Jetzt läuft:

The Spiders Don't Blow Your Mind
  • Als nächstes läuft:

  • Um 18:51 Uhr läuft: Alice Cooper Reflected
  • Jetzt läuft:

    The Spiders Don't Blow Your Mind
  • Davor lief:

  • Um> 18:41 Uhr lief: The Main Squeeze Comfortably Numb
  • Um> 18:34 Uhr lief: Pink Floyd Have A Cigar
  • Um> 18:32 Uhr lief: The Beach Boys Fun Fun Fun
  • Um> 18:27 Uhr lief: the Mamas and the Papas I Call Your Name
  • Um> 18:24 Uhr lief: Edwin Starr War
  • Um> 18:19 Uhr lief: Barrett Strong Money (That's What I Want)
  • Um> 18:15 Uhr lief: Uriah Heep Silver Sunlight
  • Um> 18:09 Uhr lief: Status Quo Gotta Get Up And Go
  • Um> 18:05 Uhr lief: Alice Cooper Hello Hooray

Beat-Club mit Lutz Hanker

Plattdeutsche Nachrichten Plattdüütsche Narichten vun'n 18. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 18. Januar 2023

Neddersassens Ministerpräsident Weil söcht nee´en Binnenminister +++ Scholz snackt bi dat Weltweertschopsforum in Davos +++ Schoolmestermangel in Düütschland +++ Jümmer weniger Aftheken in Bremen +++ Reichsbörger-Drauhbrefen maken Gemeenden Kummer +++ Dat Weer

Bild: Radio Bremen

Informationen zum Audio

Neddersassens Ministerpräsident Weil söcht nee´en Binnenminister

Hannober: In Neddersassen löppt dat Söken na en nee´en Binnenminister, vunwegen Pistorius nu na Berlin in dat Ministerium för´t Verdeffenderen wesselt. Snackt warrt ünner annern över de Bunnsdagsaforntete Siemtje Möller ut Varel. Se is opstunns parlamentarische Staatssekretärsche in dat Bunnsverteidigungsministerium. Bavento gellt de Landraat Ambrosy, Kreis Freesland, aver ok Brunswiek Oberbörgermeister Kornblum as mööglichen Nafolger vun Pistorius.

Scholz snackt bi dat Weltweertschopsforum in Davos

Davos: Bunnskanzler Scholz reist hüüt to dat Weltweertschopsforum. In sien Reed an Namiddag mag dat angahn, dat he sik to Woort mellt, of Düütschland Leopard-2-Kamppanzer in de Ukraine levert. Polen, Litauen un Finnland hebbt den Bunnskanzler dorto opropen, „ja“ to den Stapp to seggen. Nich blots Scholz schall wat seggen, man ok de ukrainsche Präsident Selenskyj warrt en Reed holen. Selenskyj hett al vördem wiedere Waffenfrachten fordert un dorbi kloor un düütlich Kamppanzer anspraken.

Schoolmestermangel in Düütschland

Berlin: Schoolmestermangel sünd de gröttsten Maleschen an Schoolen in Düütschland. Dat keem bi en repräsentativen Ümfraag vun dat düütsche Schoolbarometer in Opdrag vun de Robert Bosch Stiften rut. Dorna sünd de gröttstens Obgaven för twee Drüttel vun de Schooldirekters dat se to wenig Schoolmester an ehre Schoolen hebbt. In Haupt-, Middel- un Gesamtschoolen, man ok an Förderschoolen, seen dat sogor dree vun veer Schoolen. Düütlich weniger Maleschen hebbt de Schooldirekters mit, de Digitalisierung, de nich so recht ingang kaamt un ok dat de Schoolen technisch slecht opstellt sünd. Över to veel Papeerkraam, de hooge Arbeitslast un dat Benehmen vun Schoolkinner klaagt rund jedeen föffte Schooldirekter.

Jümmer weniger Aftheken in Bremen

Bremen: In dat Bunnsland gifft dat jümmer weniger Aftheken. To Anfang vun dat Johr 2023 leeg de Tahl bi 135, dat sünd binah een veertel weniger as vör 15 Johrn. Alleen in dat verleden Johr hebbt fief Aftheken dicht maakt, dorvun een in Bremerhaben. Nawuss- un Nafolgemaleschen, man ok de Wettstriet mit den Online-Hannel stickt dor achter. Dat de Druppen un Pillen knapp warrn, süht de Afthekerkaamer Bremen betnu nich.

Reichsbörger-Drauhbrefen maken Gemeenden Kummer

Sande: De Börgermeister hett en Drauhbreef vun Lüüd de bi de Reichsbörger mitmaakt kregen. Utlöser weer en Geldbedrag, wat de Gemeend vun düsse Person verlangt. De Börgermeister hett nu den Staatsschuul inschalt, tostännig is de Polizei in Willemshaben. Alltohop klaagt de Städer- un Geemendebund doröver, dat Drauhbreefe vun Reichsbörgern an Behöörden, Städer un Gemeenden düütlich tonahmen hebbt. Tokamen Februar schall dat en Seminor för Börgermeister un Lüüd de in Geemenden arbeiden geven, wo man richtig mit düsse Breefen hantert.  

Dat Weer

Un nu kiekt wi op dat Weer: In Deefholt sünd dat minus dree Graad, Bremen minus twee, in Bremerhaben hebbt wi minus een Graad un in Emm sünd dat opstunns null Graad. Hüüt lacht de Sünn, hier un dor en paar lütte Wulken un dat blifft meist dröög. En beten mehr Wulken sünd blots an de Middelwerser bet na de Lüneborger Heid mööglich un an Avend vun´t Emsland her. De Wind weiht flau, an de See un in Richten Emsland vun Tiet to Tiet in Maaten vun de süüd- bet süüdwestlichen Kant. Dat Thermometer schafft dat op twee bet veer Graad. In de Nacht eerst lose Wulken, laater rullen vun dat Emsland dicke Wulken ran, de westlich vun de Werser ok kräftig Snee- un Sneeschuuer bringen dor kann dat denn glatt warrn un dat denn bi plus een bet minus een Graad. Morgen warrt dat rusig, natt un koolt. Meist stark wulkig mit Regen, Sneeregen, Grisselgrussel un Sneeschuern. Man ok kort mal sünd Blitz un Dunnerslag mööglich. Dat Thermometer wiest us dree bet fief Graad.

Dat weren de Plattdüütschen Narichten. Tohoopstellt vun Gabriele Intemann. Op Platt trechtmaakt un vörleest vun Martina Brünjes.