Jetzt läuft:

The Weeknd Save Your Tears
  • Als nächstes läuft:

  • Um 17:47 Uhr läuft: Joe Cocker Unchain My Heart
  • Jetzt läuft:

    The Weeknd Save Your Tears
  • Davor lief:

  • Um> 17:35 Uhr lief: Dire Straits Sultans Of Swing
  • Um> 17:32 Uhr lief: Kim Wilde Cambodia
  • Um> 17:25 Uhr lief: Scorpions Wind Of Change
  • Um> 17:21 Uhr lief: Madonna Hung Up
  • Um> 17:18 Uhr lief: The Hollies Bus Stop
  • Um> 17:14 Uhr lief: Nena Leuchtturm
  • Um> 17:11 Uhr lief: Johnny Wakelin In Zaire
  • Um> 16:56 Uhr lief: Owl City Fireflies
  • Um> 16:51 Uhr lief: Mike Oldfield & Maggie Reilly To France

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 9. Februar 2021

Plattdüütsche Narichten vun'n 9. Februar 2021

Audio vom 9. Februar 2021
Plattdeutsche Nachrichten
Bild: Radio Bremen

Baas vun mehrere Länner sünd dorför dat allens op Null blifft +++ Snee sogt för Dörnanner op de Straaten +++ Twetet Verfohren gegen Trump um em ut dat Amt rut to kriegen startet +++ Senaat will höögeren Lannsminnstlohn besluten +++ Bremerhaven sett Bunnswehr för Corona-Tests in +++ Dat Weer

Informationen zum Audio

Baas vun mehrere Länner sünd dorför dat allens op Null blifft

Berlin – Een Dag ehrder dat Bund-Länner-Drepen losgeiht, seggt Neddersassens Regerungsbaas Weil dat he dorvör is, dat allens op Null blifft. Vunwegen de hoogen Infektschoonstahlen un dat verännerte Virus is dat partu nödig, see he to de Weertschopsweek. Ok Hamburgs eersten Börgermeister Tschentscher un de saarländsche Ministerpräsident Hans sünd dorför, dat de Oplagen so stahn blieven as se nu sünd. Morgen will Kanzlersch Merkel mit den Ministerpräsidenten wedder doröver snacken, wo se wiederhen gegen de Pandemie angahn köönt.

Snee sogt för Dörnanner op de Straaten

Bielefeld – Snee un Ies hebbt in de Nacht wedder för Dörnanner op vele Autobahnen in Düütschland sorgt. Op de A2 in Nordreihn-Westfalen is en langen Stau vun binah söbentig Kilometers tostann kamen. Hunnerte Auto- un Lastwagenfohrer mussen de Nacht op de Autobahn tobringen. In Gang brocht wurr de Stau dör mehrere Lastwagen de sik bi Bielefeld op glatte Straat dwars stellt harrn. Stahnblieven Wagen un Lastwagen mellen de Hölpslüüd ok op de A7 bi Göttingen. In Bremen, Bremerhaven un Ollenborg geev dat kien gröttere Probleme, meent de Polizei. 

Twetet Verfohren gegen Trump um em ut dat Amt rut to kriegen startet

Washington – In den US-Senaat fangt vundaag dat tweete Verfohren gegen den fröheren Präsidenten Trump an. Dorbi geiht dat üm de Fraag, of en „Impeachment“ gegen den Ex-Präsidenten överhaupt rechtens is. Trumps Avkaaten betwiefeln dat. De Demokraten meenen dorgegen, dat dat Verfohren in Gang sett wurr, as Trump noch in´t Amt weer. Se geevt den Ex-Präsidenten de Schuld doran, dat sien Anhänger in Januarmaand in dat Kapitol rinplatzt sünd.

Senaat will höögeren Lannsminnstlohn besluten

Bremen – De Senaat will an Vörmiddag den Lannsminnstlohn licht na baven setten. Vun April af an schall in Bremen un Bremerhaven en Minnstlohn vun 12 Euro gellen. Aktuell sünd dat 11,13 Euro. De Lannsminnstlohn gellt för Arbeiders vun´n Staatsdeenst un de Bedrieve vun de Stadt. Ok privaate Ünnernehmen, de öffentliche Opdrääg kriegt, mööt den Lannsminnstlohn betahlen. De Minnstlohn de in ganz Düütschland gellt, liggt düütlich dorünner bi 9,50 Euro.

Bremerhaven sett Bunnswehr för Corona-Tests in

Bremerhaven – In de Olen- un Pleeghüüs in Bremerhaven hölpt af vundaag af an de Bunnswehr bi gaue Corona-Tests. Dat Düütsche Rode Krüüz hebbt se vördem utbillt. All tohoop sünd in Bremerhaven nu um un bi 36 Suldaten in Insatz. In Bremen sünd dat tohooprekent 40. Se arbeiden in de Hauptsaak bi de Impfsteed un in dat Gesundheitsamt.

Dat Weer

Un nu kiekt wi op dat Weer: In Ossenbrügge hebbt wi opstunns acht Graad ünner Null, in Bremen sünd dat minus sess Graad un in Bremerhaven un Emden sünd dat twee Graad ünner Null. Vundaag is dat wulkig, af un an kickt ok mal de Sünn rut. Twuschen Bremen un de Küst kann dat ok mal Snee geven, hier un dor sneet dat ok kräftig. Süden vun Bremen blifft dat meist dröög. De Wind weiht flau bet in Maaten, an de See frisch. Op de Eilannen eerst ok starken Wind vun de oosten bet nordoosten Kant, hier sünd ok störmsche Böen mööglich. Dat Thermometer wiest us dorbi -5 bet -2 Graad. In de Nacht mal mehr, mal weniger Wulken, na de See hen vun Tiet to Tiet Sneeschuer. Vun Flach to Flach kann sik Nevel billen un dat Thermometer wiest us denn köhlige -4 bet -10 Graad. Morgen wesseln sik Wulken, Sünn un Sneeschuer af, de aver nich överall rünnerkamen. Un dat denn bi -5 bet -2 Graad.

Dat weren de Plattdüütschen Narichten. Tohoopstellt vun Anja Guse. Op Platt trechtmaakt un vörleest vun Martina Brünjes.