Jetzt läuft:

The Main Squeeze Comfortably Numb
  • Als nächstes läuft:

  • Um 18:50 Uhr läuft: The Spiders Don't Blow Your Mind
  • Jetzt läuft:

    The Main Squeeze Comfortably Numb
  • Davor lief:

  • Um> 18:34 Uhr lief: Pink Floyd Have A Cigar
  • Um> 18:32 Uhr lief: The Beach Boys Fun Fun Fun
  • Um> 18:27 Uhr lief: the Mamas and the Papas I Call Your Name
  • Um> 18:24 Uhr lief: Edwin Starr War
  • Um> 18:19 Uhr lief: Barrett Strong Money (That's What I Want)
  • Um> 18:15 Uhr lief: Uriah Heep Silver Sunlight
  • Um> 18:09 Uhr lief: Status Quo Gotta Get Up And Go
  • Um> 18:05 Uhr lief: Alice Cooper Hello Hooray
  • Um> 17:55 Uhr lief: Eiffel 65 Blue (Da Ba Dee)

Beat-Club mit Lutz Hanker

Plattdeutsche Nachrichten Plattdüütsche Narichten vun'n 19. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 19. Januar 2023

Pistorius nee’er Bunnsminister för’t Deffendeern +++ Hotel- un Gasthüüsverband wahrschaut vör Personaalnoot +++ Gröönlands Ies ward gauer warm as betto annahmen

Bild: Radio Bremen

Informationen zum Audio

Boris Pistorius is nee’er Bunnsminister för’t Deffendeern

Berlin: Boris Pistorius is de nee’e Bunnsminister för’t Deffendeern. De fröhere Binnenminister vun Neddersassen is dormit de Nafolger vun Christine Lambrecht, de tovör ehren Hoot nahmen hett. Bunnspräsident Steinmeier hett Pistorius an’n Morgen in’t Slott Bellevue de Ernennungsurkunn geven. Darna hett Pistorius in’n Bunnsdag den Eed afleggt. Later ward he sien US-Amtskollegen Austin to Gast hebben. Se ward denn över dat Levern vun Wapen för de Ukraine snacken.

Düütscher Hotel- un Gasthüüsverband wahrschaut vör wietere Personaalnoot

Berlin: De Düütsche Hotel- un Gasthüüsverband rekent dormit, datt de Personaalnoot in dütt Wirtschaftsfeld wieterhen grötter ward. Na Angaven vun en Sprekersch gifft dat bunnswiet al 50.000 Mitarbeiders to wenig. Se geiht dorvun ut, datt de Tall nochmal düütlich anstiegen ward, wenn in’t Fröhjohr de Saison anfangt. Dorüm ward in all Rebeten vun de Gastronomie hoochnödig Personaal söcht, sowoll Vulltietmitarbeiders mit Utbildung as ok Uthölpers un Minijobber.     

Ursaak för Afstörten vun Helikopter in Kiew wieterhen nich klaar

Kiew: Na dat Afstörten vun en Helikopter ward vun de Polizei un den Geheemdeenst wieter ünnersöcht, wo dat to dat Unglück mit 14 Doden kamen is. Se hollt technische Maleschen, en Unfall, aver ok Sabotaag för mööglich. De Helikopter is güstern Vörmiddag in Kiew in en Wahnsiedlung afstört. An Bord weern ok de ukrainsche Binnenminister Monastyrskyj un sien Stellvertreder.   

Gröönlands Ies ward gauer warm as betto annahmen

Bremerhaben: Dat Ies vun Gröönland ward, as dat schient, gauer warm as betto annahmen worrn is. So weer dat eerste Johrteihnt in dütt Johrhunnert dat warmste siet üm un bi 1000 Johr. To dütt Ergevnis sünd Forscher vun dat Alfred-Wegener-Institut in Bremerhaben kamen. Toletzt sünd de Ieskeerns vun Gröönland in de Mitt vun de Negentiger Johrn ünnersöcht worrn. To de Tiet weer dat na Angaven vun de Wetenschaftlers noch nich mööglich, dat Warmerwarrn fasttostellen.   

Extra-Drapen vun de Kulturdeputatschoon in Bremen

Bremen: De Liddmaten vun de Kulturdeputatschoon in Bremen snackt hüüt över dat finanzielle Kuddelmuddel in de Kulturbehöörd. Den Andrag dorför hett de CDU stellt. Se bekrittelt, datt in mehr as 140 Fallen in‘t vörletzte Johr Geld an Vereene un Inrichtungen betahlt worrn is, aver bet hüüt Nawiesen fehlt, woför dat Geld bruukt worrn is. De Kulturbehöörd ünner dat Leit vun de SPD seggt, datt all Nawiesen twars vörleggt worrn sünd. Wegen de Corona-Hölp för de Kultur in de verleden Maand harrn se aver to veel to doon un sünd dorüm noch nich to dat Prüfen kamen.

Dat Weer

Un nu en Blick op dat Weer: In Nienborg 1, in Bremen, Deefholt und Nordholt 2, in Bremerhaben un Leer  3, un in Emmen sünd dat opstünns 5 Graad. Hüüt is dat meisttiets puustig un klöterkoolt. Dat is faken dicht wulkig, un Regen-, Sneeregen-, Grisselgrussel- un Sneeschuers treckt dör. Ok korte Gewidder sünd mööglich. An’n Namiddag kummt ok de Sünn fakener dör, un meisttiets blifft dat in’t Binnenland dröög, wieldess dat an de See wietere Schuers geven kann. De Temperaturen liggt twüschen 3 un 5 Graad. In de Nacht treckt ok an de Noordsee de dichten Wulken mit Sneeregen- un Sneeschuers af, denn is de Heven licht wulkig bet klaar bi 0 bet -3 Graad. Morgen gifft dat en Wessel ut Sünnschien un dichte Wulkenfeller. Schuers gifft dat meist gor nich bi 1 bet 3 Graad.

Dat weern de Narichten op platt. Tohoopstellt hett se Michael Kück. Op Platt trechtmaakt un vörleest vun Marc Gelhart.