Jetzt läuft:

Depeche Mode Enjoy The Silence
  • Als nächstes läuft:

  • Um 16:15 Uhr läuft: Meat Loaf Heaven Can Wait
  • Jetzt läuft:

    Depeche Mode Enjoy The Silence
  • Davor lief:

  • Um> 15:56 Uhr lief: The Rolling Stones Start Me Up
  • Um> 15:51 Uhr lief: Cutting Crew I'Ve Been In Love Before
  • Um> 15:47 Uhr lief: Lionel Richie Hello
  • Um> 15:43 Uhr lief: Abba Angel Eyes
  • Um> 15:38 Uhr lief: BILLY IDOL Eyes Without A Face
  • Um> 15:34 Uhr lief: Ina Müller Ich Halt Die Luft An
  • Um> 15:32 Uhr lief: Jackie Wilson Higher And Higher
  • Um> 15:26 Uhr lief: Robbie Williams Rock Dj
  • Um> 15:23 Uhr lief: Styx Boat On The River

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 11. Februar 2021

Plattdüütsche Narichten vun'n 11. Februar 2021

Audio vom 11. Februar 2021
Plattdeutsche Nachrichten
Bild: Radio Bremen

Allens op null bit to’n 7. Märzmaand +++ Hoorsnieder hebbt vun März an wedder op +++ Corona-Inzidenz op Norderney bi 320 +++ Residenz-Grupp will woll Bedreevsraat oplösen +++ Biden un Xi Jinping snackt to’n ersten Mal an’t Telefon +++ Dat Weer

Informationen zum Audio

Allens op null bit to’n 7. Märzmaand

Berlin – De Corona-Oplagen schüllt noch bit to’n 7. Märzmaand gellen. Dat hebbt Bund un Länner güstern Abend besluten. Erst wenn de Inzidenzwert op ünner 35 daalsunken is, dröfft darnah de Ladens, Museen un Galerien wedder opmaken, as ok Bedreve, wo sik de Minschen neeg kummt. Een Utnahm schall dat för de Hoorsnieder geven. Opstunns liggt de Inzidenzwert bunneswiet bi 68.

Hoorsnieder hebbt vun März an wedder op

Bremen – Ok hier dröfft vun’n 1. Märzmaand an de Hoorsnieder wedder ehr Ladens open maken. Börgermeister Bovenschulte sä an’n Abend: jo, dat stimmt. Alle anneren Ladens in’n Eenzelhannel mööt man noch töven. Bovenschulte will, dat Bremen un Neddersassen sik bi dat Openmaken vun de Ladens orrig afsnackt, darmit de Bremer nich na Neddersassen to’n Inköpen fohrt un annersrüm. Klar is aver noch nich, wann dat in Bremen wedder mehr Ünnericht in de Schools gifft un ok bi de Kinnergaarns allens löppt as jümmers.

Corona-Inzidenz op Norderney bi 320

Norderney – Op dat Eiland liggt de Corona-Inzidenz bi 320. Bi een Infizerten hebbt Wetenschuppler de britische Mutatschon B117 faststellt, de sik orrig gau un licht verbreedt. Darüm dröfft sik de Insel-Bewahner bit to’n 19. Februar blots noch mit Minschen ut ehrn egen Huusholt drepen. Scholen un Kinnergaarns blifft dicht. Dat Krankenhuus Norderney is besünners bedrapen. In de Klinik hebbt sik nich blots Patschenten, sünnern ok Plegers ansteekt.

Residenz-Grupp will woll Bedreevsraat oplösen

Weyh – De Residenz-Grupp, de dat bunneswiet gifft, hett woll versöökt, den Bedreevsraat optolösen – dat hett de Gewarkschupp ver.di to weten kregen. Se wüllt een paar Littmaten ut’n Bedreevsraat künnigen. De Böversten hebbt darto in een Breef an de Arbeiters schreven, de veer Littmaten vun’n Bedreevsraat harrn in een Verfohren för Gericht nich de Wohrheit seggt. De Richter hebbt gegen den Arbeitgever urdeelt.

Biden un Xi Jinping snackt to’n ersten Mal an’t Telefon

Washington/Peking – To’n ersten Mal hett US-Präsident Joe Biden mit Chinas Böversten vun Staat un Regeern, Xi Jinping an’t Telefon snackt. Darbi güng dat üm deepe Sorgen vun de USA daröver, woans China weltwiet Hannel föhrt, dat Knechten in Hongkong un dat Verletzen vun Minschenrechten in Xinjiang. Buterdem güng dat üm Corona un den Klimawannel.

Dat Weer

Un nu een Blick op dat Weer: op Spiekeroog 0, an de Fischereehabenslüüs in Bremerhaben minus 3, an den Bremer Flegerhaben un in Deefholt sünd dat opstunns minus 6 Graad. Vundaag treckt jümmer wedder mal dicke Wulken dör, man dar schient ok för een länger Tied de Sünn. An’n Namiddag un Abend köönt an de See ok Sneeschuers daalkamen, in Bremen un wieter in’n Süden blifft dat woll dröög, bi minus 3 bit minus 1 Graad. Tokamen Nacht sneet dat blots af un an, faken is dat dröög or licht wulkig, later funkelt ok de Sterns. Dar kann ok Nevel optrecken. Dat Thermometer sackt op minus 6 bit minus 14 Graad, verenkelt kann dat ok noch köhler weern. Morrn schient faken de Sünn, ok Wulken sünd darbi, man dat blifft dröög bi minus 5 bit minus 2 Graad. Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Heidi Jürgens.