Jetzt läuft:

Pink Floyd Have A Cigar
  • Als nächstes läuft:

  • Um 18:39 Uhr läuft: The Main Squeeze Comfortably Numb
  • Jetzt läuft:

    Pink Floyd Have A Cigar
  • Davor lief:

  • Um> 18:32 Uhr lief: The Beach Boys Fun Fun Fun
  • Um> 18:27 Uhr lief: the Mamas and the Papas I Call Your Name
  • Um> 18:24 Uhr lief: Edwin Starr War
  • Um> 18:19 Uhr lief: Barrett Strong Money (That's What I Want)
  • Um> 18:15 Uhr lief: Uriah Heep Silver Sunlight
  • Um> 18:09 Uhr lief: Status Quo Gotta Get Up And Go
  • Um> 18:05 Uhr lief: Alice Cooper Hello Hooray
  • Um> 17:55 Uhr lief: Eiffel 65 Blue (Da Ba Dee)
  • Um> 17:46 Uhr lief: David Bowie Absolute Beginners

Beat-Club mit Lutz Hanker

Plattdeutsche Nachrichten Plattdüütsche Narichten vun'n 20. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 20. Januar 2023

NATO un Hölps-Länner vun de Ukraine drapen sick in Ramstein +++ Bunnswiede Warnstreiks bi de Post +++ De mehrsten Bunnslänner sünd gegen en Böller-Verbott an Silvester +++ Luern op noch en LNG-Terminal in Bruunsbüddel +++ Rudi Völler warrt neje Sport-Baas bi den Düütschen Football Bund +++ Dat Weer

Bild: Radio Bremen

Informationen zum Audio

NATO un Hölps-Länner vun de Ukraine drapen sick in Ramstein

Ramstein. Vertreder vun de NATO-Staaten un noch mehr Hölps-Länner vun de Ukraine sünd in Ramstein in Reinland-Pfalz tosamenkomen. De dor mitmakt ut all tohoop so üm föfftig Staaten snack dorbi över noch mehr militärisch Hölp för de Ukraine. En vun de Themen is de mööglich Levern vun Leopard-Kamppanzers. Bunnkanzler Scholz weer dor betto nich mit inverstahn un wohrschaude dorvör, dat Düütschland in düsse Fraag wat alleen makt. För düssen Standpunkt hett dat ut dat Binnen- ut Utland Gegenwind geven.

Bunnswiede Warnstreiks bi de Post

Bonn. Kunnen vun de Post mööt vundag dormit reken, dat Breven un Paketen to laat or gor nich utlevert weern. Siet güstern Namiddag lopen Warnstreiks, to de de Gewarkschop Verdi opropen harr. De bunnswieden Akschonen schüllt noch den ganzen Dag över lopen. Verdi verlangt för de Post-Mitarbeiders wegen de hoge Inflatschoon foffthein Perzent mehr Geld. De Düütsche Post AG lehnt dat Verlangen af. Dat hett nix mit de Würklichkeit to doon.

De mehrsten Bunnslänner sünd gegen en Böller-Verbott an Silvester

Berlin. De Mehrsten vun de Binneminister in de Bunnslänner sünd dorgegen, dat Füerwark an Silvester allgemeen to verbeden. Dat is bi en Ümfraag vun den Dagsspegel ruutkamen. Ünner annern lehnen Neddersassen, Bayern, Baden-Württembarg un Rheinland-Pfalz sükse Plaans af. Anner weet noch nich, wat se dorför or dorgegen sünd. För en Böller-Verbott sünd in Ogenblick blots Berlin un Bremen. De Grönen vun Bremen harrn tovör verlangt, dat Füerwark düütschlandwied nich mehr verköfft weern draff. Achtergrund vun de Diskuschoon sünd vele Angrepen mit Füerwark op Helpslüüd in de Silvesternacht.

Luern op noch en LNG-Terminal in Bruunsbüddel

Bruunsbüddel. In Bruunsbüddel in Sleswig-Holsteen schall vundag noch en LNG-Terminal ankamen. Dat weer de drütte Standoort in Düütschland, an dat Nattgas verarbeidt weern kann. Twee Anlagen sünd al in´n Bedriev – in Wilhelmshaben un in Lubmin in Mäkelborg-Vörpommern. Düütschland will dormit unafhängig warrn vun Energie-Importen ut Russland. In Stood lopen de Arbeiten för noch en Terminal.

Rudi Völler warrt neje Sport-Baas bi den Düütschen Football Bund

Frankfurt an´n Main. Rudi Völler warrt neje Sportbaas bi den Düütschen Football Bund. De 62 Johr old Keerl övernimmt dormit in Tokunft de Arbeit vun den fröher Geschäftsföhrer Oliver Bierhoff. He weer na dat Vörrunnen-Ut vun de düütschen Football-Natschonalmannschop bi de Weltmeisterschaft in Katar torüchtreden. Völler weer as Speler Weltmeister un broch Düütschland as Bunnstrainer to de Viez-Weltmeisterschaft.

Dat Weer

Un nu noch en Blick op dat Weer: in Cuxhaben null, an’n Bremer Flegerhaben un in Bremerhaben een un in Demost sünd dat opstunns twee Graad. Hüüt sünd vele dichte Wulken an´n Heven. An´n Vörmiddag is dat dröög, man de Sünn kann sick blots swor gegen de Nevelfeller dörsetten. Den ganzen Dag blifft dat diesig. De Wind weiht en beten, an de Küst in Maten. Dat Thermometer wiest een bit dree Graad. In de Nacht en poor Wulken, later jümmer mehr Wulken un wiedgahns dröög. Hier un dor sünd enkelte Flocken or Drüppen möglich. Dat kann den ok en beten glatt weern. De Themperaturen sacken op minus een bit minus dree Graad. Morn steiht an eerste Stee de griese un diesige Indruck. De Sünn kann sick gegen de depen Wulken nich so goot dörsetten. Dat kann en poor Flocken un Drüppen geven. Mehrstendeels geiht dat aver dröög dör den Dag bi een bit veer Graad. Sünndag mehrstendeels dichte Wulkenfeller un wenig Sünnschien. An´n Avend kann Snee un Sneeregen insetten. Een bit dree Graad stahn denn op dat Thermometer.

Dat weern de Narichten op platt. Tohoopstellt hett se Michael Kück. Op Platt trechtmaakt un vörleest vun Markus Weise.