Jetzt läuft:

Bob Marley No Woman, No Cry
  • Als nächstes läuft:

  • Um 17:45 Uhr läuft: David Bowie Absolute Beginners
  • Jetzt läuft:

    Bob Marley No Woman, No Cry
  • Davor lief:

  • Um> 17:38 Uhr lief: Michael Patrick Kelly Roundabouts
  • Um> 17:34 Uhr lief: OMD Maid Of Orleans (Joan Of Arc)
  • Um> 17:31 Uhr lief: Blondie One Way Or Another
  • Um> 17:26 Uhr lief: Empire Of The Sun We Are The People
  • Um> 17:18 Uhr lief: Roxette Fading Like A Flower (Every Time You Leave)
  • Um> 17:13 Uhr lief: America A Horse With No Name
  • Um> 17:10 Uhr lief: Alle Farben & ILIRA Fading
  • Um> 17:05 Uhr lief: Stevie Wonder Part-Time Lover
  • Um> 16:56 Uhr lief: Wax Bridge To Your Heart
  • Um> 16:52 Uhr lief: Abba Waterloo

Sport mit Mathias Arians

Plattdeutsche Nachrichten Plattdüütsche Narichten vun'n 11. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 11. Januar 2023

Butenministersch Baerbock: Gedüllig blieven bi Panzer na de Ukraine +++ Top-Drepen to Gewalt vun junge Lüüd in Berlin +++ Hökers: Bi’t Containern kene Strafen - dat bringt nix +++ Kloor mehr Towannerers na Düütschland in’t Johr 2021 +++ Bremen: Twee Quarteren weniger för Lüüd op de Flucht +++ Dat Weer

Bild: Radio Bremen

Informationen zum Audio

Butenministersch Baerbock: Gedüllig blieven bi Panzer na de Ukraine

Berlin: Bunnsbutenministersch Baerbock hett Gedüer verlangt, wenn dat um Panzer för de Ukraine geiht. In de Tagesthemen sä Baerbock: Dat Land bruukt wiss mehr Kriegs-Utrüstung. Man düütsche Leopard-Kampfpanzer kunn se nich toseggen. Dat müss mit de annern westlichen Staaten afstimmt warrn. De Regerung in Kiew röppt al lang na mehr moderne Panzer un Kanonen – ok, dat se de Gegenden in de Oostukraine, de Russland besett hett, dat se de wedder innehmen köönt.

Top-Drepen to Gewalt vun junge Lüüd in Berlin

Berlin: In de Hauptstadt löppt vundaag en Top-Drepen to de Gewalt vun junge Lüüd. De Fraag is: Wat kummt na den Krawall in de Silvester-Nacht. Blots in Berlin sünd 145 Minschen fastnahmen worrn, vör allen junge Lüüd un junge utwussen Lüüd. Inlaadt to dat Drepen hett de Regeren Börgermeistersch vun Berlin Giffey Fachlüüd ut de Politik, Justiz, Polizei un Sozialarbeit.

Hökers: Bi’t Containern kene Strafen - dat bringt nix

Berlin: De Hökers vun Eten un Drinken in Düütschland sünd dor nich mit inverstahn, dat för Containern keen Straaf mehr anfallen schall. FDP un Gröne harrn dat verlangt. Bi’t Containern klaut Lüüd Saken, de noch to eten sünd, ut grote Affall-Tunnen vun Supermärkte rut. De Hauptgeschäftsföhrer vun den Hannelsverband Levensmiddel, Rausch, sä an dat Redakschoonsnettwark Düütschland: He glöövt nich, dat dat gegen dat Rumasen mit Eten un Drinken hölpen deit. De Politik schull sik lever dorför insetten, dat mehr för de afgeven warrn kann, de dat nödig hebbt.

Kloor mehr Towannerers na Düütschland in’t Johr 2021

Berlin: 2021 sünd mehr as 1,3 Millionen Minschen na Düütschland towannert. Dat steiht in den Migratschoons-Bericht binnen, över den dat Bunnskabinett vundaag snackt. De meisten Minschen sünd ut Rumänien na Düütschland kamen, man dor weren ok vele ut Polen, Bulgarien, Syrien un de Törkei. In Bremen un Berlin leevt de meisten Butenlanners. Hier hett een Minsch vun fief kene düütschen Utwies-Paperen.

Bremen: Twee Quarteren weniger för Lüüd op de Flucht

Bremen: Bald gifft dat in Bremen twee Quarteren weniger för Lüüd op de Flucht. In de Jugendharbarg in de Binnenstadt un in de Messehall 4 schüllt kene Minschen mehr ünnerkamen. De Harbarg wüllt se umboen un nee maken. In de Messehallen löppt vun Februar op an wedder de normale Bedriev. All de Lüüd op de Flucht kaamt aver in anner Quarteren unner, seggt de Bremer Sozialbehöörd.

Dat Weer

Un woans süht dat mit dat Weer umto ut? Opstunns hebbt wi in Bremerhaven 8 Graad, in Bremen, Cuxhaven un Nienborg sünd dat 9 Graad. Vundaag: De Regen treckt bet to’n Middag över de Wumm un de Aller af. Achteran lacht uns sogor de Sünn, mit en poor Wulken dorbi. Meisttiets blifft dat dröög. Dat Thermometer krabbelt op 9 bet 11 Graad. De Wind dorto weiht flau oder en beten mehr, an de See ok frisch, vun de süüdwesten Kant. Jümmer mal wedder: frische bet düchtige Böen. Tokamen Nacht: Eerst noch dröög. Denn aver treckt gau vun Westen her Regenwulken rin, ut de dat ok ornlich pladdern kann. Fröh an’n Morgen kummt de neechste Regenfracht ut dat Ollenborger Mönsterland. Dat Ganze bi 7 bet 6 Graad. Morgen: Eerst överall Regen, de gegen Middag na de Elv un de Lümborger Heid aftrecken deit. Achteran mal dröög, mal Schuer, mal Sünnschien. An’n Avend kummt vun Westen frischen Regen rin. Bi 9 bet 12 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Michael Kück.