Jetzt läuft:

Hozier Take Me To Church
  • Als nächstes läuft:

  • Um 12:20 Uhr läuft: Tina Turner Typical Male
  • Jetzt läuft:

    Hozier Take Me To Church
  • Davor lief:

  • Um> 12:11 Uhr lief: The Beatles She Loves You
  • Um> 12:07 Uhr lief: Herbert Grönemeyer Flugzeuge Im Bauch
  • Um> 12:04 Uhr lief: Gloria Gaynor Never Can Say Goodbye
  • Um> 11:56 Uhr lief: Europe The Final Countdown
  • Um> 11:53 Uhr lief: Van McCoy The Hustle
  • Um> 11:49 Uhr lief: Sarah Connor Skin On Skin
  • Um> 11:44 Uhr lief: Wham! Last Christmas
  • Um> 11:41 Uhr lief: Blondie One Way Or Another
  • Um> 11:35 Uhr lief: Milow How Love Works

Das Wochenende aus Bremerhaven mit Ansgar Langhorst

Plattdeutsche Nachrichten Plattdüütsche Narichten vun'n 24. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 24. November 2022

CDU un SPD mit Börgergeld-Kompromiss tofreden +++ Stroomutfall in de Ukraine dör Raketenattacken +++ Amazon-Mitarbeiders in Achim laat Arbeit liggen

Bild: Radio Bremen

Informationen zum Audio

CDU un SPD mit Börgergeld-Kompromiss tofreden

Berlin: Na dat se sik bi’t Börgergeld enig worrn sünd, hebbt CDU un SPD gode Wöör för den Kompromiss funnen. CDU-Baas Merz säe, datt sik de Utschuss to’n Vermiddeln op en Lösung mit Verstand enigt hett. SPD-Generaalsekretäär Kühnert is tofreden mit dat Ergebnis, denn de SPD hett den Karn vun dat Börgergeld dörsetten kunnt. De Union hett sik dorför stark maakt, datt vun Anfang an Strafen utspraken warrn köönt. Bavento is dat Schoonvermögen op 40.000 Euro daalsett worrn.   

Stroomutfall in de Ukraine dör Raketenattacken

Kiew: Düchtige Raketenattacken vun Russland hebbt in veele Regionen vun de Ukraine dorför sorgt, datt de Stroom utfullen is. Na Angaven vun dat Energieministerium in Kiew sünd all Atoomkraftwarken un de mehrsten vun de Warms- un Waterkraftwarken vun’t Nett nahmen worrn. Ok in’t Naverland Moldau is de Stroom to’n Deel utfullen.    

Wichtiger Besluss för Bremer Ruumfohrtünnernehmen

Bremen: De Mackers vun de Europääschen Ruumfohrtagentur ESA hebbt sik op en Budget vun meist 17 Milliarden Euro för de tokamen dree Johr enigt. Dat is na Angaven vun de ESA en Plus vun 17 Perzent. Bremens Wirtschaftssenatersche Vogt säe, datt dorvun ok Bremer Ünnernehmen profiteern ward. Woveel Geld na Bremen spölt ward, un wecke Projekten to’n Bispill OHB oder Airbus övernehmen ward, is opstünns noch nich klaar.   

Amazon-Mitarbeiders in Achim laat Arbeit liggen

Achim: De Gewarkschaft Verdi hett de Mitarbeiders vun’n Online-Hannel Amazon in Achim un Winsen hüüt un morgen to’n Streik ophisst. Mit de Akschoon rund üm den so nöömten Black Friday wüllt se dat Ünnernehmen to en Tarifverdrag dwingen. De Rabatt-Dag gellt as en vun de Daag mit den gröttsten Ümsatz in’n Online-Hannel.

Dat Weer

Un nu en Blick op dat Weer: In Nordholt 6, in Bremen, Bremerhaben un Emmen 7, in Möppen un Nienborg 8, un in Deefholt sünd dat opstünns 9 Graad. Hüüt Vörmiddag is dat deels locker, deels dicht wulkig mit enkelte lichte Regenschuers. An’n Namiddag sett sik de Sünn vun‘n Westen her beter dör, un dat blifft meisttiets dröög. Dat ward wedder lau bi 9 bet 10 Graad. In de Nacht is dat eerst licht wulkig. Na Middernacht treckt vun’t Emsland her jümmer mehr dichte Wulken op, de bet to’n Morgen besünners an de Werser ok Regen bringt. Dat köhlt af op 6 bet 3 Graad. Morgen Vörmiddag gifft dat meisttiets Regen. An’n Namiddag lockert dat vun Oostfreesland her op, un besünners bet to de Werser kummt de Sünn ok af un an mal rut. Aver ok enkelte Schuers kann dat noch geven bi 8 bet 11 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.