Jetzt läuft:

Al Stewart On The Border
  • Als nächstes läuft:

  • Um 13:22 Uhr läuft: Atomic Kitten Whole Again
  • Jetzt läuft:

    Al Stewart On The Border
  • Davor lief:

  • Um> 13:15 Uhr lief: Robin Beck First Time
  • Um> 13:12 Uhr lief: Alvaro Soler Magia
  • Um> 13:08 Uhr lief: T. Rex Hot Love
  • Um> 13:05 Uhr lief: Soulsister The Way To Your Heart
  • Um> 12:52 Uhr lief: John Waite Missing You
  • Um> 12:49 Uhr lief: Amanda Lear Follow Me
  • Um> 12:45 Uhr lief: Bryan Adams Heaven
  • Um> 12:40 Uhr lief: Purple Disco Machine Feat. Sophie & The Giants Hypnotized
  • Um> 12:37 Uhr lief: Fleetwood Mac Little Lies
  • Um> 12:33 Uhr lief: Black Everything's Coming Up Roses

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 17. November 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 17. November 2022

US-Demokraten verleert de mehrsten Stimmen in´t Repräsentatenhuus +++ Vereente Natschoon fordern Russland un Ukraine op de Situatschoon to begööschen +++ Papenborger Meyer-Warft boet Krüüzfohrer „Global Dream“ toenn +++ Union will nich so recht an de Plaans ümtotrecken vun de Bremer Universität glöven +++ Testspill gegen Oman: Bremer Niclas Füllkrug maakt den Ball rin +++ Dat Weer

Bild: Radio Bremen

Informationen zum Audio

US-Demokraten verleert de mehrsten Stimmen in´t Repräsentatenhuus

Washington: In den USA mutt Präsident Biden de tokamen 2 Johren vun sien Amtstiet ahn de mehrstens Stimmen in den Kongress regeern. Na de US-Medien hett de Partei vun de Republikaner bi de Kongresswahlen knapp de mehrsten Stimmen in dat Repräsentantenhuus wunnen, dat is een vun de twee Kongresskaamern. De Partei vun Ex-Präsident Trump kann dormit in Tokunft en P vör de Plaans vun Biden setten.  

Vereente Natschoon fordern Russland un Ukraine op de Situatschioon to begööschen

Nee York: De vereenten Natschoon fordern Russland un de Ukraine dorto op de Situatschoon to begööschen. Dor achter stickt, dat Dingsdag in dat Grenzland twuschen Ukraine un Polen en Rakeet inslaan is un twee Minschen dorbi doot bleven sünd. Man besinnt sik nu dorop, jedeen wiedere Situatschoon de leger warrt to mieden, see de UN-Beopdraagte för politsche Fraagen, DiCarlo, bi den Weltsekereheitsraat.

Papenborger Meyer-Warft boet Krüüzfohrer „Global Dream“ toenn

Wismar: De Disney-Konzern köfft dat Schipp, wat noch nich to enn boet is un wat to de Brankrottmass tohöört, vun de MV-Warften in Wismar. Nu schüllt de Fachlüüd vun de Meyer-Warft de Grundarbeiden fardig maken. Woveel dat köst warrt nich seggt, dat Schipp schall Platz för 6000 Fohrgäst hebben.

Union will nich so recht an de Plaans ümtotrecken vun de Bremer Universität glöven

Bremen: De CDU is totiets trüchhollernd, vunwegen den Bericht, dat Deele vun de Bremer Uni in de Binnenstadt ümtrecken schullen. De Werserkurier mellt, dat de Bremer Lannsregerung woll dorför dat Huus vun de Noord LB an den Domshof anmeeten wull. Dor is wat scheefgahn se de wetenschops-politische Sprekersche Grobien vun de CDU bi buten un binnen. De Infall de betnu op´n Disch leeg, dat de Uni in dat
Ex-Sparkassen-Huus an den Brill ümtrecken schall, is noch nich nipp un nau ankeken worrn.

Testspill gegen Oman: Bremer Niclas Füllkrug maakt den Ball rin

Maskat: Werder Bremens Speeler Niclas Füllkrug hett denn Ball för de düütsche Football-Natschonaalmannschaft in dat Testspill gegen Oman rinmaakt un so dat Spill wunnen. Kort vör Spillenn hett Füllkrug dat eenzig Toor in de Partie maakt. Dat weer dat eenzig Testspill för de düütsche Manschaft ehrder de Weltmeisterschaft in Katar an Sünndag losgeiht.

Dat Weer

Un nu kiekt wi op dat Weer: In Bremerhaben sünd dat veer Graad, in Bremen, Emm un Hooksiel hebbt wi överall fief Graad. De Vörmiddag fangt mit Regenschuer an, de över de Werser bet an de Elv aftrecken. Över Middag kriegt wi en korte Regenpaus, an Namiddag schuert dat denn wedder. Alltohoop warrt dat hüüt gries un natt. De Wind weiht in Maaten bet frisch, an de Küst starken Wind vun de süüdoosten Kant. In´t Binnenland störmsche Böen, man ok Stomböen sünd mööglich un dat denn bi 4 bet 8 Graad. In de Nacht hangt de Heven vull Wulken un hier un dor pladdert dat. Dat Thermometer wiest us 5 bet 2 Graad. Ok Freedag warrt dat gries un natt, man dat pladdert weniger as hüüt. Mach ween, dat de Regen twuschen Elv un Werser in Slackersnee or natten Snee övergeiht. Eerst kriegt wi 3 bet 6 Graad, an Namiddag sünd dat blots noch 3 bet 1 Graad. In oosten vun Bremen un umto kann dat ok Frost geven, un denn kann dat ok glatt warrn.

Dat weren de Plattdüütschen Narichten. Tohoopstellt vun Ralph Stölting. Op Platt trechtmaakt un vörleest vun Martina Brünjes.