Jetzt läuft:

Tina Turner Typical Male
  • Als nächstes läuft:

  • Um 12:24 Uhr läuft: Electric Light Orchestra Turn To Stone
  • Jetzt läuft:

    Tina Turner Typical Male
  • Davor lief:

  • Um> 12:13 Uhr lief: Hozier Take Me To Church
  • Um> 12:11 Uhr lief: The Beatles She Loves You
  • Um> 12:07 Uhr lief: Herbert Grönemeyer Flugzeuge Im Bauch
  • Um> 12:04 Uhr lief: Gloria Gaynor Never Can Say Goodbye
  • Um> 11:56 Uhr lief: Europe The Final Countdown
  • Um> 11:53 Uhr lief: Van McCoy The Hustle
  • Um> 11:49 Uhr lief: Sarah Connor Skin On Skin
  • Um> 11:44 Uhr lief: Wham! Last Christmas
  • Um> 11:41 Uhr lief: Blondie One Way Or Another

Das Wochenende aus Bremerhaven mit Ansgar Langhorst

Plattdeutsche Nachrichten Plattdüütsche Narichten vun'n 23. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 23. November 2022

Ukraine plaant 4.000 Stuven to’n Opwarmen +++ VW-Mitarbeiders in’n Westen kriggt mehr Geld +++ Düütsche Natschonaalmannschaft startet in Football-WM in Katar

Bild: Radio Bremen

Informationen zum Audio

Bunnsdag snackt över Huushooltspolitik vun Bunnsregeern

Berlin: In’n Bunnsdag löppt de Generaaldebatt över de Regerungspolitik vun de Ampel-Koalitschoon. Grund dorför is de Diskusschoon över den Huushoolt vun’t Kanzleramt. De Utspraak över veer Stünnen is traditschonell de Top-Termin vun dat Huushooltsverhanneln in’t Parlament. An’n Namiddag geiht dat bavento noch üm de Huusholden för dat Buten-Amt un för dat Ressort för’t Deffendeern.  

Ukraine plaant landswiet meist 4.000 Stuven to’n Opwarmen

Kiew: De Ukraine will landswiet mehr as 4.000 Stuven to’n Opwarmen inrichten. Dat hett Präsident Selenskyj künnigmaakt. Grund dorför sünd de veelen Maleschen bi de Energieversorgung in Deelen vun’t Land dör de russ’schen Luftattacken. In de Stuven schüllt sik Minschen opwarmen könen, aver ok Stroom, Handynett un Internet, Water un Eerste Hölp kriegen.    

VW-Mitarbeiders in’n Westen kriggt mehr Geld

Langenhogen: De VW-Mitarbeiders in Westdüütschland kriggt in Tokunft mehr Geld. De Autohersteller un de IG Metall hebbt sik an’n fröhen Morgen op en nee’en Huustarif för de 125.000 Mitarbeiders enigt. Afmaakt is dat Anbören vun’n Lohn in twee Stappen üm 8,5 Perzent un 3.000 Euro Eenmalgeld bi en Looptiet vun 24 Maand.  

Karkendag vun de Bremschen Evangeelschen Kark snackt över’t Sporen

Bremen: De Karkendag vun de Bremschen Evangeelschen Kark is tosamenkamen un snackt över dat, wat se to’n Sporen doon wüllt. Bet 2030 wüllt se en Drüddel vun de Kosten insporen. De 150 Afordneten snackt nu doröver, wo de Plaans to’n Sporen nipp un nau ümsett warrn köönt. Ünner annern wüllt se mehrere Hüüs verköpen un de Arbeitssteden, de nu free ward, nich wedder besetten.

Düütsche Natschonaalmannschaft startet in Football-WM in Katar

Doha: För de düütsche Football-Natschonaal-Mannschaft steiht bi de Weltmeisterschaft in Katar dat eerste Speel an. Klock twee namiddags speelt se gegen Japan. Glieks speelt Marokko gegen Kroatien. Bavento geiht hüüt Spanien gegen Costa Rica in’t Rennen un Belgien gegen Kanada. Frankriek hett as Weltmeister vun’t letzte Mal an’n Avend sien Optaktspeel gegen Australien mit 4 to 1 wunnen.    

Dat Weer

Un nu en Blick op dat Weer: In Bremen, Nordholt un Achim 7, un in Bremerhaben, Deefholt, Leer un Cloppenborg sünd dat opstünns 8 Graad. Hüüt Vörmiddag hett de Sünn dat swor, sik gegen de dichten Wulken un de letzten Regenschuers dörtosetten. An’n Namiddag hett se betere Schangsen, un dat blifft en Tiet lang dröög. Eerst an’n Avend treckt vun’n Westen her wedder dichtere Wulken op. Later an’n Avend gifft dat ok Regen. De Temperaturen stiggt op 8 bet 10 Graad. In de Nacht treckt vun Westen na Oosten en Regenband dör. Later blifft dat dröög, un de Wulken lockert op. Dorbi blifft dat lau bi 7 bet 5 Graad. Morgen is dat eerst wulkig mit Regenschuers, över Dag kummt mehr un mehr de Sünn rut, un namiddags blifft dat meisttiets dröög. Dorto ward dat noch lauer mit 9 bet 11 Graad.

Dat weern de Narichten op platt. Tohoopstellt hett se Irene Lottes. Op Platt trechtmaakt un vörleest vun Marc Gelhart.