: Black Sabbath Paranoid
  • Um 18:05 Uhr lief: Paul Revere & The Raiders Just Like Me
  • Um 17:56 Uhr lief: Hot Chocolate So You Win Again
  • Um 17:52 Uhr lief: Uncle Kracker Follow Me

Beat-Club mit Lutz Hanker

Plattdeutsche Nachrichten Plattdüütsche Narichten vun'n 20. November 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 20. November 2023

  • Ward wat vermellt över möögelk Freelaten vun Geiseln
  • Milei is nee’er Präsident vun Argentinien
  • Ehemalig Torwart Wiese wehrt sik gegen Stadionverbott
  • Verdi roopt ok in Bremen to Streiks to’n Wahrschaun an Hoochscholen op
  • Autofohrer flücht na Unfall, wo een to Dod kamen is
  • Dat Weer
Bild: Radio Bremen

Informationen zum Audio

Ward wat vermellt över möögelk Freelaten vun Geiseln

Tel Aviv – In’n Krieg twüschen Israel un de Hamas in’n Gazastriepen gifft dat woll Anteken för een Freelaten vun wieteren Geiseln. Medien vermellt, dat in de Nacht korthannig Littmaten vun’t israelsche Kabinett tohoopkamen sünd. An’n Abend will sik buterdem ok dat so nöömte Kriegskabinett mit de Familjen vun de Geiseln drepen. Dat heet ok, dat de Kämpfe in’n Gazastriepen een Paus maakt – Israel seggt aver, dat stimmt nich.

Milei is nee’er Präsident vun Argentinien

Buenos Aires – In Argentinien hett de Rechts-Populist Milei de Prickwahl üm dat Präsidentenamt wunnen. Nu, wo bold all Stimmen uttellt sünd, kummt he op üm un bi 56 Perzent. Sien Wedderpart Massa, de bitnu Wertschuppsminister wesen is, hett all togeven, dat he verloorn hett. Wahlsieger Milei hett ankünnigt, de Zentralbank dichttomaken, de Wertschupp op den Dollar ümtostellen un den Staatsapparat lüttjer to maken. He nöömt sik sülfst een „Anarchokapitalisten“.

Ehemalig Torwart Wiese wehrt sik gegen Stadionverbott

Bremen – Vör dat Landgericht geiht dat siet den Vörmiddag üm een Rechtsstriet twüschen Werder Bremen un den ehemalig Natschonaltorwart Tim Wiese. Wiese wehrt sik gegen een Verbott in’t Stadion to gahn, dat Werder utsproken hett. De Vereen harr dat Verbott gegen em na een Speel tohuus in’n Märzmaand verhängt. Darbi schall de ehemalig Torwart een Mitarbeiderin vun’n Bedreev rassistisch beleidigt hebben. Wiese seggt, dat stimmt nich. Of dat hüüt all to een Urdeel kummt, is noch nich klaar.

Verdi roopt ok in Bremen to Streiks to’n Wahrschaun an Hoochscholen op

Bremen – In’n Öffentlich Deenst gaht de Streiks in de nöchste Runn. De Gewarkschupp Verdi hett bunneswiet Anstellte, studentisch Hölpslüüd un Uttobillende vun de Hoochscholen to een Streik to’n Wahrschaun opropen, de den helen Dag duern schall. In Bremen sünd darüm Universität, Hoochschool, Hoochschool för Künste, dat Studierendenwark as ok de Staats- un Universitätsbibliothek bedrapen. Verdi foddert 10,5 Perzent mehr Geld, tominnst aver 500 Euro.

Autofohrer flücht na Unfall, wo een to Dod kamen is

Demorst – In’n Demorster Stadtdeel Düsternort is an’n Abend een 58-jöhriger Spazeergänger anfohrn worrn un to Dode kamen. De Autofohrer is flücht. As de Polizei vermellt, weer de Footgänger in een Wahnviddel, wo een nich gau föhrn kann, op’n Gehweg ünnerwegens. Dar is he denn dootfohrn worrn. Woso dat passeert is, weet se noch nich. De Polizei söökt jümmer noch den Unfallfohrer.

Dat Weer

Un nu een Blick op dat Weer: op Wangerooge 9, in Bremerhaben 10 un in Bremen un Deefholt sünd dat opstunns 11 Graad. Vundaag is dat överall dick wulkig bit gries un de Sünn kiekt meist nich rut. Darto regent dat faken länger un dull, an’n Namiddag treckt dat wieter na Nordosten bi 10 bit 12 Graad. Tokamen Nacht kummt dat wieter natt vun baben, man nich mehr so veel un dull. Darbi treckt sik de Regen wedder vun de Nordsee trüch un kummt na Süden röver. Dat Thermometer sackt op 7 bit 5 Graad. Morrn na fröhen Nevel af un an ok mal Sünnschien blangen Wulken. Later vun Nordwesten vele Wulken un hier un dar een beten Regen – bi 4 bit 7 Graad, op de Eilanden bit 8 Graad. An de See frischt de Wind op, op dullen Wind ut Südwest. Dat weern de Narichten op Platt. Anja Guse hett se tohoopstellt. Op platt trechtmaakt un vörleest hett se Heidi Jürgens.