• Als nächstes läuft:

  • Um 13:07 Uhr läuft: Soulsister The Way To Your Heart
  • Davor lief:

  • Um> 12:52 Uhr lief: John Waite Missing You
  • Um> 12:49 Uhr lief: Amanda Lear Follow Me
  • Um> 12:45 Uhr lief: Bryan Adams Heaven
  • Um> 12:40 Uhr lief: Purple Disco Machine Feat. Sophie & The Giants Hypnotized
  • Um> 12:37 Uhr lief: Fleetwood Mac Little Lies
  • Um> 12:33 Uhr lief: Black Everything's Coming Up Roses
  • Um> 12:28 Uhr lief: Crash Test Dummies Mmm Mmm Mmm Mmm
  • Um> 12:24 Uhr lief: Electric Light Orchestra Turn To Stone
  • Um> 12:20 Uhr lief: Tina Turner Typical Male
  • Um> 12:13 Uhr lief: Hozier Take Me To Church

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 18. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 18. November 2022

Tarifstreit in Metall- un Elektroindustrie vun´n Disch +++ Weltklimakonferenz in Ägypten kann viellicht länger duern +++ Mobilfunk bi O2 geiht wedder! +++ Linkspartei in Bremen twievelmödig bi Plans vun´n Senaat +++ Football-Wettspeel mit Werder Bremen warrt nich utricht +++ Dat Weer

Bild: Radio Bremen

Informationen zum Audio

Tarifstreit in Metall- un Elektroindustrie vun´n Disch

Ludwigsburg. Arbeitsgever un Gewarkschaften vun dat Metall- un Elektro-Wirtschaftsfeld hebbt na Verhandlungen bit in de fröhen Morgenstünnen mehr Geld för de Arbeitnehmers afmakt. Eerstmal schall dat 5,2 Perzent mehr Geld af Juni 2023 un een Johr later noch eenmal 3,3 Perzent boven d´rup geven. Dorto koomt Eenmal-Geld vun 3000 Euro. Dat is denn stüerfree.

Weltklimakonferenz in Ägypten kann viellicht länger duern

Scharm El Scheich. De Weltklimakonferenz, de egentlich vunavend to Enn gahn schall, kann viellicht noch wieder gahn. Över wichtige Themen is noch nich snackt wurren. Dat gift en Hen un Her bi den Ümgang mit Schaden un Verlüsten, den de Klimawannel in Länner mit wenig Geld anrichten doot.

Mobilfunk bi O2 geiht wedder!

Bremen. De Maleschen in dat Mobilfunknett vun O2 is ok in Bremen un Neddersassen binah wedder heel un deel torecht makt. Dat gift blots noch en poor Naarbeiden. Dat vermellt O2. Grund för de binah bunnswieden Nett-Maleschen weer en Fehler an en Server, de för dat Överdragen vun de Spraak tostännig is. In Bremen un annern Steden geev dat bavento Maleschen mit de Nootnummern vun de Polizei un Füerwehr.

Linkspartei in Bremen twievelmödig bi Plans vun´n Senaat

Bremen. De Linkspartei glövt nich doran, dat en scharpet Vörgahn gegen Drogenhannelslüü, de Laag an´n Hauptbahnhoff villicht beter maken kann. Binnensenator Mäurer vun de SPD harr güstern ankünnigt, he wull wohrschienlich, wenn´t jichtens geiht, vele Drögenhökers ut anner Länner afschuven laten. De Fraktschoonsbaas vun den linken Koalitschoonspartner, Janßen, see buten un binnen: Dat brukt mehr gode hölpen Hannen för de Minschen, de Drogen to´n Överleven brukt.

Football-Wettspeel mit Werder Bremen warrt nich utricht

Lohne. Een Football-Wettspeel, dat morgen in de Stadt in den Landkreis Vechte utricht weern schull, is afseggt wurren. Werder Bremen weer ok dorbi. Grund sünd Probleme bi de Sekerheit wegen Football-Frünnen, de vör Gewalt nich bang sünd. Dat vermellt de Polizei. Bi de Wettspelen schullen ok Bielefeld un Düsseldörp ut de tweeten Football-Bunnsliga mitmaken.

Dat Weer

Un nu noch en Blick op dat Weer: in Meppen fief, an’n Bremer Flegerhaben un in Bremerhaben twee un in Hooksiel sünd dat opstunns dree Graad. De lichte Regen kann twüschen Elv un Weser al an´n Vörmiddag in Sneeregen övergahn. An´n Avend kann denn ok hier un dor viellicht en beten Snee fallen. De Wind weiht in Maten. Mehrsttiets frisch vun de oosten Kant. Dat Thermometer wiest een bit söss Graad. In de Nacht fallt en beten Snee un treckt denn na Süden af. Al an´n Anfang vun de Nacht gifft dat Frost. Dat kann glatt weern. De Temperaturen sacken op minus een bit minus fief Graad daal. Morn dröge kolle Luft un en blaue Heven ohn Wulken bi twee bit fief Graad. Sünndag: Vör allen in Richtung Küst Sünnschien, aver frostig. In´n Verloop vun de süüdwesten Kant dichte Wulken un en beten Regen. An´n Anfang mit Snee vermengeleert. Dat Thermometer weist een bit fief Graad.

Dat weern de Narichten op platt. Tohoopstellt hett se Ralph Stölting. Op Platt trechtmaakt un vörleest vun Markus Weise.