Jetzt läuft:

Amanda Lear Follow Me
  • Als nächstes läuft:

  • Um 12:53 Uhr läuft: John Waite Missing You
  • Jetzt läuft:

    Amanda Lear Follow Me
  • Davor lief:

  • Um> 12:45 Uhr lief: Bryan Adams Heaven
  • Um> 12:40 Uhr lief: Purple Disco Machine Feat. Sophie & The Giants Hypnotized
  • Um> 12:37 Uhr lief: Fleetwood Mac Little Lies
  • Um> 12:33 Uhr lief: Black Everything's Coming Up Roses
  • Um> 12:28 Uhr lief: Crash Test Dummies Mmm Mmm Mmm Mmm
  • Um> 12:24 Uhr lief: Electric Light Orchestra Turn To Stone
  • Um> 12:20 Uhr lief: Tina Turner Typical Male
  • Um> 12:13 Uhr lief: Hozier Take Me To Church
  • Um> 12:11 Uhr lief: The Beatles She Loves You

Das Wochenende aus Bremerhaven mit Ansgar Langhorst

Plattdeutsche Nachrichten Plattdüütsche Narichten vun'n 21. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 21. November 2022

CDU maakt Druck bi´t Verhanneln vun´t Börgergeld +++ Düütschland will Polen een Afwehrsystem för Raketen anbeden +++ LNG- Terminals in´t Norden warrt dürer as annahmen +++ In´t Land Bremen geiht dat mit de Wiehnachtsmarkten los +++ Striet üm de Tarifen bi Bremerhaben Bus geiht in de tokamen Runn +++ Dat Weer

Bild: Radio Bremen

Informationen zum Audio

CDU maakt Druck bi´t Verhanneln vun´t Börgergeld

Berlin:  In den Striet üm dat Börgergeld, wat se so nömmt, maakt de CDU den Druck op de Ampel-Koalition höger. De Parteivize Linnemann verlangt vun de Regeerung, dat se an all  Plaans nochmal rangaht.  Anners kaamt se nich op een Brett, seggt he to dat Redaktionsnettwark Düütschland. De Union verlangt  Verbetterung bi de Sanktionen  und bi`t Schonvermögen. De Vermittlungsutschuss vun´t Bunnsdag un Bunnsrat schall  an´t Middeweeken eene Lösung för den Striet üm de Sozialreform finnen. De  Kamer vun de Länner schall an´t Freedag dat Gesetz to een Enn bringen.

Düütschland will Polen een Afwehrsystem för Raketen anbeden

Berlin: De Bunnsregerung will Polen Stütt geven, achter den Inslag vun eene Raket in´t Südosten vun´t Land. Verteidigungsministerin Lambrecht seggt, man hett Polen Eurofighter un Patriot-afwehrsysteme anbood. Bi den Inslag, in de letzte Week, sünd twee Minschen to dode kamen. Polen un de Nato gaht dorvun ut, dat dat eene ukrainsche Flugafwehrraket wesen is.

LNG- Terminals in´t Norden warrt dürer as annahmen

Berlin: De Terminals för Flüssiggas in Norddüütschland, de swümmt, warrt düütlich dürer as plaant. Dat Köpen un Ünnerhalen kost an´t Enn tominnst dreeeenhalf Milliarde Euro, so seggt dat Bunnswirtschaftsministerium. Und se hebbt dormit den Bericht ut den „Spiegel“ bestätigt. All in All sünd dat rund 6,6 Milliarden Euro mehr. De eerste Flüssiggas- Anleger is vör knapp eene Week in Wilhelmshaben in Gang kamen. Sien Bo kost rund 56 Millionen Euro. In´t Januar schüllt de ersten Tanker ankamen.

In´t Land Bremen geiht dat mit de Wiehnachtsmarkten los

Bremen: In Bremen un Bremerhaben fangt an´t Vomdag de Wiehnachtsmarkten an. In dütt Johr gifft dat keene Corona-Regeln. Man vunwegen de Knappheid vun de Energie gaht de Lichter an de Ständen un Karussels eene Stünn later an un an´t Avend eene Stünn fröher ut. Ok Bremerhaben hett ankünnigt, dat se de Lichter vun´t Markt nich so lang anlaaten willt.

Striet üm de Tarifen bi Bremerhaben Bus geiht in de tokamen Runn

Bremerhaben: In´t Tarifstriet bi Bremerhaben Bus geiht dat wieter mit dat Verhanneln för de 180 Mitarbeiders. De Gesellschaft för Verkehr Bremerhaben harr toletzt eenen Inflationsutgliek vun 120 Euro/ per Maand vörslagen. Man de Gewarkschaft verdi verlangt 13 Perzent un betere Vörutsettens to´n arbeiden. Vör knapp 2 Weeken harr dat eenen Lawei för Wohrschau geven. An eenen ganzen Dag sünd keene Busse in Bremerhaben ünnerwegens wesen.

Dat Weer

Un nu een Blick op dat Weer: in Bremen minus 5, in Deefhold minus 4, in Emm 0 un an den Bremer Flegerhaben sünd dat opstunns minus 2 Graad. Hüüt hebbt wi erst vele Wulken an`t Heven, de later oplockert, so dat to´n Nomdag hen ok mal de Sünn dörkummt. Op de Eilannen kann dat ok mal so´n beten pieseln. De Temperaturen liggt bi 1 bit 4 Graad. In de Nacht treckt dicke Wulken op, de bit to de Weser Snee, Sneeregen un Regen mit sik bringt. Dorüm kann dat ok bannig glatt sien, bi 2 bit minus 2 Graad. Morrn geiht dat mit dichte Wulken los. Dat pieselt so´n beten. Twischen Weser un Elb kummt denn ok Sneeregen rünner un dat kann hier un dor glatt sien. Later treckt de Wulken af un de Sünn kummt noch mal dör, bi 4 bit 7 Graad. Middeweeken hebbt wi vele Wulken an´t Heven, man dat blifft meist dröge. To´n avend hen kann dat in´t Emsland hen so´n beten pieseln, bi 6 bit 9 Graad. Dat werrn de Nahrichten op Platt. Anja Guse hett se tohoopstellt. Op Platt trechtmaakt un vörleest hett se Antje Kruppa.