Jetzt läuft:

Kiss Rock And Roll All Nite
  • Als nächstes läuft:

  • Um 19:18 Uhr läuft: Joni Mitchell Both Sides, Now
  • Jetzt läuft:

    Kiss Rock And Roll All Nite
  • Davor lief:

  • Um> 19:08 Uhr lief: Kiss She
  • Um> 19:05 Uhr lief: Diana Ross & The Supremes Love Child
  • Um> 18:56 Uhr lief: Television Days
  • Um> 18:53 Uhr lief: Alice Cooper Reflected
  • Um> 18:49 Uhr lief: The Spiders Don't Blow Your Mind
  • Um> 18:41 Uhr lief: The Main Squeeze Comfortably Numb
  • Um> 18:34 Uhr lief: Pink Floyd Have A Cigar
  • Um> 18:32 Uhr lief: The Beach Boys Fun Fun Fun
  • Um> 18:27 Uhr lief: the Mamas and the Papas I Call Your Name

Beat-Club mit Lutz Hanker

Plattdeutsche Nachrichten Plattdüütsche Narichten vun'n 16. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 16. Januar 2023

Oxfam: Ünnerscheed twüschen arm un riek ward op de heelen Welt grötter +++ Dnirpo: Jümmer noch zig Minschen vermisst +++ Eerster Watergas-Bus in Bremerhaben

Bild: Radio Bremen

Informationen zum Audio

Oxfam: Ünnerscheed twüschen arm un riek ward op de heelen Welt grötter

Den Haag: De Ünnerscheed twüschen de extrem armen un de extrem rieken Minschen op de Welt ward wieterhen grötter. To dütt Ergevnis kummt de Hölpsorganisatschoon Oxfam in en nee’e Studie. Darna sünd Millionäre un Milliardäre toletzt noch düütlich rieker worrn, wieldess to glieke Tiet de Tall vun hungrige Minschen wedder tonahmen hett. Dorvun sünd opstünns üm un bi 10 Perzent vun all Minschen op de Eer bedrapen.

Lambrecht gifft ehren Posten op

Berlin: De Bunnsministersche för’t Deffendeern Lambrecht hett na Utkunft vun de Düütschen Presseagentur bi Bunnskanzler Scholz anmellt, datt se ehren Hoot nehmen ward. Siet Daag al ward doröver munkelt, datt de SPD-Politikerin ehr Amt opgeven ward. Se is toletzt faken bekrittelt worrn. Dat gifft al Diskussionen doröver, wokeen de Nafolger vun Lambrecht ward. In Fraag kaamt ünner annern de Wehrbeupdragte vun’n Bunnsdag Högl, Arbeitsminister Heil un SPD-Baas Klingbeil.     

Dnirpo: Jümmer noch zig Minschen vermisst na Attack op Hoochhuus

Dnipro: In Dnipro in’n Oosten vun de Ukraine söökt Hölpslüüd wieter na Minschen, de verschütt sünd. Na Menen vun de Hölpslüüd gifft dat aver blots wenig Hapen, datt noch lebennige Lüüd ünner de Trümmer fastsitten. Üm un bi 30 Minschen ward opstünns noch vermisst. Bi de russ’schen Attack mit Raketen is ehrgüstern en Hoochhuus drapen worrn. Üm un bi 30 Minschen sünd dorbi doodbleven, zig wietere to’n Deel swor versehrt worrn.

Stoormdeep „Frederic“ maakt keen groten Schaden

Bremen: Dat Stoormdeep „Frederic“ hett in Bremen, Bremerhaben un ümto woll keen grötteren Schaden maakt. Polizei un Füerwehr hebbt an’n Morgen seggt, datt dat in de Nacht blots enkelte Insatzen wegen ümknickte Bööm, afreten Äst oder rümflegende Mülltünnen geven hett. Güstern sünd na en Hagelschuer bi en Unfall op de A29 in’n Landkreis Ollenborg fief Minschen to’n Deel swor versehrt worrn. Bavento geev dat Maleschen bi de Fähren to de Eilannen. In Noorddüütschland un an de Küst weer de Wind mit 100 Kilometers per Stünn ünnerwegens.    

Eerster Watergas-Bus fohrt siet hüüt Morgen in Bremerhaben

Bremerhaben: Op de Straten is siet hüüt Morgen to’n eersten Mal en Linienbus ünnerwegens, de mit Watergas andreven ward. Dat Fohrtüüch fohrt op de Habenliner-Linie, de dat tovör al geev. Bremerhaben geiht dormit in’n heelen Noordwesten vöran. De Stadt schall all tohoop söben Watergas-Bussen kriegen. Dat kost tohooprekent meist fief Millionen Euro.

Dat Weer

Un nu en Blick op dat Weer: In Cloppenborg, Emmen un Möppen 3, in Bremen, Bremerhaben un Cuxhaben 4, un in Dörveern sünd dat opstünns 5 Graad. Hüüt Vörmiddag treckt de dichten Wulken mit Regenschuers över dat Elv-Werser-Dreeeck af. Darna is af un an de Sünn to sehn. Vun Middag an ward de Heven vun’t Ollenborger Münsterland her wedder gries. An’n Namiddag maakt sik vun Süüdwest na Noordoost Regen breet. An’n Avend kann dat in’t Werser-Ems-Flach ok’n poor natte Flocken geven. Tovör wiest dat Thermometer hööchstens 4 bet 6 Graad. In de Nacht fallt ut dichte Wulken eerst noch Regen, hier un dor ok Sneeregen, de later in de Nacht bilütten na de Elv un över de Aller aftreckt. Darna lockert de Wulken hier un dor op, vun de Noordsee her köönt aver noch enkelte Schuers in’t Land trecken bi 3 bet 0 Graad. Morgen blifft dat an de Noordsee dicht wulkig, to’n Deel kann dat ok degten Grisselgrussel oder Sneeschuers geven. Ok enkelte korte Gewidder sünd mööglich. Dorbi kann dat ok för en korte Tiet en dünne Sneedeck geven. In’t Binnenland gifft dat dorgegen en drögen un to’n Deel fründlichen Wessel ut Sünnschien un Wulken bi 3 bet 4 Graad.

Dat weern de Narichten op platt. Tohoopstellt hett se Michael Kück. Op Platt trechtmaakt un vörleest vun Marc Gelhart.