Jetzt läuft:

Television Days
  • Als nächstes läuft:

  • Um 19:05 Uhr läuft: Diana Ross & The Supremes Love Child
  • Jetzt läuft:

    Television Days
  • Davor lief:

  • Um> 18:53 Uhr lief: Alice Cooper Reflected
  • Um> 18:49 Uhr lief: The Spiders Don't Blow Your Mind
  • Um> 18:41 Uhr lief: The Main Squeeze Comfortably Numb
  • Um> 18:34 Uhr lief: Pink Floyd Have A Cigar
  • Um> 18:32 Uhr lief: The Beach Boys Fun Fun Fun
  • Um> 18:27 Uhr lief: the Mamas and the Papas I Call Your Name
  • Um> 18:24 Uhr lief: Edwin Starr War
  • Um> 18:19 Uhr lief: Barrett Strong Money (That's What I Want)
  • Um> 18:15 Uhr lief: Uriah Heep Silver Sunlight

Beat-Club mit Lutz Hanker

Plattdeutsche Nachrichten Plattdüütsche Narichten vun'n 17. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 17. Januar 2023

Neddersassens Binnenminister Pistorius warrt woll de nee Minister för´t Verdeffendern +++ Bunnsfinanzhoff verhannelt över den Solidaritätstoslag +++ Bremen will stärker wat gegen Graffiti maken +++ Neddersassens Ministerpräsident Weil verlangt en Tempogrenz op Autobahnen +++ Perzess gegen womöögliche Rövers ut Rottenborg fangt an +++ Dat Weer

Bild: Radio Bremen

Informationen zum Audio

Neddersassens Binnenminister Pistorius warrt woll de nee Minister för´t Verdeffendern

Berlin: De neddersässche Binnenminister Pistorius warrt woll de nee Minister för´t Verdeffendern. Na Informatschoon vun dat ARD-Hauptstadtstudio warrt Bunnskanzler Scholz Pistorius woll an Middag as amtlichen Nafolger för Verteidigungsministersch Lamprecht insetten. Lamprecht hett güstern künnig maakt ut dat Amt ruttogahn. De Amtsövergaav dör Bunnspräsident Steinmeier warrt eerst in de tokamen Daag stattfinnen.

Bunnsfinanzhoff verhannelt över den Solidaritätstoslag

München: De Bunnsfinanzhoff verhannelt hüüt över den Solidaritätstoslag. Siet 2020 mööt blots noch de Top-Verdener den Soli betahlen. Dat sünd rund 3,8 Millionen stüerplichtige Minschen in Düütschland. De Lüüd de dorgegen klaagt hebbt, meent, dat de Gliekheitsgrundsatz dorüm to Schaden kummt. Sien Verscheel maakt de Bunnsfinanzhoff Enn Januar künnig. Schüllt he de Klägers tostimmen, kaamt de Fall vör dat Bunnsverfatensgericht.

Bremen will stärker wat gegen Graffiti maken

Bremen: De Stadt will stärker wat gegen de verbaden Graffiti un Vandalismus mit Farv an Privathüüs un Steden för Jan un Allemann maken. Binah een Millioon Euro nimmt Bremen in´ne Hand, üm den Smeerkraam trecht to kamen. Ok schüllt de Sellschoppen för Wahnungsbo as Gewoba, Brebau or Venovia dorbi hölpt warrn, de Graffiti binnen twee Weken weg to maken. Man ok an apen Bowarken as Brüchen or Treppen schall de Farv gauer wegmaakt warrn. Üm Graffiti as Kunstform Stütt to geven, will de Stadt ok free Flächen praat stellen.

Neddersassens Ministerpräsident Weil verlangt en Tempogrenz op Autobahnen

Hannober: Neddersassens Ministerpräsident Weil hett sien Verlangen na en allgemeen Tempogrenz op düütschen Autobahnen ünnerstrieken. De Mobilitätssekter mööt mehr Insatz wiesen, dat dat CO2 rünner sett warrt, see Weil to dat „Nee Ossenbrügger Blatt“. All vördem hett Weil sik dorför insett, dat blots noch 130 Stünnenkilometers op Autobahnen verlöft sünd.

Perzess gegen womöögliche Rövers ut Rottenborg fangt an

Veern: Vör dat Landgericht staht vun hüüt Vörmiddag af an twee Mannslüüd wegen böösen Roov vör´t Brett. De Anklaagten schüllt en Ehepoor vör ehrn Huus in Scheeßel opluert, dat Poor slaan un em den Huusslötel un 350 Euro klaut hebben. Tokamen Dag keem de Verbrekers denn mit den Slötel in dat Huus un hebbt den Poor Geld un anner Saken afnahmen, heet dat in´ne Anklaag.

Dat Weer

Un nu kiekt wi op dat Weer: In Bremen un Emm sünd dat twee Graad, Bremerhaben dree Graad un in Cuxhaben hebbt wi opstunns fief Graad. Hüüt fangt de Dag natt un koolt, an de Küst ok störmsch an. Övern Vörmiddag trecken Regen un Sneeregen över de Elv af un vun dat Ollenborger Münsterland slikert sik de Sünn ran. An Middag lacht se in de Hauptsaak in´t süüdliche Binnenland. Dorgegen kriggt de Lüüd an de Küst mehr un mehr Wulken to sehn, man dat kann örntlich Snee, Sneeregen or Grisselgrussel geven, ok Blitz un Donnerslag sünd mööglich. Dorbi kann dat ok en Tiet lang witt warrn. De Wind weiht in´t Binnenland in Maaten, man ok frische bet starke Böen sünd vun de süüd-westen Kant ünnerwegens. An de Nordsee warrt dat örntlich puustig, hier kann dat stöörmsche Böen or Stormböen vun 65 bet 85 Stünnenkilometers geven. Wenn dat dorbi sneet kann de Sicht böös verknappt ween. Un dat denn bi veer bet fief Graad. In de Nacht lösen sik de Wulken op, dat is kloor un dorbi is keen Regen or Snee to sehen. Man blots an´ne Küst, sünd wiederhen dichte Wulken ünnerwegens, un dor kann dat ok kräftige Sneeregen- or Sneeschuers geven, hier un dor ok mit Gewidder. Dat Thermometer wiest us plus een bet minus veer Graad. Middeweken trecken de letzten Snee- un Regenschuers af, achteran lacht meist de Sünn or dat is blots en beten wulkig, meist blifft dat dröög. Un dat denn bi twee bet veer Graad.

Dat weren de Plattdüütschen Narichten. Tohoopstellt vun Gabriele Intemann. Op Platt trechtmaakt un vörleest vun Martina Brünjes.