Jetzt läuft:

Hot Chocolate You Sexy Thing
  • Als nächstes läuft:

  • Um 16:37 Uhr läuft: The Hooters Johnny B
  • Jetzt läuft:

    Hot Chocolate You Sexy Thing
  • Davor lief:

  • Um> 16:26 Uhr lief: Icehouse Hey Little Girl
  • Um> 16:23 Uhr lief: Alicia Keys Underdog
  • Um> 16:15 Uhr lief: Meat Loaf Heaven Can Wait
  • Um> 16:11 Uhr lief: Depeche Mode Enjoy The Silence
  • Um> 15:56 Uhr lief: The Rolling Stones Start Me Up
  • Um> 15:51 Uhr lief: Cutting Crew I'Ve Been In Love Before
  • Um> 15:47 Uhr lief: Lionel Richie Hello
  • Um> 15:43 Uhr lief: Abba Angel Eyes
  • Um> 15:38 Uhr lief: BILLY IDOL Eyes Without A Face

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 12. Februar 2021

Plattdüütsche Narichten vun'n 12. Februar 2021

Audio vom 12. Februar 2021
Plattdeutsche Nachrichten
Bild: Radio Bremen

Bund will blots gröttere Flegerhaven helpen +++ Tall vun de Neeinfekschoonen gaht wieder trüüch +++ Bremen makt bald drüddet Impfzentrum op +++ Chick Corea is doot +++ Noch en Titel för Bayern München +++ Dat Weer

Informationen zum Audio

Bund will blots gröttere Flegerhaven helpen

Bremen. Bund un Länner wullen düütsche Flegerhaven mit Geld döör dat Corona-Slamassel helpen. De Bund will de Hülp man blots op de grötteren Flegerhaven tohoop faten. De Flegerhaven Bremen tellt ok dorto. Dat vermellt de Düütsche Presseagentur. Bi dat Geld vun den Bund is daarna noch en Aver dorbi. De Länner schallen nochmal so veel an Toschuss baven d´rup leggen.

Tall vun de Neeinfekschoonen gaht wieder trüüch

Berlin. De düütschen Gesundheitsbehöörden hebbt dat Robert-Koch-Institut 9.860 Corona-Neeinfekschoonen mellt. Dat sind goot 3.000 weniger as vör een Week. Bavento sünd 556 wiedere Minschen na en Infektschoon doot bleven. De bunnswiede Söven-Daag-Inzidenz is wieder trüüch gahn. He liggt nu sowat bi 62. De Bremer Gesundheitsbehöörd hett güstern 82 neje Fallen vermellt; 20 daarvan in Bremerhaben. De Inzidenzwert liggt in Bremen bi goot 58. In Bremerhaben bi 118.

All Tallen ut de Gegend gift dat op butenunbinnen.de.

Bremen makt bald drüddet Impfzentrum op

Bremen. Bremen Nord kriegt en egen Impfsteed. In dat fröher Hotel „Strandlust“ in Fegebüddel warrt dat an´n tokamen Middeweken open makt. Dor schallen per Dag eerstmal um un bi 150 Minschen de Sprütt kriegen. In all dree Impfsteden in dat Land Bremen gellt: Termine könen blots Minschen boken, de vördeem en Impf-Inladen vun de Behöörden kriegen hebbt.

Chick Corea is doot

Washington. Chick Corea is doot. För de Jazzmusik weer he vun ganz besunner Belang. As op sien Internetsied to lesen weer, is he in dat Öller vun 79 Johren an Kreevt doot bleven. De US-Muskant gellt as de Mann, de den Jazzrock opsett hett. He wunn mehr as 20 Grammys un spöölde unner annern tosamen mit Miles Davis un Herbie Hancock.

Noch en Titel för Bayern München

Katar. De FC Bayern hett to´n tweeten mal na 2013 de Football-Club-WM wunnen. De Münchner wunnen dat Endspeel in Katar gegen den mexikaansch Club Tigres mit een to null. De Bayern mussen kort vörher vun Thomas Müller afsehn. He weer positiv op Corona test wurren.

Dat Weer

Un nu een Blick op dat Weer: in Staad -8, an den Bremer Flegerhaben -7, an de Fischreehabenslüüs in Bremerhaben -5 un in Demhorst sünd dat opstunns -7 Graad. Hüüt kann sick de Sünn goot döörsetten. Af un an sünd en poor Wulken an´n Heven. De Wind weiht en beten, mennigmal gift dat ok in Maten Nordoost- bit Oostwind. Dat blift dröög un dat Thermometer wiest en Temperatur vun minus twee bit minus veer Graad. Tokamen Nacht rutschen de Temperaturen wedder gau in´n Keller. De Heven is kloor bi minus veer bit minus 14 Graad. Hier un dor kann dat noch köler weern un ok Nevel opkamen.
Morrn schient den ganzen Dag de Sünn. Mit Sünnschien kriegt wi Temperaturen vun minus dree bit null Graad.
Ok Sünndag ist dat fründlich un kloor bi minus een bit plus twee Graad.

Dat weern de Nahrichten op platt. Michael Nendza hett se tohoopstellt. Op Platt trechtmaakt un vörleest hett se Markus Weise.