Der Vormittag

Jetzt läuft:

The Last Goodnight Pictures Of You
  • Als nächstes läuft:

  • Um 11:47 Uhr läuft: Natalie Cole Pink Cadillac
  • Jetzt läuft:

    The Last Goodnight Pictures Of You
  • Davor lief:

  • Um> 11:35 Uhr lief: The Animals The House Of The Rising Sun
  • Um> 11:32 Uhr lief: Bon Jovi Livin' On A Prayer
  • Um> 11:27 Uhr lief: Bell Book & Candle Rescue Me
  • Um> 11:24 Uhr lief: David Dundas Jeans On
  • Um> 11:20 Uhr lief: Jermaine Jackson & Pia Zadora When The Rain Begins To Fall
  • Um> 11:17 Uhr lief: Jonas Brothers What A Man Gotta Do
  • Um> 11:09 Uhr lief: The Boomtown Rats I Don't Like Mondays
  • Um> 11:04 Uhr lief: Pet Shop Boys It's A Sin
  • Um> 10:57 Uhr lief: ZZ Top La Grange
  • Um> 10:53 Uhr lief: Mighty Oaks Brother

Der Vormittag mit Sabine Szimanski

Plattdeutsche Nachrichten Plattdüütsche Narichten vun'n 26. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 26. Januar 2023

Kanzler Scholz stellt sik achter de Leverns vun Panzers +++ Truerfahnen in Schleswig-Holsteen +++ Kinnerarmood in Bremen veel höger as in´t Schnitt vun all Bunnslänner +++ Werder Bremen vergeigt wedder in de Football-Bunnsliga +++ Keene Chance för den Titel för de Handballer +++ Dat Weer

Bild: Radio Bremen

Informationen zum Audio

Kanzler Scholz stellt sik achter de Leverns vun Panzers

Berlin: Na dat Entscheden vun de Bunnsregeerung, Panzers in de Ukraine to levern, hett Bunnskanzler Scholz betoont, dat Düütschland dorüm nu aver keen Kriegspartei is. In´t ZDF hett de SPD-Politiker gistern Avend seggt, dat se dat Levern vun Leopard Panzers vun Grund op mit all westliche Partners besloten hebbt.

Truerfahnen in Schleswig-Holsteen

Kiel: Hütt hangt Truerfahnen in ganz Schleswig-Holsteen. Achtergrund is de Attack mit een Messer vun een Kerl gistern Avend in een Regionalbahn twischen Hamborg un Kiel. Twee Fohrgäst sünd dorbi sturven un seven wietere sünd to Schaden kamen. Worüm de 33-jöhrige Angrieper dat maakt hett is noch nich kloor. He is bi de Polizei all bekannt un is kort vörher ut den Knast kamen.

Kinnerarmood in Bremen veel höger as in´t Schnitt vun all Bunnslänner

Bremen: De Armood vun Kinner un junge Lüü is een böös Probleem in Bremen. Dat steiht in een Studie vun de Bertelsmann-Stiftung in Gütersloh, de hütt rutkamen is. Mehr as 2 vun 5 Kinner hebbt 2021 in armlike Verhältnissen leevt. Dormit is Bremen, luut Bertelsmann, eensaame Nummer een, wiet över den Bunnsdörsnitt. In Neddersassen wasst dorna mehr as jedet fiefte Kind in Armood op, or in de Gefohr dorhen aftorutschen.

Werder Bremen vergeigt wedder in de Football-Bunnsliga

Bremen: Werder Bremen hett gistern to Huus gegen Union Berlin mit 1:2 een op de Mütz kregen. Dat Team vun Trainer Ole Werner liggt nu op den Platz Ölven vun de Tabell.

Keene Chance för den Titel för de Handballer

Danzig: De Düütschen Handballer hebbt dat gistern nich schafft ünner de letzten Veer bi de WM in Polen un Sweden to kamen. De DHB Utwahl hett 28:35 gegen Frankriek vergeigt. Nu geiht dat in de Rünn üm de Plätze fief bit acht wieter.

Dat Weer

Un nu een Blick op dat Weer: In Bremen -1 Graad, in Bremerhaben un in Defhold 1 Graad un in Cuxhaben sünd dat opstünns 1 Graad. Hütt Vomdag eerst noch Regen or Sneeregen, de twischen dat nördliche Emsland un de Elbmündung rünner kummt. De Regen treckt denn na Süden hen af un vun de Küst her lockert dat denn ok mal op. Hier un dor kummt ok mal de Sünn dör, bi 2 bit 7 Graad. Tokamen Nacht kummt vun de Elb un de Aller her Daak in de hoge Luft op. Dat pieselt denn hier un dor in´t südliche Binnenland, man dat freert nich. De Temperaturen liggt bi 3 bit 1 Graad. Morrn geiht dat eerst mit vele Wulken los. In´t Osten vun de Weser is dat gries un nevelig, man dor kummt nix vun baven rünner. Later kummt denn ok mal de Sünn dör, bi 2 bit 4 Graad. Sünnavend is dat eerst frostig. An de Küst noch een paar Wulken man de Sünn kriegt wi ok mal to sehn, bi 7 bit 9 Graad. Dat weren de Nahrichten op Platt. Tohoopstellt hett se Ralph Stölting. Trechtmaakt un vörleest hett se Antje Kruppa.