Jetzt läuft:

Kim Wilde Cambodia
  • Als nächstes läuft:

  • Um 17:35 Uhr läuft: Dire Straits Sultans Of Swing
  • Jetzt läuft:

    Kim Wilde Cambodia
  • Davor lief:

  • Um> 17:25 Uhr lief: Scorpions Wind Of Change
  • Um> 17:21 Uhr lief: Madonna Hung Up
  • Um> 17:18 Uhr lief: The Hollies Bus Stop
  • Um> 17:14 Uhr lief: Nena Leuchtturm
  • Um> 17:11 Uhr lief: Johnny Wakelin In Zaire
  • Um> 16:56 Uhr lief: Owl City Fireflies
  • Um> 16:51 Uhr lief: Mike Oldfield & Maggie Reilly To France
  • Um> 16:47 Uhr lief: George Ezra Blame It On Me
  • Um> 16:43 Uhr lief: The Monkees I'm A Believer

Der Nachmittag mit Jörn Albrecht

Plattdeutsche Nachrichten Plattdüütsche Narichten vun'n 8. Februar 2021

Plattdüütsche Narichten vun'n 8. Februar 2021

Audio vom 8. Februar 2021
Plattdeutsche Nachrichten
Bild: Radio Bremen

Töög fohrt erst sinnig wedder los +++ Spahn geiht nich darvun ut, dat lockert ward +++ Österriek lockert Corona-Regeln +++ Ethikrat is gegen dat free’e Wählen vun’t Impfmiddel +++ Minschen in Myanmar protesteert wieter gegen Militärputsch +++ Dat Weer

Informationen zum Audio

Töög fohrt erst sinnig wedder los

Bremen – An’n Hauptbahnhoff is wegen dat Weer bit Klock tein an’n Morrn bold keen Tog mehr fohrn. Beter leep dat op de Straten in Bremen un ümto.  Dat geev siet güstern üm un bi 100 Malleurs wegen de Glätte – een paar Lüüd sünd licht versehrt worrn, vermellt de Polizei. An’n Morrn sünd blots een paar darto kamen. In velen Landkreisen in Neddersassen fallt de Ünnerricht vör Oort ut. In Bremen ward op de Kinner aver för den Nootfall oppasst un se köönt to School gahn.

Spahn geiht nich darvun ut, dat lockert ward

Berlin – Bunnesgesundheitsminister Spahn geiht nich darvun ut, dat se dat Lockern vun de Corona-Regeln in Tokunft op lange Sicht planen köönt. Dat hett de ARD to weten kregen. Un för Bunneswertschuppsminister Altmaier is dat veel wichtiger de Tallen vun de Corona-Infektschonen daal to kregen, as över dat Lockern to snacken. Ok Bremens Börgermeister Bovenschulte un Neddersassens Ministerpräsident Weil gaht nich darvun ut, dat gau lockert ward. Middeweken snackt Bund un Länner wedder daröver, woans dat wietergahn schall.

Österriek lockert Corona-Regeln

Wien – Na söß Weken strengen Corona-Regeln maakt in Österriek vundaag de Ladens wedder op. Ok Kinner un junge Lüüd dröfft wedder to School gahn – to’n Deel in Schichten un mit Corona-Tests. Man de FFP-Twee-Mask is bold överall Plicht. För een Besöök bi’n Hoorsnieder or een Massaag is buterdem een Corona-Test nödig, de nich öller as 48 Stünnen sien draff.

Ethikrat is gegen dat free’e Wählen vun’t Impfmiddel

Berlin – De Vörsittersche vun’n Dütschen Ethikrat, Buyx, is dargegen, dat een sik dat Corona-Impfmiddel utsöken kann. Nu is nich de Tied för Extrawüst, sä se to de Rheinsche Post. Erst wenn dat noog Impfstoff gifft, schall elkeen de free’e Wahl hebben, sä Buyx wieter. In de EU gifft dat middewiel dree Impfmiddel, de aver ünnerscheedlich wirkt.

Minschen in Myanmar protesteert wieter gegen Militärputsch

Rangun – In Myanmar protesteert wieter bannig vele Minschen gegen den Militärputsch. In een paar Städten sünd wedder dusende Minschen op de Straat gahn. De Demonstranten foddert dat Trüchkamen to de Demokratie un dat Freelaten vun de Böverste vun de Regeern, Aung San Suu Kyi. De Armee harr se vör een Week fastnahmen. Bit vör etwa tein Johren harr in Myanmar een Militärjunta dat Seggen.

Dat Weer

Un nu een Blick op dat Weer: op Langeoog minus 1, an de Fischreehabenslüüs in Bremerhaben minus 2, an den Bremer Flegerhaben minus 5 un in Ossenbrügg sünd dat opstunns minus 7 Graad. Hüüt is dat meist dick wulkig, darbi kann dat rund üm Bremen un Ollenborg to’n Deel lichten Sneefall geven. Na Norden hen un vör allens an de Küst blifft dat meist dröög – dar kann ok mal de Sünn rutkieken, bi minus 7 bit minus 1 Graad. Dör den Nordostwind föhlt sik dat aver noch köhler an. Tokamen Nacht fallt to’n Deel Snee, later ok an de Küst. Dat Thermometer sackt op minus 4 bit minus 13 Graad. Morrn is de Heben wulkig, man mal lockert dat ok op un vör allens to de Küst hen köönt Sneeschuers daalkamen bi minus 6 bit minus 2 Graad. Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Heidi Jürgens.