Jetzt läuft:

OMD Maid Of Orleans (Joan Of Arc)
  • Als nächstes läuft:

  • Um 17:37 Uhr läuft: Michael Patrick Kelly Roundabouts
  • Jetzt läuft:

    OMD Maid Of Orleans (Joan Of Arc)
  • Davor lief:

  • Um> 17:31 Uhr lief: Blondie One Way Or Another
  • Um> 17:26 Uhr lief: Empire Of The Sun We Are The People
  • Um> 17:18 Uhr lief: Roxette Fading Like A Flower (Every Time You Leave)
  • Um> 17:13 Uhr lief: America A Horse With No Name
  • Um> 17:10 Uhr lief: Alle Farben & ILIRA Fading
  • Um> 17:05 Uhr lief: Stevie Wonder Part-Time Lover
  • Um> 16:56 Uhr lief: Wax Bridge To Your Heart
  • Um> 16:52 Uhr lief: Abba Waterloo
  • Um> 16:47 Uhr lief: Mike Oldfield & Roger Chapman Shadow On The Wall

Sport mit Mathias Arians

Plattdeutsche Nachrichten Plattdüütsche Narichten vun'n 12. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 12. Januar 2023

All mööt rut ut Lützerath, vunwegen de Bruunkohl +++ To´n Anfang vun´t Johr will SPD-Bunnsdagfraktion unner sik wesen un snacken +++ Polizei Bremen hett Probleme Verbreken flink to överarbeiden +++ Dusende Mitarbeiders fehlt in de Weertshüüs un Hotels in Bremen un Neddersassen +++ Handball Weltmeisterschaft is in Polen losgahn +++ Dat Weer

Bild: Radio Bremen

Informationen zum Audio

All mööt rut ut Lützerath, vunwegen de Bruunkohl

Erkelenz: De Polizei will wieter den lütten, nordreihn-westfähl`schen Oort Lützerath rümen. Aktivisten hebbt de Hüüs, de leddig sünd,besett. Se willt verhinnern, dat man de Bruunkohl, de dorünner liggt, ut de Eer halt. Morrn schüllt ok an de 30 Schandarms ut Bremen dorhen föhren un bi dat Rümen mit hölpen.

To´n Anfang vun´t Johr will SPD-Bunnsdagfraktion unner sik wesen un snacken

Berlin: To´n Anfang vun´t Johr will de SPD-Bunnsdagfraktion unner sik wesen un snacken. Dat geiht hütt Middag in Berlin los. Een Thema is de Krieg in de Ukraine. De Fraktion besnackt sik över een Positionspapier. Dorin steiht ok, dat man wieter tosamen snacken will, ok wenn man in de russ´sche Spitze keen Vertroen mehr hett. Vun wietere Fracht vun Panzers is in de Vörlaag nich de Reed.

Polizei Bremen hett Probleme Verbreken flink to överarbeiden

Bremen: De Polizei Bremen kummt nich mit dat överarbeiden vun Verbreken achterna. Luut een Bericht vun´t Binnensenator gifft dat ut dat verleden Johr noch 21.000 Straafdelikte, de noch nich bearbeidt sünd. Dat sünd 4.000 mehr as in dat Johr dorför. Dorbi geiht dat meist üm Verbreken as Roof, Klauen or Swinnel. De Behöörd seggt, dat is wegen de velen Kranken un de Fachlüüd, de fehlt.

Dusende Mitarbeiders fehlt in de Weertshüüs un Hotels in Bremen un Neddersassen

Hannover: In Hotels un Weertshüüs in Neddersassen fehlt rund 10.000 Fachlüüd. Dat seggt de Hotel-un Weertshüüsverband över´n Duum. In Bremen hebbt, in een Ümfraag, verr vun fief Bedrieven dat as dat gröttst Problem nöömt. Mitarbeiders fehlt in all Berieken, man besünners in de Köken.

Handball Weltmeisterschaft is in Polen losgahn

Kattowitz: In Polen hett de Handball Weltmeisterschaft anfungen. In´t eerste Speel hett Frankriek mit 26 to 24 gegen Polen wunnen. De düütsche Mannschaft geiht morrn in den Wettstriet. De Gegner in´t eerste Speel is Katar. De WM finnt in Polen un Sweden statt.

Dat Weer

Un nu een Blick op dat Weer: in Cuxhaben, in Bremerhaben, in Bremen un in Defhold sünd dat opstünns 9 Graad. Hütt kummt vun´t Nordwesten her wedder veel Regen op, de hütt middag över de Elb un de Lüneburger Heid aftreckt. Hier un dor kummt denn ok mal de Sünn dör. Af un an kann dat ok mal Schuers geven. To´n Avend hen fangt dat denn wedder an to pladdern, bi 10 bit 12 Graad. Tokamen Nacht gifft dat erst noch veel Regen, man to´n Morrn hen treckt de to de Elb hen af un de Wulken lockert op, bi 8bit 6 Graad. Morrn geiht dat mit luckere Wulken los. Hier un dor kummt ok mal de Sünn dör. Man denn kann dat jümmers wedder düchtig pladdern. De Temperaturen liggt bi 8 bit 10 Graad. Sünnavend is dat meist gries un de Sünn kriegt wie nich faken to sehn. Dor kummt veel Natt vun baven rünner, bi 7 bit 9 Graad. Dat weren de Nahrichten op Platt. Tohoopstellt hett se Irene Lottes. Trechtmaakt un vörleest hett se Antje Kruppa.