Jetzt läuft:

David Christie Saddle Up
  • Jetzt läuft:

    David Christie Saddle Up
  • Davor lief:

  • Um> 17:55 Uhr lief: Eiffel 65 Blue (Da Ba Dee)
  • Um> 17:46 Uhr lief: David Bowie Absolute Beginners
  • Um> 17:41 Uhr lief: Bob Marley No Woman, No Cry
  • Um> 17:38 Uhr lief: Michael Patrick Kelly Roundabouts
  • Um> 17:34 Uhr lief: OMD Maid Of Orleans (Joan Of Arc)
  • Um> 17:31 Uhr lief: Blondie One Way Or Another
  • Um> 17:26 Uhr lief: Empire Of The Sun We Are The People
  • Um> 17:18 Uhr lief: Roxette Fading Like A Flower (Every Time You Leave)
  • Um> 17:13 Uhr lief: America A Horse With No Name
  • Um> 17:10 Uhr lief: Alle Farben & ILIRA Fading

Sport mit Mathias Arians

Plattdeutsche Nachrichten Plattdüütsche Narichten vun'n 10. Januar 2023

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 10. Januar 2023

Auto-Top-Drepen bi den Kanzler +++ Umweltbunnsamt: Mehrweertstüer op Eten ut Planten schall weg +++ Prinz Harry sien Levensbericht is as Book rut +++ Bremer Binnenstadt: Ambulanz för Kinner maakt op +++ Bremen mit de meisten Staus in Düütschland +++ Dat Weer

Bild: Radio Bremen

Informationen zum Audio

Auto-Top-Drepen bi den Kanzler

Berlin: In’t Kanzleramt snackt vunnamiddag Top-Lüüd över den Kurs vun de düütsche Autoindustrie. Mit an’n Disch sitt de Wirtschap, Gewarkschapen un de Bunnslänner. Se wüllt mit Bunnskanzler Scholz un Wirtschapsminister Habeck doröver snacken, woans Arbeitssteden bestahn blieven köönt, wenn Düütschland bet 2045 bi’t Klima kene roten Tallen mehr schrieven will.

Umweltbunnsamt: Mehrweertstüer op Eten ut Planten schall weg

Berlin: Dat Umweltbunnsamt verlangt: De Mehrweertstüer op Eten un Drinken ut Planten schall weg. Präsident Messner meen in dat Hannelsblatt, för all Minschen schull dat mööglich ween, dat se sik Eten un Drinken leisten köönt, dat gesund is un goot för’t Klima. Dat süht ok de Baas vun den Bunnsverband vun de Verbrukerzentraal, Pop, so. Se sä, dat warrt hööchste Tiet, de Mehrweertstüer vun Arvten un Bohnen, Appeln un Beren un Grööntüüch wegtonehmen, dat de Minschen mit weniger Geld goot inköpen köönt.

Prinz Harry sien Levensbericht is as Book rut

Nee York: Över Daag weer mit veel Stank un Strund hen un her snackt worrn – vundaag nu kummt Prinz Harry sien Levensbericht rut. De jüngere Söhn vun den britschen König Charles III. gifft de britsche Press düchtig Wind vun vörn. Sien Familie smitt he ok vör, se harrn sien Fro mit ehr afroamerikaanschen Wuddeln nich den Rüch steilt. Wat in dat Book binnensteiht, schull egens geheem blieven, man vör en poor Daag al weer dat in Spanien verköfft worrn.

Bremer Binnenstadt: Ambulanz för Kinner maakt op

Bremen: In de Bremer Binnenstadt maakt vundaag en ne’e grote Praxis extra för Kinner op. Mit de „Kinnerambulanz“ will de Gesundheitsbehöörd Last nehmen vun de Kinnerdokters. De harrn dat annerletzt in jümehr Praxen böös hild, wo sik so vele ansteken harrn. Ünnerkamen is de Kinnerambulanz an’n Brill, wo vörher dat Impfzentrum för Kinner ween is. Lopen schall dat bet in de Mitt vun den Märzmaand.

Bremen mit de meisten Staus in Düütschland

Bremen: Verleden Johr weer de Stadt ene vun de teihn Grootstädte in Düütschland mit de meisten Staus. Dat vermellt de Verkehrs-Deenstleister Inrix. Lüüd, de för jümehr Arbeit na Bremen rinfohrt, hebbt 2022 sowat 56 Stunnen in en Stau stahn. Dat is kloor mehr as vörher. De Bremer Verkehrsbehöörd seggt: Dat liggt an de velen Boo-Steden. Den gröttsten Kummer gifft dat an dat Bremer Autobahn-Krüüz un op Stücken vun de Bunnsstraten 6 un 75. De Straten weren an’n meisten dicht in München, Berlin un Hamborg.

Dat Weer

Un woans süht dat mit dat Weer umto ut? Opstunns hebbt wi in Bremen 4 Graad, in Bremerhaven, Frieseythe un Rotenborg sünd dat 5 Graad. Vundaag kriegt de Wulken de Bavenhand, de Sünn waagt sik blots hier oder dor kort mal rut. Dat pladdert aber blots af un an mal en lütt beten. Gegen Avend treckt vun Westen her Regen op. Dat Thermometer krabbelt op 7 bet 8 Graad. De Wind dorto weiht in Maten, an de See ok frisch, vun de süüdwesten Kant un dreiht wieder op Süüd. In’t Binnenland düchtige, an de See ok störmsche Böen. Tokamen Nacht: Dichte Wulken. Un dat pladdert mal mehr, mal weniger, dorför aver överall. Dat Ganze bi 6 bet 5 Graad. Morgen: De Regen treckt an’n Vörmiddag över de Wumm un de Aller af, un vun de Küst her kummt denn Sünnschien mit Wulken rin. Bi 10 bet 12 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Michael Kück.