Jetzt läuft:

The Spiders Don't Blow Your Mind
  • Als nächstes läuft:

  • Um 18:51 Uhr läuft: Alice Cooper Reflected
  • Jetzt läuft:

    The Spiders Don't Blow Your Mind
  • Davor lief:

  • Um> 18:41 Uhr lief: The Main Squeeze Comfortably Numb
  • Um> 18:34 Uhr lief: Pink Floyd Have A Cigar
  • Um> 18:32 Uhr lief: The Beach Boys Fun Fun Fun
  • Um> 18:27 Uhr lief: the Mamas and the Papas I Call Your Name
  • Um> 18:24 Uhr lief: Edwin Starr War
  • Um> 18:19 Uhr lief: Barrett Strong Money (That's What I Want)
  • Um> 18:15 Uhr lief: Uriah Heep Silver Sunlight
  • Um> 18:09 Uhr lief: Status Quo Gotta Get Up And Go
  • Um> 18:05 Uhr lief: Alice Cooper Hello Hooray
  • Um> 17:55 Uhr lief: Eiffel 65 Blue (Da Ba Dee)

Beat-Club mit Lutz Hanker

Plattdeutsche Nachrichten Plattdüütsche Narichten vun'n 30. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 30. November 2022

In'n November: weniger Minschen ahn Arbeit +++ Kabinett: Fachlüüd schüllt eenfacher na Düütschland kamen +++ Landdag in Neddersassen stimmt af över Krisenpaket +++ Kunferenz vun de Binnenministers will dat Üm-un-Bi beter afsekern +++ Kummt Ordeel to den Impf-Schandaal in Schortens +++ Dat Weer

Bild: Radio Bremen

Informationen zum Audio

In'n November: weniger Minschen ahn Arbeit

Nörnbarg: An de Laag op den Arbeitsmarkt in Düütschland hett sik in’n November nich veel ännert. De Bunnsagentur för Arbeit tellt an’t Enn vun den Maand in ganz Düütschland 2.434.000 Lüüd, de keen Job hebbt – dat sünd 8.000 weniger as in’n Oktober. De Quoot blifft bi 5,3 Perzent. In Bremen is de Quoot um 0,1 Punkten op 10,2 trüchgahn. Dat sünd mehr as 37.100 Minschen, de hier keen Arbeit hebbt. In Neddersassen weren sowat 235.000 Lüüd as arbeitslos mellt. De Quoot dor blifft bi 5,4 Perzent.

Kabinett: Fachlüüd schüllt eenfacher na Düütschland kamen

Berlin: De Bunnsregerung bringt glieks de neen Regeln för Fachlüüd mit Utbildung vun buten de EU op’n Weg. Dat Kabinett will dorför en Grundlagenpapeer annehmen. Arbeitsminister Heil hett anseggt: So kriggt Düütschland dat modernste Recht för’t Inwannern in Europa. Dor steiht ok binnen, dat Minschen ut anner Länner Punkten sammelt un so womööglich inwannern köönt.

Landdag in Neddersassen stimmt af över Krisenpaket

Hannover: In Neddersassen stimmt de Landdag jüst af över den Nadrag to den Huusholt för düt un tokamen Johr. De root-gröne Koalitschoon will knapp dree Milliarden Euro mehr in den Huushoolt rinschrieven. Ok schall dat Präsidium grötter warrn. SPD, CDU un Gröne wüllt nich mehr veer, man fief Posten för Vizepräsidenten. Dat köst aver en Barg mehr Geld, un dorüm sünd dor vele nich mit inverstahn.

Kunferenz vun de Binnenministers will dat Üm-un-Bi beter afsekern

München: De Binnenministers wüllt sik vundaag ankieken, woans se allens dat, wat den Alldag an’t Lopen höllt, beter afsekern köönt. Bremens Binnensenater Mäurer harr dorbi ok den Vörslag maakt, dat Lüüd bi Füerwehren un Reddungsdeensten mehr Geld kriegt un överall in Düütschland datsülvige. De SPD-Mann will dor en P vör setten, dat de Bunnslänner den Wettstriet um düsse Steden opnehmt.

Kummt Ordeel to den Impf-Schandaal in Schortens

Ollenborg: Dat Landgericht gifft an’n Middag woll dat Ordeel rut to den Impf-Schandaal in den Kreis Freesland. Vör’t Brett steiht en Fro vun 39 Johr. Seggt warrt: Statts en Corona-Impf-Middel hett se en Lösung ut Kaaksolt sprütt. Achteran müssen sik mehr as 8 dusend Minschen noch mal wedder impfen laten. De Richters mööt nu seggen, wat se versöcht hett, anner Lüüd wat antodoon, oder wat se dat to’n Enn bröcht hett. Schull de Fro verordeelt warrn, kunn se en Geldstraaf kriegen un bet fief Johr achter Trallen.

Dat Weer

Un woans süht dat mit dat Weer umto ut? Opstunns hebbt wi in Bremerhaven 4 Graad, in Bremen, Cuxhaven un Nienborg sünd dat 5 Graad. Vundaag: Eerst diesig-gries, ok natt un mit Spütterregen. Ok över Dag: dichte Wulken, ut de dat regen oder pieseln kann. Dat warrt aver dröger, ok wenn de Wulkendeek woll dicht blifft. Dat Thermometer kummt nich över 5 bet 7 Graad rut. De Wind dorto weiht flau vun de oosten bet noordoosten Kant. Tokamen Nacht: Vele Wulken oder en faste Wulkendeek, de Steerns kriegt wi woll nich to sehn. Af un an pladdert dat, meisttiets aver blifft dat dröög. Bi 5 bet 3 Graad. Morgen: Jümmers noch Wulken över Wulken. An’n Morgen un Vörmiddag kann dat noch wat pieseln. Vun Middag op an denn dröög, un wenn wi Glück hebbt, kriegt wi ok mal den Heven to sehn. Dat Ganze bi 4 bet 6 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Carsten Putz.